San Lucas 18:43 - Táurinakene máechejiriruwa’i ema Viya tikaijare

⁴³ Jé'esareine'i, tíja'uchawapa timairika ema púchuki. Taka'e, máe'ikapa ema Jesús, makunachapaipaware ema Viya. Énapa ena achaneana tímararakana'i eta manarasira'i, ichapeine'i eta nakunachira'i ema Viya.

Ignaciano

⁴³ Jéhesa­reinehi, tíjahú­chavapa timairirica ema púchuqui. Tásiha, tiyanapa máehica ema Jesús tiúrisa­mu­repaipa. Macuna­cha­pai­pavare ema Viya. Énapa ena achaneana tímara­ra­canahi eta manara­sirahi, ichape­rinehi eta nacuna­chirahi ema Viya.

San Lucas 18:43 Iomraidhean Croise

Gálatas 1:24

Taka'e, ichapeine'i eta nakunachira'i ema Viya níchavene'i nuti eta nékesirawa'i.

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Hechos 11:18

Taka'e ena machamuriana tikawasana'i te Jerusalén te nasamapa eta juka, timátinanapa. Nakunachaine'i ema Viya, naka'eipa'i: –¡Yátupi'i eta majakapirawaka'i ema Viya ena apawasana, eta náeñauchirawa'i. Kuti'avianaipa eta, máichekuarakirenapa eta vítaresiraya!

Hechos 4:21

Taka'e, ena tuparairukana, tisemanapa eta nasamira'i eta namasuapira'i. Taka'e, náipikararekapa. Tájinapasera náicharaka'ini. Nakaitikapa, tájina naviurewaina'ini. Taicha namutu'i ena achaneana nakunacha'i ema Viya táichavene'i eta náima'akene'i.

San Lucas 13:17

Eta nasamira'i ema Jesús, namutu ena tikatianakana'i titsiri'anaine'i. Énasera ena apamuriana achaneana tiúrisamureanaine'i, taicha eta náimaira'i eta táurikakarekeneana máichakeneana'i ema Jesús.

San Lucas 5:26

Namutupa nárami'i, tási'a tétavikawaine'i eta nakunachira'i na'asulupayachapa ema Viya, ánipa naka'e'i: –Wa'i vima'asarena'ini eta juka.

San Lucas 4:39

Ema Jesús maetipauchapa eta suye'e esu, tási'a makijikapa eta muraka fiebre, enewanepa táetaviaka'i eta fiebre, tási'a tepanawapa suéchapajirikawakapa.

San Mateo 21:14

Eta mávi'aira'i te templo ema Jesús, napauchapa ena púchukiana énapa ena masariana tási'a, ema makanarakawakapaipa'i.

San Mateo 11:5

Emétakayare, eta nukaimairikawakaipa ena púchukiana, nímipaisiraipa ena masariana, nukanarakawakaipa eta najumanaini ena karachameana, énapa ena tú'ukiñana samara'ianapa, nukaechepusirawakaipawa ena náepenakeneanaini, éneichuware níchu'a'i ena páureana vimisamawaka'i eta Arairu echéjirirukawa.

San Mateo 9:8

Te naima'apa eta juka, ena achaneana tipikanapa. Tasi'a tétavikawaine'i eta nakunachira'i ema Viya, taicha eta máitupaijiasirawa'i eta máijarasira'i ena achaneana.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.

San Lucas 19:37

Tási'a eta napaisira'i, témirikanapaipa te tachausi eta masi'i Ulivukiji, namutu ena té'ikanapa'i tipiarakanapaipa eta náurisamurewa'i, taicha eta náima'akeneana'i tiáramikareana máichakeneana'i ema.

San Lucas 9:43

Náramirine'i ena achaneana taicha eta tamutuira'i marata'a ema Viya, máitupajijiasirawa'i. Nanasi'icha'a'i napanerekene'a'i ena achaneana eta juka náima'akene'i. Ema Jesús mápechaware mametakawaka ena máimitureana. Ánipa maka'e'i: