San Lucas 18:13 - Táurinakene máechejiriruwa’i ema Viya tikaijare

¹³ Émasera ema apana achane wa'i máemeña'awa'ini. Tiyere'ichucha eta máeñauchirawa'i. Wá'iware mapatsikawa'ini máesenika'ini te anuma, té'atupachawa'isera eta máeñeuchirawa'i, ánipa maka'e: ‘¡Tata, nukatisamurewa ichape eta nukapekaturaira'i piye'e. Pájapanunusera piperdonachanu eta nupekaturana!’

Ignaciano

¹³ Émasera ema apana achane vahi máemeña­ha­vahini. Tiyere­hichucha eta máeneuchi­ravahi. Váhivare mapatsi­ca­vahini máeseni­cahini te anuma. Téhatu­pa­cha­va­hisera eta máeneuchi­ravahi. Ánipa macahehi: “Tata Dios, nucati­sa­mureva ichape eta nucape­ca­tu­rairahi piyehe. Pájapa­nu­nusera piperdo­nachanu eta nupeca­tu­rana” macahepa ena achane.

San Lucas 18:13 Iomraidhean Croise

San Mateo 10:3

Ema Felipe, ema Bartolomé ema Tomás, émapa ema Mateo, ema tive'ara'ini eta tawacha eta apake'e taye'e eta Roma, ema apana Santiago machicha ema Alfeo, tási'a émapa ema Tadeo,

San Mateo 6:5

“Te eyujaraka eti, wa'i ekukuti ena apimirana, tiyujarakana te peti naúrujisirarewa ena juriyuana, té'epuka te anekapa'iana, titupi'ana'i ena eta nayujarasira, nawaraira'i náimararakayare'i ena achaneana. Nútisera numetaka'e, ena nani tika'eana'i, najachapainapa eta naikuchi'i.

San Mateo 9:13

Eyana ekarawa'u eta juka taecheiriruwa: ‘Nuti, wa'i étaina tímitekanu nutanupanawakayare nákani matapirawareana'i, eta tímitekanu'i.’ Nutanupanawakayare ena tisipekaturanapana'i apaesa, náeñauchawapa me Viya.

Marcos 11:25

Éneichuware, te éñauchawa emetavika eti, eta naviurewana'i nákani tejekapawana'i eta eye'e. Apaesa éneichuwa maemetavika'e eta eviurewana ema Tata Vikaiyakene tiavi'a'i te anuma, tamutu eta epekaturana.

San Lucas 17:12

Te máitekapauchapa eta apana awasarechicha, tiúchujikanapa ena diéskeneana ajairana tikajumana eta karachacha'a. Nakapayakapa ema. Wá'isera náemeña'awa'ini ena, nayere'ichucha

San Lucas 22:41

Térajipanawapa ema Jesús eta naye'e ena. Tépuyukapa eta mayujarasira'i.

San Lucas 23:48

Namutu ena achaneana natiari'ikeneana'i, eta náimaira'i eta júkana, ichapeine'i eta nakatisamuréwaira'i, té'atupachawanapaipa'i.

San Lucas 5:8

Te maima'apa ema Simón Pedro, máepuyumirauchapa ema Jesús. Máichapa: –¡Tata, pijunijiakanu, taicha nuti ichape eta nukapekaturaraiwa!

Hechos 2:37

Taka'e, eta nasamira'i eta juka ena achaneana, ichapeine'i eta náeñamirawa'i te nasamureana. Tási'a, nayaserekapa ema Pedro énapa ena apamuriana apústuleana: –Viparapenaveana, ¿tája'apuka vícharakawaya víti?

Romanos 5:8

Émasera ema Viya, tétavikawa'i eta máemunasira'avi'i, tayanapane eta vikapekaturara'icha'anéni. Máijaraka'isera ema Machicha Jesucristo máepenina'avi'i.

2 Corintios 7:11

Eta ekatisamurerawa'i maicha ema Viya, ¡íma'apa eta taichararakawa'i! Taka'e puiti ímatiekene'apa, taicha nuti tajina nuyurewaina'ini, taka'e puiti katiuchanuanapa, tisemanaine'i, tási'a tipikanaine'i eta naichararakawaina'ini.

1 Timoteo 1:15

Nuwara'a námutu'ini ena achaneana nasuapa eta vé'iru'i taicha yátupi'i eta juka vímiturapiana: Ema Viákenu Jesucristo tímiteka'i te juka apake'e makuchuku'awakayare'i ena tikapekaturara'iana.

Hebreo 4:16

Eta taka'e, yatupina vemeña'awa eta vikasiñairaina te mawasa ema Viya témunara'ikene, apaesa ema majapanu'avi viti, taicha ema tétavikawa'i eta majapanuraiwa táichavene'i eta máemunasira'avi'i, ema, yátupi'i eta máimikatasira'avi taye'e tamutu eta vikamunuirawana.

Hebreo 8:12

Nuti nemétavikayare eta nawínarajiwana waipa nécharairikaima'i eta napekaturana.”