San Lucas 16:2 - Táurinakene máechejiriruwa’i ema Viya tikaijare

² Taka'e, máichu'apa. Mayaserekapa: ‘¿Tája'a takayema eta juka nusamauchavi'i eta pimapachichijisira'i eta níma'akeneana? Tiuri, vitupaekene'ayare tamutu, taicha waipa nuwara'a pímiyanawa eta nuye'e.’

Ignaciano

² Tacahe, ema máquenu máichuhapa. Mayase­recapa: “¿Tájaha tacayema eta juca? Nusamau­chavihi eta pimapa­chi­chi­ji­sirahi eta nímaha­queneana”. Émasera ema capataz tájina maviya­vahini macatiu­chia­vahini taicha yátupihi eta máejeca­pi­ravahi. Tacahe, ema máquenu máichapa: “Tiuri, vitupae­que­ne­hayare tamutu taicha vaipa nuvaraha pímiyanava eta nuyehe”.

San Lucas 16:2 Iomraidhean Croise

San Mateo 12:36

Nutupiruwa numetaka'e, te táitekapapa eta sache táitekapirayare eta ekuñaraki, emutu ekayasere'iyare eta échejisi'airana eta tamaeperajikeneana.

San Mateo 20:8

“Taka'e, te yátipa, ema maeja'aru maichapa ema mamusura ema techa'i eta ematanekana: ‘Pichu'awaka ena kaemataneana'i, piwachachawakaya namutu tinapukanayasera piwachachawaka ena naekenereruana tisiapana, tekene'anapa piwachachawaka ena mainapureana'i tisiapana'i.’

San Lucas 12:20

Tási'asera ema Viya máichapa: ‘Tétávikawa eta pisunsuwa piti. Puiti jena yati pépenaya, eta piúnaruana'i ¿naja'apapuka tisapi'aya?’

San Lucas 12:42

Maka'epa ema Tata Viákenu: “¿Makañári'ipuka ema nákenururi ena musuana máetaviucha'i eta mauriwa, tisuapajira'iware, ema makenu matuparaka'i ena tiavi'ana'i te mapena eta máijarasiraya eta nanikakene tamutu sacheana?

San Lucas 16:1

Ema Jesús eneichuware maichapa ena maimitureana: “Matiari'i ema achane riku, matiari'i'i ema maye'e nákenumuri ena músuana, técha'i tamutu eta máima'akeneana ema mákenu. Tási'a, masamairikapa ema mákenu eta mamapachichijisiraipa'i eta máima'akeneana.

San Lucas 16:3

Taka'e, ema nákenumuri ena músuana ichapeine'i eta mapanereresira'i: ‘¿Tája'ainapapuka nícharakawayare puiti? Ema nákenu tikuchukanuinapa taye'e eta juka nématanerepi'i. Ichape eta nutsiri'akarewayare. Titsiri'akare'iware nuyasesereka'ini eta nunikakene.

Romanos 14:12

Taka'eyare'i, émanapachu'aviya vimetaurekawaya maye'e ema Viya.

1 Corintios 1:11

Nuka'e eta nechejiriruwa, nuparapenaveana nemunarukeneana, taicha necha'i eta nametasiranu'i ena suchichanaveana esu vichamuri Cloe eta íputsikakaira wa'i tákutikaka'ini eta ekachanerakaka.

1 Corintios 4:2

Puíticha, mákani tikatupara'ayare taye'e eta ematanekana, takamunu'i yátupiyare eta máitauchiraina.

1 Corintios 4:5

Eta taka'e, wa'i táurika'ini tatiwaina'ini ekaune'ini eta júkana, te wicha'a ímatiekene'a'i, ekuchapaya eta mápechirawayare títeka ema Viákenu, ema tímikaecherachayare eta tayumururewa'i te timapiku, ema tímereucha'aviya eta vipanereruana te visamureanapachu. Taka'e, ema Viya tikunacha'avinapa eta viúriwana'i.

2 Corintios 5:10

Taicha vimutu vímerekawayare te mamira'u ema Cristo te máwakureyare, ánaki tímatikareyare tamutu eta víchakeneanapachu'i puiti juka vítaresiraicha'a, te vícha'ipuka eta táurikeneana, te éta'ipuka eta tamaurikeneana, te vícha'ipuka eta táurikeneana, vijakapainapa eta víkuchianapa'i.

1 Timoteo 4:14

Pémechawayare eta nametarapiana'i ena víyara'ana mametaruana'i ema Machanewa Viya, eta pikawakureraya. Péchaware eta nanasira'i ena eta nawa'uana te piápusi. Puiti, wa'i pikuemepurureka eta péchemaraiwa'i.

1 Timoteo 5:24

Takamunu'isera eta pikasamairunumaya nákani tisiapanayare eta pastulerukare, taicha narari'i ena machasi'i eta napekaturana, wa'i táimatikarewane, tapaenumawa te pikasamairunuma ena, narari'isera ena tikaecherawane eta napekaturana, tímatikarewaneana.

1 Pedro 4:10

Ema Viya tíjaraka'ewakaipa eta ítukakenepachu'i. Taka'e, yátupina ítauchaya eta ekaemataneasirakaka'i te mamira'u.

1 Pedro 4:5

Járajapainapasera eta sacheyare nakayasesere'irayare te mamira'u ema Viya, taicha ema yátupikene'i eta makatupara'aira'i eta vikayasesere'iraya víti, vítareruanaicha'a énapa ena náepenakeneana.

Apocalipsis 20:12

Tási'a níma'awarepa namutu ena náepenakeneanaini, ena amaperuana, énapa ena ichanaruana, namutu titupi'ana'i te mamira'u ema Viya téjaka'i te trono, tási'a tatiari'i eta libro tiama eta najukunana ena náitareruanaya. Tatiari'iware eta apamuriana libro takajuiya'i eta náichawakenewana'i ena achaneana.