San Lucas 16:19 - Táurinakene máechejiriruwa’i ema Viya tikaijare

¹⁹ Matiari'i ema achane mawayucha'i eta marrikuwa. Tétavikawa'i táurinawa'i eta makamuiri'aira, tijanunu'akanecha. Tamutu'i sácheana máicha eta tinikakare tiurinisikene'i.

Ignaciano

¹⁹ Tacahe, ema Jesús máimitu­ca­va­cavare ena achaneana. Ánipa macahe: —Nímicu­ti­chinahe eta apana. Matiarihihi ema émana achane. Mavayuchahi eta marricuva. Tétavi­cavahi táurinavahi eta macamui­rihaira. Tijanu­nu­ha­canecha. Tamutuhi sácheana máicha eta táurinaquene piesta.

San Lucas 16:19 Iomraidhean Croise

Marcos 15:17

Nanakawarepa eta muíriare mularume títsime, náitsamemakapa eta itapepi eta majarapiyare'i náicha.

Marcos 15:20

Te taekenepa eta nakaeka'ijirisira'i ema, navejamu'iakawarepa eta mamuiri'a títsime, namuiriachapa eta mamuiri'aichu, tási'a, nakuchukapa námapa eta te makaetataiyayare'i.

San Lucas 15:13

Taka'e, étaichu'i jena sácheana'i, tétupirikawapa ema amaperu, tiyanapa. Mamapa tamutu eta máijararu'i ema maiya. Tiyanapa te apana awasare. Eta ánaki, máitaiya'i tamutu eta máima'akeneanaini, tamutupa mamapachichijika'i maichapa eta tamaurikeneana.

San Lucas 16:1

Ema Jesús eneichuware maichapa ena maimitureana: “Matiari'i ema achane riku, matiari'i'i ema maye'e nákenumuri ena músuana, técha'i tamutu eta máima'akeneana ema mákenu. Tási'a, masamairikapa ema mákenu eta mamapachichijisiraipa'i eta máima'akeneana.

San Lucas 16:18

“Mákani achane, te máinajikapuka esu mayena, tási'a mave'a esu apana esena, ema tikapekaturaipa'i. Takutikene mákani apanaware achane mave'apa esu esena máinajiru'i ema suima, éneichuware tikapekaturaipaware.

San Lucas 16:20

Matiari'iware ema apana achane paure tikaijare Lázaro. Tikajuma'i, amairi'a'i karachacha'a eta majuma. Téja'apairika'i ema tamutu sácheana te mapajakura ema riku.

Apocalipsis 17:4

Esu suka esena, eta táima'i eta sumuiri'a mularume étapa eta titsi, tétavikawa'i táurinawawaka'i eta suyereruwana, amairi'a uru, étapa eta táurinakeneana márija'ichichana, étapa eta tiurinana perla. Tási'a, te suwa'u sukarataka'i eta ichape suéreresi uru, tiáma'i eta tájiparakana pekatuana táiñema'ikeneana suíchakeneana'i eta suítaresira'i sutu'usiwa'i,

Apocalipsis 18:16

tási'a, naka'enapa: “¡Páurevisami piti ichapekene awasare! Tétavikawaini'i eta piúrinawaini'i, pikamuiri'a'ini'i eta tatumekene lino eta pimuiri'a eta taima'i mularume, tási'a titsi, eta taye'ejaka eta pimuiri'a, amairi'a uru, perla, étapa eta táurinakeneana márija'iana.

Apocalipsis 18:7

Émecharekayare muraka, ichapena eta sukatajiwairaina taicha tétavikawa eta suijarasirawa'i, eta susiñawawaisira'i suichira'i eta tamaurikeneana. Ánipa taka'e te susamure: ‘Tájina níchirawaina'ini néjaka'i nukuti'i esu reina. Nuti wa'i maimarunuina'ini, waipaine'i nukatajiwaima'i.’