San Lucas 16:13 - Táurinakene máechejiriruwa’i ema Viya tikaijare

¹³ “Najina emanaina musu, táurika'ini apinanaina'ini ena viákenuana, taicha vémunakapanayare'i ema émana, tási'a ema apana, apaesaineya eta vémunasiraya, wáipainapa tisuapakarema'i ema. Tási'a, ema apana, apaesaineya eta vémunasira. Ene taka'e'i eta juka víma'akeneana, wa'i vikuisapa ta'apasamurecha'avi eta plata. Machu ta'apapirika'avi eta vémunasira'i ema Viya.”

Ignaciano

¹³ Éti, eta ítare­sirahi, vahi táuricahini apina­nai­nahini ena iáquenuana. Taicha émuna­ca­pa­na­yarehi ema émana, tisuapa­ca­re­pa­na­ya­re­hivare. Tásiha, ema apana, apaesa­rineya eta émuna­siraina, váipainapa tisuapa­ca­remahi éma. Ene tacahehi eta juca ímaha­queneana, vahi ecuisapa tahapa­sa­mu­re­re­ca­hehini eta plata, machu tahapa­pi­ri­ca­heriana eta émuna­sirahi ema Viya, étapa eta ecaema­ta­nea­sirahi éma —máichavacapa ema Jesús ena máimitureana.

San Lucas 16:13 Iomraidhean Croise

San Mateo 4:10

Ema Jesús majikapapa: –Péwisi'a piti Wínaraji te juka numira'u, taicha eta táechejiriruwa'i eta Takapika'ukene Ajureka ani taka'e: ‘Makarichu ema Viya vépuyumirauchaya, makarichuware vikaemataneakayare.’

San Mateo 6:24

“Najina emanaina táurika'ini apinanaina'ini ena viákenuana, taicha vémunakapanayare'i ema émana, tási'a ema apana apaesaineya eta vémunasiraya, wáipainapa tisuapakarema'i ema émana. Ene taka'e'i eta juka víma'akeneana, wa'i vikuisapa ta'apasamurecha'avi eta platakare, machu ta'apapika eta vémunasira'i ema Viya.

San Lucas 11:23

“Te wa'i ekusuapanu eta nichakeneana'i, je'eware ekatichanu'i, te wa'iware ekuimikatakanu eta naitesiraina nuye'e, tímikutijirikawa epanajirikawaka ena achaneana.

San Lucas 14:26

-Te etiari'ipuka eti ewara'anayare é'ikanu, takamunu epamikawaya yátupina eta é'isiranuya. Nútinapa émunakapanayare, németavikainapa eta émunasirawakaini ena tikachicha'eana, énapa ena eyenana, ena echichanaveanapuka, eparapenaveanapuka. Wáipaware éñamaima'i eta ítaresira.

San Lucas 16:12

Te wa'i, ítaura'iyare te jákani apaye'eana, ¿naja'apuka tijaraka'eya eta eye'eya?

San Lucas 16:9

“Puiti numetaka'eyare, eti ekaima'akene'ipuka, ekajiyare te napaucha'epuka ena tikamunuwana'i. Taka'e, te ítekapapa te máwasa ema Viya, tiúriyare eta ítekapiraya, ánaki ejákapainapa eta táitsiwayare.

San Lucas 9:50

Ema Jesús májikapapa: –Wa'i ekukawaka, taicha mákani wa'i tikatianaka'aviana'i, ena tímikataka'aviana'i.

Santiago 4:4

¡Tétavikawapa eta emaetupisirawa'i eti achaneana! ¿Wa'i echa eti, eta vikajiriarera eta tamauirikeneana te juka apake'e, timikutijiriwa'i vikatianaka'ini ema Viya? Namutu nákani naicha eta tamaurikeneana nakatianakayare ema Viya.