San Lucas 16:1 - Táurinakene máechejiriruwa’i ema Viya tikaijare

¹ Ema Jesús eneichuware maichapa ena maimitureana: “Matiari'i ema achane riku, matiari'i'i ema maye'e nákenumuri ena músuana, técha'i tamutu eta máima'akeneana ema mákenu. Tási'a, masamairikapa ema mákenu eta mamapachichijisiraipa'i eta máima'akeneana.

Ignaciano

¹ Ema Jesús ánivare macahehi eta máimitu­si­ra­vacahi ena máimitureana: —Nímicu­ti­chinahe eta apana. Ema achane rico, matiarihihi ema mayehe capataz, téchahi tamutu eta máimaha­queneana ema máquenu. Tásiha, masamai­ri­ricapa ema máquenu eta mamapa­chi­chi­ji­si­raipahi eta máimaha­queneana.

San Lucas 16:1 Iomraidhean Croise

San Mateo 20:8

“Taka'e, te yátipa, ema maeja'aru maichapa ema mamusura ema techa'i eta ematanekana: ‘Pichu'awaka ena kaemataneana'i, piwachachawakaya namutu tinapukanayasera piwachachawaka ena naekenereruana tisiapana, tekene'anapa piwachachawaka ena mainapureana'i tisiapana'i.’

San Lucas 12:42

Maka'epa ema Tata Viákenu: “¿Makañári'ipuka ema nákenururi ena musuana máetaviucha'i eta mauriwa, tisuapajira'iware, ema makenu matuparaka'i ena tiavi'ana'i te mapena eta máijarasiraya eta nanikakene tamutu sacheana?

San Lucas 15:13

Taka'e, étaichu'i jena sácheana'i, tétupirikawapa ema amaperu, tiyanapa. Mamapa tamutu eta máijararu'i ema maiya. Tiyanapa te apana awasare. Eta ánaki, máitaiya'i tamutu eta máima'akeneanaini, tamutupa mamapachichijika'i maichapa eta tamaurikeneana.

San Lucas 15:30

Tási'a puiti eta machavira'i ema pichicha, pímikapakaine'i eta chikeru tiújepana, taicha eta máitekapira'i ema émana pichichatataji. Ema máka títa'akawa'i eta píjararuini'i náichavene'i ena esenana tú'usiana.

San Lucas 16:19

Matiari'i ema achane mawayucha'i eta marrikuwa. Tétavikawa'i táurinawa'i eta makamuiri'aira, tijanunu'akanecha. Tamutu'i sácheana máicha eta tinikakare tiurinisikene'i.

San Lucas 16:2

Taka'e, máichu'apa. Mayaserekapa: ‘¿Tája'a takayema eta juka nusamauchavi'i eta pimapachichijisira'i eta níma'akeneana? Tiuri, vitupaekene'ayare tamutu, taicha waipa nuwara'a pímiyanawa eta nuye'e.’

San Lucas 19:20

“Tási'a tímerekawaware ema apana mamusura. Máichapa: ‘Tata, júka'i eta piplatane, núnakaichucha, nítipuika'i te pañuelo,

San Lucas 8:3

Sutiari'ipa'i esu Susana, ésupa esu Juana, mayena ema Cuza, ema maye'e'i empleado ema Aluresi, técha'i tamutu eta máima'akeneana ema Aluresi. Maverana'iware ena apamuriana esenana titatiana'i.

Tito 1:7

Taicha takamunu matapirawarena nákani pitupararuanayare; taicha ena, tuparairukanayare maye'e ema Viya. Mákani, tímitukakare'i. Mákani, wa'i tisemarairi'i. Wá'iware tawayuaruina eta térakare kawa'arasi. Wá'iware makutanuka eta semanere, wa'iware makujamuracha eta apaye'e.

Santiago 4:3

eti eyaseaka'ineni ema, wá'isera máijaraka'e'ini, taicha wa'i táetupikawa'ini eta eyasesearapiana, étachucha eta tajamurachakeneana'i eta iáke'e.

1 Pedro 4:10

Ema Viya tíjaraka'ewakaipa eta ítukakenepachu'i. Taka'e, yátupina ítauchaya eta ekaemataneasirakaka'i te mamira'u.