San Lucas 12:4 - Táurinakene máechejiriruwa’i ema Viya tikaijare

⁴ “Étipa eti némunakasareana, numetaka'e: Wa'i ekupika nákani nakapakapuka eta iáke'e, takarichusera náituruekene'ayare.

Ignaciano

⁴ Étiripa eti némuna­ca­sareana, numetacahe: Vahi ecupica nácani nacapa­capuca eta iáquehe, tacari­chusera náiturue­que­ne­hayare.

San Lucas 12:4 Iomraidhean Croise

San Mateo 10:28

Wa'i ekupika nákani tikapakana eta iáke'e, taicha wa'i narata'aima'i nakapaka eta iáchanewa, makarichu epikayare ema Viya, taicha ema, marata'a'i makamitiekene'a eta iáchanewana taye'e eta táiñe'ikene ekuñaraki.

San Juan 15:13

Ena achaneana, te nawara'a'i náimereka eta náemunasira'i nákani náemunaruana'i, tíjararekawanapuka eta náepenira'i, ena yátupi'i náimereka eta náemunasira'i ema najiriare.

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Hechos 4:13

Taka'e, ena tuparairukana náramine'i eta náitusira'i téchejikana ema Pedro ema Juan, tájina wa'i napikakarakawa'ini, ena naka'epa, nani tájina náitukakenena eta letra, máiturereana'i, tájina náimatiya'ini eta viye'e escuela. Máijarakawaka'ipuka ema Jesús eta náitupajijiasirawa'i te makachanewakaicha'a ema.

Filipenses 1:28

wa'i ekuarameka naicha nákani iánarana'i, eta nakatianasira'e'i, tímikaecheracha'i eta nakaikuchira'i eta náikuñayare, taimikaecheracha'i eta iúchukuirayare'i eti maicha ema Viya.

Santiago 2:23

Taicha eta táechejiriruwa'i eta Takapika'ukene Ajureka, ani taka'e'i: “Ema Abraham masuapa'i ema Viya, taka'e ema Viya tétavikawaine'i eta majakapaira'i ema eta mauriwa'i.” Taka'e ema Abraham tetavikawa'i eta maemunasira'i ema Viya.

1 Pedro 3:14

Tijurikati natiari'ipuka ena tikatianaka'eana'i táichavene'i eta táuriwa'i eta ítaresira'i, tási'a, tétavikawaya eta iúrikakarewa. Wá'isera ekupika jákani náichira'epuka, wá'iware iáwamira'uima'i naye'e,

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.