San Lucas 12:1 - Táurinakene máechejiriruwa’i ema Viya tikaijare

¹ Taka'e, te jena sácheana'i, títekaparakanapaichucha ena kamurikeneana achaneana. Tiyututukawanapa, tupiajirikakanapa. Ema Jesús natiwapa maechejika ena maimitureana maichawaka: “Échapawa taye'e eta lewadura eta tasisijisira'i eta masa. Takuti'ichu eta tapareasira'i eta apimirairana'i ena fariséuana.

Ignaciano

¹ Tacahe, te jena sácheanahi, títeca­pa­ra­ca­na­paichucha ena camuri­queneana achaneana. Tiyutu­tu­ca­vanapa. Énasera ena máimitureana ema Jesús návihahi te machacaya. Tásiha, máichavacapa namutu: —Tímati­carehi eyehe eta levadura eta tasisi­ji­sirahi eta masa. Tacutirichu eta taparea­sirahi eta apimi­rai­ranahi ena fariséoana. Échapavaicha éti, machu napareacahe éna.

San Lucas 12:1 Iomraidhean Croise

San Lucas 11:44

“¡Páure'esami eti, ekuti'i eta naekari. Ena achaneana nakatayayajika'i, wá'isera naecha'ini!”

San Lucas 12:56

¡Apimirana! Taicha eti imatiekene'a'i eta taichararakawa'i eta anuma, ¿ímijachawa'i wa'i ituka'ini ímatiekene'a'ini eta taikutiara eta jukana sacheana?

San Lucas 5:1

Te jena sácheana'i, ema Jesús mávine'i te tachausi eta Kákiure te Genesaret, títekapanapa ena kamurikeneana achaneana. Wáipa náratawa'ini, eta nawaraira'i nasama eta makametarairuira'i, ema Viya.

San Lucas 5:15

Tási'asera, náechapa namutu ena achaneana te awasareana eta máitupajijiasirawa'i ema Jesús. Nayanauchapaipa ena kamurikeneana achaneana, nawaraira'i nasamararakayare'i, makanarasirawakayare'i taye'e eta najumana.

San Lucas 6:17

Ema Jesús tiukupaikapa te tapusi eta mari, te táinunapa'inepa, makachanepa'i ena máimitureana. Tiurujikawanaipa ena ichapemurikeneana achaneana, tiási'ana'i te tinapaika te Jerusalén, te Judea, te'epa tachakayara'ana'i eta Tiro étapa eta Sidón.

Hechos 21:20

Te nasamapa ena mametaruana'i, nakunachaine'i ema Viya. Taka'e, náichapa ema Pablo: –Tiuri nuparape. Píma'apasera natiari'ira ena kamurikeneana ena vijaneanana té'ikana'i ema Jesús. Énasera, murakakeneana'i, té'ikana'i eta maye'erepini ema Moisés.

1 Corintios 15:3

Échaichu'i eta nímiturapiana'i eye'e, étaichu'iware taka'e'i eta nímitukasiwa'i, eta júkana eta tisuapakarepana'i, yátupira'i máepenina'avi'i ema Cristo táichavene'i eta vipekaturana, émaira'i ema táechejisi'akene'i eta Takapika'ukene Ajureka;

Hebreo 12:22

Étisera tachicha'eanapa puiti eta máwasa ema Viya Vikaiyakene, tikaijare Arairu Jerusalén, eta távi'a'i eta mari Sión te anuma, te náurujisi'awa'i ena kamurikeneana ángeleana eta najirauchira'i ema Viya,

Santiago 3:17

narari'isera ena yátupikene'i eta náechemaraiwa, tási'akene'i me Viya. Tikatiura'iana'iware naye'e ena apamuriana, tijapanura'ianaware. Eta náichira'i eta táurikeneana, tikajira'iana'i, nájina nanerejiruina. Tatupiruwa'i eta náechejirisirawana.

1 Pedro 2:1

Eta taka'e, támutupa ínajika eta ewainararajiwanaini'i, tamutu eta ekaetemaraiwaini'i, eta apipiemaira'eni'i, eta ekapinaruraiwaini'i, étapa eta écheji'iwanaini'i.