San Lucas 11:51 - Táurinakene máechejiriruwa’i ema Viya tikaijare

⁵¹ Ema Abel émapa ema Zacarías, ema nakaparu'i te tamira'u eta mapena ema Viya. Puiti étipa tamuriakayare tamutu eta ekuñarakiyare, eye'e eti achaneana etiari'ikeneana'i puiti.

San Lucas 11:51 Iomraidhean Croise

San Mateo 23:35

Taka'e étinapa tamuriakayare eta naviurewana'i namutu ena tikapakana'i ena matapirawareana'i, ema Abel, émapa ema Zacarías, machichaini'i ema Berequías, ema nakaparu'i te tamira'u eta mapena ema Viya.

Hebreo 11:4

Émaipa ema Abel, eta masuapajiraiwa'i maye'e ema Viya, tétavikawa'i eta tajakapakarewa'i eta mámawa'u'i maye'e ema Viya, takachurika'i eta mámawa'u'i ema maparape Caín. Tási'a, ema Viya makametarapi'i eta majakapakarewa'i ema Abel. Puíticha, májinaipa'ineni, ánakiapaipa'i eta máepenira'i, tanasi'isera eta takunachakarewa eta masuapajiraiwa'i.

Hebreo 12:24

matiari'iware ema Jesús ema tiyaseura'ikene eta viye'e, taye'e eta Arairu maechejiriruwa, émaipa máepusaikapa eta máitine tasipa'aka'aviyare'i, eta taka'e eta máitine tikunachakarepana'i taye'e eta máitine ema víyara'aini Abel.

1 Juan 3:12

Tási'a, wa'i vikukuti ema Caín, máwa'aru'i ema wínaraji. Ema Caín makapaka'i ema maparapéni Abel, táichavene'i eta máetaviuchira'i eta mawínarajiwa'i. Ema Abel, táimikapaka'i eta masuapajiraiwa'i, máichira'i eta táurikeneana.