San Lucas 11:13 - Táurinakene máechejiriruwa’i ema Viya tikaijare

¹³ Etiripa murakasamure'e'ineni, ituka'i ijaraka ena echichanaveana eta jakani tiurinana nayasearapiana'i, ¡mavetijicha ema Tata tiávi'a'i te anuma tíjaraka'eyare'i ema Machanewa Viya, tamutu eta táurikeneana eyasearuanayare'i!”

Ignaciano

¹³ Étiarihi éti vahi ecaji­ra­hihini nayehe ena achaneana. Iúrihisera nayehe ena echicha­naveana. Ítucahi íjara­cavaca jácani nayasea­ru­heanahi táuriqueneana. Mavetiji ema Tata Ecaiyaquene tiávihahi te anuma. Éma, vahi ticavi­ja­ru­heimahi eta te eyase­se­repiana. Tíjara­ca­he­yarehi tamutu eta eyasearuana, émaripa ema Espíritu Santo tiávahá­ca­he­yarehi —macahepa ema Jesús.

San Lucas 11:13 Iomraidhean Croise

San Mateo 5:16

Ene eka'eyare eti, ímerekayare eta ejaraiwayare naye'e ena achaneana, apaesa eta náimairaina'i eta táurikeneana íchakeneanayare, ena apanaware nakunachayarepa ema Tata tiávi'a'i te anuma.

San Mateo 5:45

Taka'e eti tímereucha'eyare eta machicha'era'i ema Tata Vikaiyakene tiavi'a'i te anuma, taicha ema namutu máemunakawaka'i, ena achaneana wínarajiana énapa ena tiúriana, tási'a ema tíjaraka'avi'iware eta sache, étapa eta tikiwa, naye'e ena natupiruwana, énapa ena maetupikushiana.

San Mateo 6:14

“Taicha te eti, emetavika eta naviurewana'i ena apamuriana, éneichuwa temetavika'eya eta eviurewana ema Tata vikaiyakene tiavi'a'i te anuma,

San Mateo 6:30

Apanasika ema Viya máijaraka'i eta táurinawa'i eta flúreana, ánipichu'ineni eta táitaresira'i, ¡evetijipa eti eta máechapajirisira'e'i, máijarasira'eyare'i eta emuiri'arapi eti achaneana, wa'ineni ákasiñawa'ini!

San Mateo 6:32

Tamutu eta júkana taiparakana, nakamunukeneana taimipanerereka ena achaneana máimatira'ana ema Viya, étisera échaipa'i, imatipa'i eta matiari'ira'i ema Ekaiyakene te anuma, máimati'i ema tamutu eta ekamunukeneana'i.

San Mateo 7:11

Etiripa murakasamure'e'ineni, ituka'i ijaraka ena echichanaveana eta jákani tiurinana nayasearapiana'i, ¡mavetijicha ema Tata Vikaiyakene tiávi'a'i te anuma, ema tíjaraka'eyare'i tamutu eta táurikeneana eyasearuanayare'i!

San Lucas 11:12

étaipa te tiyaseaka'eanapuka eta warayu'a, wá'iware táurikaima'i íjaraka'ini eta alacrán?

San Lucas 11:2

Ema Jesús máichawakapa: –Taka'eyare eta eyujarauchirawaina: Tata, piti piávi'a'i te anuma, vipikaucha'i eta píjare. Piteka pakarichu viye'evina rey.

San Lucas 18:7

Ene maka'e'i ema Viya, wa'i máyererejima'i eta makatiuchira'ewaneya eti manerejiruana'i, esamakareyare'i taicha eta emakainajiruwaira'i eta eyujarasiraina'i tamutu sácheana, yátiana ¿tiyereyarepuke eta majikapira'e?

San Juan 4:10

Ema Jesús májikapapa: –Te pímati'ini eta mawara'akeneana'i tíjarakavi ema Viya, té'eware pímatinu'iwareni nuti nuyaseakavi'i eta une, németeaka piyaseakanuipa'íni eta une tikaitarekara'i. Tási'a, nuti níjarakavi'ini.

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Romanos 5:17

Etanaichu'ineni eta pekatu máejekapirawa'i ema Adán. Tiámairijika'avi'ipasera eta vépeniraya vimutu. Émasera ema Viya tiápajukawaipa eta majapanuira'avi'i. Tijakapa'avipa máichavene'i ema émanakeneichuware achane, ema Jesucristo. Tíjaraka'avinawarepa eta arairuyare vítaresirayare vimutu viti vikasiñawana'i eta maye'e.

Romanos 7:18

Necha'iware nuti eta tamauriwa'i eta taitaresira'i eta nake'e, tétavikawa'i eta tamasuapajiraiwaini'i, taicha wa'i nimiuchurena'ini eta tauriwaina'ini eta nitaresira; tayanapane nuwara'a nicha eta taurikeneana, wa'i sera narata'a nicha.

Romanos 8:32

Eta majapanuira'avi'i ema Viya, wa'i mawayuaka'ini máijararekapa ema Machicha eta nakapasira'i víchavene'i vimutu víti. Tási'a, mavetijinapa eta makatiuchira'aviyare puiti te tamutu eta jákani víchawakenewana.

Tito 3:3

Víti, akane éneichuware vika'i maiturere'avini'i masuapajira'avi'i. Tatajina vechakenena, vicha'i eta tamaurikeneana taicha tamusura'avi'i eta taiparakana te juka apake'e. Vicha'i eta ta taiñema'keneana, vikapinarureka'i tikaticha'aviana'i tási'a vikatichajirikaka'iware.