San Lucas 10:42 - Táurinakene máechejiriruwa’i ema Viya tikaijare

⁴² Esu suka María tétupikawa'i eta supanereru. Nájina tiverejikaima'i eta suwara'akene'i.

Ignaciano

⁴² Titupa­racavi pínajica eta tihapa­pi­ri­cavihi. Picaravahu eta máechaji­riruva ema Viya. Esu suca piparape María tétupi­cavahi eta supanereru. Suvarahahi suítucayare. Eta tacahe, tisama­ra­ra­canuhi. Nájina tivere­ji­caimahi eta suvara­ha­quenehi suítuca —máichapa.

San Lucas 10:42 Iomraidhean Croise

Marcos 8:36

Tájina taiturena mákani achane takaeñamararu eta maima'akeneana te juka apake'e.

San Lucas 10:39

Esu Marta sutiari'i'i esu suparape tikaijaru'i María, taka'e, esu María téjakapa te máiwapechakaya ema Jesús. Susamararakaipa eta máimiturapiana.

San Lucas 11:1

Taka'e, te jákani apanapa sache, ema Jesús mávi'a'i eta te mayujarasirare'i. Te títayujarapa, témeña'awapa ema émana máimiture, máichapa: –Tata, pímituka'avi eta viyujarasirayare, tákuti eta máimitusirawaka'i ema Juan ena máimitureana'i.

San Lucas 12:20

Tási'asera ema Viya máichapa: ‘Tétávikawa eta pisunsuwa piti. Puiti jena yati pépenaya, eta piúnaruana'i ¿naja'apapuka tisapi'aya?’

San Lucas 12:33

Íjararekayare eta íma'akeneana, íjarakayare nákani tikamunuwana'i. Máima'ainepa ema Viya, tíjaraka'eyare eta táitsiwayare ánaki te anuma, máitawakakainapa eta ekaima'akeneraya. Wá'iware táeñamawakare, taicha nájinapa tiámeyecha'ema'i, tajinaware kachusirina.

San Lucas 16:2

Taka'e, máichu'apa. Mayaserekapa: ‘¿Tája'a takayema eta juka nusamauchavi'i eta pimapachichijisira'i eta níma'akeneana? Tiuri, vitupaekene'ayare tamutu, taicha waipa nuwara'a pímiyanawa eta nuye'e.’

San Lucas 16:25

Émasera ema Abraham majikapapa: ‘Nuchicha, te achanevicha'a, tétavikawa'i eta piúrikakarewa'i. Tájina pákamunu'ini eta pítaresira'i. Émasera ema Lázaro, ichapemuri'i eta makatajiwaira'i te achaneicha'a. Puítisera ema majakapaipa'i eta máurikakarewa'i. Piti pikatajiwaipa.

San Lucas 18:22

Te masamapa eta juka ema Jesús májikapapa: –Jukari'icha'a eta pítauchakeneyare: piyana píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

San Lucas 8:18

“Eta taka'e yátupina esama, taicha ema tikaima'akene najanechinaya eta apana maima'akeneya, emasera mákani achane tajina maima'akenena naverejinaya tamutu eta maima'akeneanaini tayanapanepuka ánimurichichaichu.”

San Juan 11:1

Matiari'i ema achane tikaijare Lázaro, ema, máemunakasare'i ema Jesús. Tikawasa'i taye'e eta awasarechicha tikaijare Betania, náwasa'iware ena maparapenaveana, esu María ésupa esu Marta. Te jena sácheana, tikajuma'i muraka ema achane.

San Juan 11:19

kamuriana'isera ena achaneana te napena ena maparapenaveana, esu Marta ésupa esu María. Nakamitisiripana'i apaesa wa'i nakuiya'arakawa'ini ena apinana, eta maepenira'i ema naparape.

San Juan 12:3

Taka'e, esu María suámapaipa eta táijiyekene perfumeama te suépusapewachapa. Tétavikawa'i eta tasiwachawa'i. Taka'e, suépusapewachapa ema Jesús, suájipewachapa te suchutimaka. Énewaneine tainikajuecha eta peti eta táijiyewa'i.

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

San Juan 5:24

“Yátupikeneware numetaka'e. Nákani tikakiñanayare tisuapanayare eta néchejiriruwana, nasuapaware eta nukawana'ira'i maye'e ema Tata, ena máichekuarakirenapa eta naitaresira; waipa tikaikuñanaima'i. Taicha ena, tiúchuku'anaipa taye'e eta náikuñayareni.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

1 Corintios 13:3

Tási'a, te takuija'ipukaini eta vémunaraiwaina'ini, tájina vijakapakaréima'i me Viya. Tayanapane vikajirika'ipukaini tamutu eta víma'akeneana te vipena, té'eware vísapapukaini náijuchaini eta viáke'e táichavenena'ini eta namaurisira'i.

Gálatas 5:6

Eta máwa'asira'avi ema Jesucristo, wa'i étaparakaima'i eta vinaka'ini eta vikutiarana te viake'e. Takarichu tikamunukare'i eta vikasiñairayare yátupina ema, eta vikasiñawaira'i me Viya vémunakainapa namutu.