San Lucas 10:3 - Táurinakene máechejiriruwa’i ema Viya tikaijare

³ Eyana eti, íma'a eta nuwaneka'e'i, ekuti'i eta uvesana te tamuri eta sárare táiñe'ikeneana ichini.

Ignaciano

³ Puiti, névata­ca­heyare eyana epaica. Narari­hisera ena achaneana váinara­ji­que­neanahi étupia­rua­nayare. Éna nacutihi eta sárare táiñehi­que­neanahi. Étisera ecuti­yarehi eta uvesachicha eta tamansuvahi.

San Lucas 10:3 Iomraidhean Croise

San Mateo 10:16

“¡Íma'a! Nuwaneka'e'i, ekuti'i eta uvesana te tamuri eta sárare táiñe'ikene ichini. Échemara'iyaresera ekatiuchirawayare ákuti eta kichare, tasi'asera ekutiyare eta paluma eta tamansuwa'i.

San Mateo 10:22

Namutuya ena achaneana tikatianaka'eanayare táichavene'i eta é'isiranu'i, émasera mákani tikamicha'i te táitawapa tamutu, tiuchuku'ayare.

San Mateo 7:15

“Échapawayare taye'e eta náimiturapiana ena tépiya'ira'iana tímijachawana machanerana ema Viya. Tépiyakawanapa'i tiúriana takuti'i eta tamansuwa eta uvesa. Té'esera te nasamureana, tétavikawa'i eta nawínarajiwa, nakuti'i eta ichini.

San Lucas 10:4

Eta epaisirayare, tájina iámaima'i eta tarera, wá'iware iámaima'i eta eplatane. Wá'iware iámaima'i eta eparupewa; eyayauchawayarepa'isera eta epaisirayarepa'i te achene.

San Juan 10:12

Mákanisera tuparairukachucha, wa'i makatiuchaima'i eta uvesa. Te máima'apa eta ichini, tijunayare'i. Wa'i tipatsikawaima'i makatiucha eta uvesa, taicha wa'i maye'ena'ini. Taka'e, eta ichini tikamapurawainapa takasaika eta uvesa. Eta takaitiruana, téjanerepaikanapa.

San Juan 15:20

Échawaware eta juka numetaru'e'i: ‘Nájina emanaina ema nakajurure, nakutinasi'ini ema makenu.’ Nuti tikatianakanuana'i, ene eka'eyare'i eti, eta nakatianasira'eyarewa, tási'a te esuapa'ipuka eta nechejiriruwa, éneichuware étijikakayare esuapakakayare.

San Juan 16:2

Ena tiákijika'eanayare taye'e eta peti naúrujisirarewa ena juriyuana. Éneichuware nawara'ayare tikapaka'eana, ena náimijachayare'i tiúriyare'i eta náichirayare te mamira'u ema Viya.

Hechos 20:29

Taicha nuti necha'i te nuyanapa te juka narajapainapa, nawara'aya tikajanereka'eanaya takutiyare eta ichini kaiturewa, nawarairaina'i nakamitiekene'a ena te'ikana ema Jesús.

Hechos 9:16

Nuti nímechayare eta makatajiwairayare ichape táichavenena'i eta máe'isiranuyare.”

Hechos 9:2

tási'a ema Saulo mayaseakapa eta ajure naye'e ena akenukara'ana: Eta makaratasirawakayare'i ena te'ikanaicha'a ema Jesús ánaki te peti naurujisirarewa ena juriyuana, te jena awasare Damasco, namutu nákani ajairana, esenanapuka. Mawara'a'i maemeratakawaka eta te juka Jerusalén.