San Lucas 10:15 - Táurinakene máechejiriruwa’i ema Viya tikaijare

¹⁵ Piti pikawasa'i te Cafarnaúm, ¿pimijachaipapuka pisiapayare te anuma? ¡Tiakijikavianayare te taupenakene pusu!

Ignaciano

¹⁵ Étiripa eti ecava­sanahi te avasare Capernaúm, tamapuruji eta nímitu­si­rahehi étapa eta ímairahi eta tiárami­careana níchaque­nea­napahi. Eti ecasi­ña­va­vaicahi, ímija­chai­papuca eta ticaya­pa­heyare te anuma. Ichapesera eta etsiri­ha­ca­re­vayare, taicha épuju­qui­cha­vayare eta te yucu taicha vahi éneucha­vaimahi éti —macahepa.

San Lucas 10:15 Iomraidhean Croise

San Mateo 10:28

Wa'i ekupika nákani tikapakana eta iáke'e, taicha wa'i narata'aima'i nakapaka eta iáchanewa, makarichu epikayare ema Viya, taicha ema, marata'a'i makamitiekene'a eta iáchanewana taye'e eta táiñe'ikene ekuñaraki.

San Mateo 11:23

Tási'a piti pikawasa'i te Cafarnaúm, ¿pimijachaipapuka pisiapayare te anuma? ¡Tiakijikavianayare te taupenakene pusu! Taicha te Sodoma naimereka'ini eta tiaramikareana eta naichakeneana'i ánaki eye'e eti, nemeteaka eta awasare tatiari'inaichu'ini puiti juka sacheana.

San Mateo 4:13

Wáipasera mánasi'ini te Nazaret, tiyanapa taye'e eta awasare Cafarnaúm, eta juka awasare te tachausi eta kákiure tinapaika tejena apake'e tikaijare Zabulón étapa Neftalí.

San Lucas 13:28

Taka'e jarajapainapa eta sache naiyairayare etapa eta naeñamirawayare, taichavene eta naimairaipa ema Abraham, ema Isaac, émapa Jacobo, namutu ena profetana, eta navi'airaipa te mawasa ema Viya akenuka te anuma, étisera enasinapa te aneka.

San Lucas 16:23

“Eta máepenira'i ema riku, tiyanapa te makatajiwaiyayare'i. Máima'apa eta mávi'a'i ema Abraham, tási'a émapa ema Lázaro te machakaya.

2 Pedro 2:4

Nakutiyare ena ángeleana téjekapawana'i, tájina wa'i majapanuwakaima'i ema Viya, makijikawakapa taye'e eta táiñe'ikene yuku távi'a'i eta tamapikukene, tikaiti'ana'i puiti te cadena, te táitekapapa eta ekuñaraki, tiápajukawanainapa eta náikuñayare ena.