San Lucas 1:68 - Táurinakene máechejiriruwa’i ema Viya tikaijare

⁶⁸ “¡Kunachakare ema Viákenu, ema Viya naye'e ena Israelitana, taicha ema titeka'i makuchuku'apana eta mawasa!

Ignaciano

⁶⁸ —Tétavi­cavapa eta macuna­cha­careva ema Tata Vicaiyaquene, ema véhiruhi vimutu viti israelítana. Taicha tijapa­nu­havihi vimutu viti machane­ranahi, ticuchu­cu­ha­ha­vi­yarehi.

San Lucas 1:68 Iomraidhean Croise

San Lucas 1:71

ema tikatiucha'aviyare'i naye'e ena vianaramuriana tási'a namutu ena tikaticha'aviana'i,

San Lucas 19:44

Témestapaikavianainapa te apake'e. Nakapapajikawakainapa ena pichichanaveana. Tájina nakaemachakenéma'i eta peti. Tamutuyare nákipapaika. Eta piviurewaya, eta juka pimajakapiranu'i eta néjirairavi'i nuti mawanerunu'i ema Viya.”

San Lucas 2:38

Títekapanecha esu Ana. Supauchapa sukunachaine'i ema Viya, su asulupayachapa. Sukametarairupa maye'e ema amuya Jesús. Suéchejisi'a'i ema naye'e ena tisuapajira'iana tikuchapana'i eta máitekapirayare te Jerusalén.

San Lucas 24:21

Víti ichapemuri eta vikasiñawairaini'i eta maye'e, vikuchapawaini'i eta makatiuchira'aviyare'i vimutu viti israelítana. Tamapurujipasera puiti, taicha tépenapa ema. Puiti mapanaipa sache eta táetavisirawa'i eta juka.

San Lucas 7:16

Te naima'apa ena achaneana tipikanaine'i, taka'e tepanawanapa najiraucha ema Viya. Ánipa naka'e: –Jé'eware ema maka achane yátupikene profeta, titekapa'i te vitarakumuri. Éneichuware naka'epa: –Ema Viya titeka'i maimikatakaya eta mawasa.

Efesios 1:3

Nuti nukunachaparaka ema Viya, ema Makaiyakene ema Viákenu Jesucristo taicha ichape eta máimikatasira'avi'i táichavene'i eta viúrujiasira'i ema Cristo. Puiti tachicha'avi'ipa eta anuma, ichape eta viúrikakarewa'i maicha ema Machanewa Viya.

Efesios 1:7

Ema Viakenu Jesucristo máepusaika'i eta maitine te crusu maepenine'i, mawaraira'i tikatucha'aviyare'i, makaepa'apa eta vipekaturana, taichavene eta maemunasira'avira majapanuira'avi'i.

Hebreo 9:12

Ema Cristo, jé'eware ema mávi'a'i taye'e eta yátupikene Santísimo te anuma, waipa makamawa'u'ini eta táitine eta sárareana chikeru, chíwaina'ipukaini, eta mámawa'u'i ema, étakenepa eta máitine, éta'eichu'i máicha ema, vimutu'isera viti makuchukureana'i, tási'a, máitawakakaipa eta vítaresiraya.

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,