San Lucas 1:17 - Táurinakene máechejiriruwa’i ema Viya tikaijare

¹⁷ Ema maka Juan, ema tínapumirauchayarepa'i ema Viya. Makutiyare eta máitupajijiasirawaini ema víyara'aini profeta Elías. Ichapeyare eta máitusirayare eta makajimuyasirayare eta nasamureana ena achaneana, apaesa tachawa eta nasuapiraina ema Viya, tákuti eta nasuapajiraiwaini'i ena náchukanaveanaini'i. Énaipa ena Wínarajipanereruana, tisuapajira'ianayarewa máicha. Mametakawakayare ena achaneana natsekawaipa eta najakapirayare ema Viákenu.

Ignaciano

¹⁷ Ema maca pichichayare, éma tínapu­mi­rau­cha­ya­repahi ema Viáquenu. Macutiyare eta máitupa­ji­jia­si­ravaini ema víyarahaini profeta Elías. Ichapeyare eta máitusi­rayare eta macaji­mu­ya­si­rayare eta nasamureana ena achaneana apaesa tachava eta nasuapiraina ema Viya, tácuti eta nasuapa­ji­rai­vainihi ena náchuca­na­vea­nainihi. Énaripa ena váinara­ji­pa­ne­reruana, tisuapa­ji­ra­hia­na­yareva máicha. Mameta­ca­va­cayare ena achaneana natsecavaipa eta najaca­pi­rayare ema Viáquenu —máichapa ema ángele.

San Lucas 1:17 Iomraidhean Croise

San Mateo 11:14

ema Juan émaipa'i ema profeta máiteruyare'i mawasiyare'i ema Elías, eta máinapumirauchiranuyare.

San Mateo 14:4

Taicha ema Juan maichapa ema Aluresi: “Wa'i tiuri eta pichakene'i pive'a'i esu pichinena, mayena'i ema piparape.”

San Mateo 3:3

Ema Juan, ema'i ema maechejisi'akene'i ema Viya, maichakene'i ema profeta Isaías: “Matiari'i ema émana tipiaraka te mawapa'ikene wama'i: ‘Etserereaka eta mache'u ema Viya, petupinacha eta achene.’ ”

San Mateo 3:4

Eta mamuiri'a ema Juan itsameruka'i eta tajiya'a eta camello, eta máitiju'e, wákapi jayumepi; eta manikasareana'i eta tsakara, tási'a eta máitivera'i eta mápama

San Lucas 1:16

Ema tétupirikayare eta táuriwayare eta napanereruana ena pijaneanana israelítana, tachavirayare eta nasuapirayare ema Viya.

San Lucas 1:76

Píitisera nuchicha, píchuarekasiwa'i maye'eviyare profeta ema Ichape Vikaiyakene, taicha piti pinapumirauchaya ema Viya petupirikaya eta achene,

San Juan 1:13

Tási'a ena machichanaveana'i ema Viya, éma'i tinerejika'avi'i. Wa'i étaparakaina'i eta nakachichaira'avi'i ena tikachicha'aviana.

San Juan 1:34

Puiti nímatipa ema. Táitusiawa numetaka'e puiti eta émaira'i ema Machicha ema Viya.”

San Juan 3:28

Eti échaichi'i eta numetasira'e'i eta wa'i nútina'ini ema Cristo. Yátupisera nukawana'i'i eta nínapumirauchirayarepa'i ema, numetakawaka ena achaneana natsekawa'i.

Hechos 10:33

Taka'e, enewanepa nímichu'avi'i. Tájinasera táichirawaina'ini eta pítesira'i. Tímaraka'avi'i ema Viya eta juka viúrujisirawa'i. Viwara'a visamaviya tamutu eta pimetakasiwana'i maye'e ema Viya.

Romanos 9:23

Víti apana, ene taka'e'i eta táetaviuchira'i eta majapanuira'avi'i, máimereka'i eta táichapewa eta makunachakarewa, akaneipa'i eta manerejisira'avi'i eta vikachaneraya ema taye'e eta majaraiwa.

Colosenses 1:12

e'asulupayacha'ini ema Tata Vikaiyakene eta máichuira'e'i eti apanawa, mawaraira'i tíjaraka'aviyare vimutu eta tajara'ikene víkuchiana'i viti machanerana'i ema.

2 Timoteo 2:21

Eta taka'e víti, ichape eta vijaneasirawayare taye'e eta tamaurikeneana. Yátupiyare'i eta vikamunukarewaina maye'e ema Viya, vítauchirayare'i eta vikaemataneasira ema. Jé'esare, ichapenapa eta vimunawayare'i maye'e.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.

1 Juan 2:28

Puítisera, nuchichanaveana, ímiyanawa eta iáwa'asiraina eti ema Jesucristo apaesa túmesamure'eina eti, wa'i ekutsiri'a maye'e eta te machawa.

Apocalipsis 20:4

Níma'warepa eta trono, tejakana'i taye'e, ena tijachapana'i eta natupara'ana juéseanaipa'i. Níma'awarepa eta nachanewana ena achaneana, ena táimikaparuana'i eta náe'isira'i ema Jesús, étaipa eta nakametarairuira'i eta máechejiriruwa ema Viya. Ena nani, wa'i náepuyumiraucha'ini eta útsutsure, wá'iware natsiuka'ini eta máima'i nasiñaraji'i ena apamuriana achaneana, wá'iware náwara'a'ini nanaka eta naikutiara eta te nana'u étapa te nawa'u. Níma'awarepa eta nachavirapa titarekana, tási'a tiapechawanainapa katupara'ana, nakáchanenapa ema Viya, mil añu eta nakatupara'airayare.