San Juan 8:52 - Táurinakene máechejiriruwa’i ema Viya tikaijare

⁵² Najikapawarepa ena tikatianakana'i: –Jé'eware puiti, vímatiakavipa eta pimáurishiwa'i. Apanasikáji ena profetana tépenana'i, émapa ema Abraham, puiti pika'echejiriruwaware: ‘Eta nákani tisuapanayare eta pimetarapiana máepenakakanayare'i.’

Ignaciano

⁵² Najica­pa­varepa ena ticatia­na­canahi: —Jéhevare puiti, vímatia­cavipa eta pimáuri­shi­va­quenehi. Apana­sicáji ena profetana tépenanahi, émapa ema Abraham. Tásiha puiti, picahe­cha­ji­ri­ru­vavare eta nácani tisuapa­nayare eta pimeta­rapiana máepena­ca­ca­na­yarehi.

San Juan 8:52 Iomraidhean Croise

San Mateo 11:18

Taicha te tímerekawapa ema Juan, wa'i tákuti'ini eta nanikasareana ena achaneana. Náimijacha'i máwa'aru'i ema éreana.

San Juan 1:19

Etara eta juka mametarapi'i ema Juan, naye'e ena tuparairukana tikawasana'i te Jerusalén, te nawanekapa ena náewanachana, nayanaucha ema Juan. Eta nayaserepana, najá'a'ipuka ema.

San Juan 14:23

Ema Jesús májikapapa: –Nákani témunakanuana, nasuapayare eta nuwanairipiana'i. Tási'a, ema Tata, tétavikawayare'i eta máemunasirawakaya. Tási'a, vítijapainapa viáwa'akawakayare ena.

San Juan 15:20

Échawaware eta juka numetaru'e'i: ‘Nájina emanaina ema nakajurure, nakutinasi'ini ema makenu.’ Nuti tikatianakanuana'i, ene eka'eyare'i eti, eta nakatianasira'eyarewa, tási'a te esuapa'ipuka eta nechejiriruwa, éneichuware étijikakayare esuapakakayare.

San Juan 17:6

“Nítamuturukaipa'i eta nímitusirawaka'i ena píchu'akeneana'i píjararunuana'i píti, nímimatichawaka'iware eta piúriwa'i píti. Yátupi'isera eta pichichanaveana'i ena, taicha nasuapa'i eta nímiturapiana píjararunuana'i nuti.

San Juan 7:20

Ena achaneana najikapapa: –¡Péjekapawa píti eta pipanereru máurishivipapuka píti! ¿Nája'a tika'e'i eta viwaraira'i vikapakavi?

San Juan 8:22

Ena juriyuana naka'ewarepa: –¿Mawara'ainapuka tikapakawayare, táitusiawa maka'e'i eta máechejiriruwa'i eta wá'iji virata'aima'i vé'ika ema, távi'apuka eta makaiju'eya?.

San Juan 8:48

Taka'e, ena tikatianakana'i náichawarepa: –Piti pika'ekenetatajichucha. Yátupikene'i máwa'aruvi'i ema Wínaraji. Táitusiawa, máurishivi'i máicha.

San Juan 8:51

Nutupiruwa numetaka'e: Nákani tisuapanayare eta numetarapiana, máepenakakanayare ena.

San Juan 8:55

Eti ímijachawa'i ímati ema. Wá'ineni ímati'ini. Jé'eware nuti nímati'i ema. Té'esera numetaka'e'ini eta numaimatira'i, népiya'ira'iripapukaini nákuti'e'ipaini eti. Étasera yátupikene'i eta nímatira'i ema, nusuapa'iware eta mawanairipiana.

San Juan 9:24

Taka'e, ena tuparairukana nápechaware náicha ema achane puchukini. Ánipa naka'epa: –Pátupiruwa pimetaka'avi te máijare ema Viya eta pinárasira'i, vítisera vímati'i ema maena achane tisipekaturara'i.

Hebreo 11:13

Taka'e, namutu ena nani néchejisi'akeneana'i, tímiyanawana'i eta nasuapira'i ema Viya tamutu eta náitaresirana'i. Tétavikawa'i eta nakasiñawaira'i eta máitauchiraya eta máijararuwana'i. Te nawapureana, náima'apa eta náwasakeneyare'i, tiurisamureanapa, naecha'isera ena, eta juka apake'e, wa'i nawapaikaima'i ena, taicha naetavirupaichucha.

Hebreo 2:9

Marari'isera ema Jesús. Tiúkupaika'i ánipi'i te juka apake'e, nakachuriakaipa ena ángeleana eta náitupajijiasirawana. Eta máemunasira'avi'i vimutu viti achaneana, ema Viya máimikapakaicha'aware te crusu vítivene'i. Té'esera te táekenepa, makaejakapa ema Jesús taye'e eta tajara'ikene máwakure'i takapika'ukene, táitsiwa'i eta makatajiwaira'i eta máepenira'i.