San Juan 8:48 - Táurinakene máechejiriruwa’i ema Viya tikaijare

⁴⁸ Taka'e, ena tikatianakana'i náichawarepa: –Piti pika'ekenetatajichucha. Yátupikene'i máwa'aruvi'i ema Wínaraji. Táitusiawa, máurishivi'i máicha.

Ignaciano

⁴⁸ Tacahe, ena ticatia­na­canahi náichavarepa: —Piti achane picahe­que­ne­ta­ta­jichucha. Yátupi­quenehi mávahá­ruvihi ema Váinaraji. Táitusiava, máurishivihi máicha —nacahepa.

San Juan 8:48 Iomraidhean Croise

San Mateo 10:25

Mákani máimiture tiurisamureyare'i eta makutinasirayare ema maye'e maestro, tási'a ema mawanara makutiyare'i ema makenu. Émaipa ema achane tachutiri'a te mapena, naímijarecha'i Wínaraji, ¿taja'apuka nakayemayare eye'e eti nimiture'eana'i?

San Mateo 10:5

Ema Jesús mawanekawakapa ena dósekeneana tikametarairuanayare'i. Ánipa máicha: “Wa'i ekuyana te náwasana ena maimatira'ana ema Viya. Wá'iware ekuyana naye'e ena samaritanuana,

San Mateo 11:18

Taicha te tímerekawapa ema Juan, wa'i tákuti'ini eta nanikasareana ena achaneana. Náimijacha'i máwa'aru'i ema éreana.

San Mateo 12:24

Eta nasámira'i eta juka, ena fariséuana naka'epa: “Ema Beelzebú ema nákenumuri'i ena éreanana, éma'i tijaraka'i eta máitupajijiasirawa'i ema maka achane, eta makuchusirawaka'i.”

San Mateo 12:31

“Eta taka'e nícha'e, maemetavikaya ema Viya eta napekaturana ena achaneana, tamutu jákani naka'ira'i, te'era te nakaeka'i ema Machanewa Viya, waipaine'i makaepa'aima'i eta napekaturana.

San Mateo 15:7

¡Apimirana! Tatupiruwa'i eta máechejiriruwa'i ema profeta Isaías te techejisia'epa eti, te maka'epa:

San Juan 1:19

Etara eta juka mametarapi'i ema Juan, naye'e ena tuparairukana tikawasana'i te Jerusalén, te nawanekapa ena náewanachana, nayanaucha ema Juan. Eta nayaserepana, najá'a'ipuka ema.

San Juan 10:20

Maverana'i ena achaneana, naka'epa: –¿Tája'a takayema esuapa ema mara? Máurishi ema, máwa'arupuka ema Wínaraji.

San Juan 13:13

Eti ímijarechanu Tata Maestro, étupika'isera, taicha yátupikenenu'i eta numaestruwa'i.

San Juan 4:9

Taicha ena israelítana, tási'a énapa ena samaritanoana wa'i náurianakaka'ini, esu esena sujikapapa: –¿Tája'a takayema piyaseakanu eta une? Nuti samaritánanu'i, wa'i pijaneananuina'ini.

San Juan 7:20

Ena achaneana najikapapa: –¡Péjekapawa píti eta pipanereru máurishivipapuka píti! ¿Nája'a tika'e'i eta viwaraira'i vikapakavi?

San Juan 8:22

Ena juriyuana naka'ewarepa: –¿Mawara'ainapuka tikapakawayare, táitusiawa maka'e'i eta máechejiriruwa'i eta wá'iji virata'aima'i vé'ika ema, távi'apuka eta makaiju'eya?.

San Juan 8:52

Najikapawarepa ena tikatianakana'i: –Jé'eware puiti, vímatiakavipa eta pimáurishiwa'i. Apanasikáji ena profetana tépenana'i, émapa ema Abraham, puiti pika'echejiriruwaware: ‘Eta nákani tisuapanayare eta pimetarapiana máepenakakanayare'i.’

Romanos 15:3

Taicha ema Cristo, wa'i mákarichu'ini makurisamurechawa'ini. Ema, tikurisamurecha'i ema Maiya te tamutu. Eta taka'e, nakatianaka'i ena achaneana wínarajikeneana. Tási'a, títauchawa'i eta tametarapi eta Takapika'ukene Ajureka, ani taka'e'i: “Nuti nímiyanawa'i eta nítauchira'i eta piwanairipiana eta nuye'e, tayanapane eta náume'airanuana'i ena piánarana'i” taka'epa eta Takapika'ukene Ajureka.

Hebreo 13:13

Eta taka'e viti apanawa, takamunu wíchuka vé'ikayare ema Jesús. Tayanapane vikatajiwayarepuka, vikutiyaresera ema eta makatajiwaira'i.

Santiago 2:19

Piti pisuapa'i eta émanairaichu'i ema Viya, tiuri'i eta picha, apanasika ena éreanana nasuapa'iware eta matiari'ira'i ema Viya, tiyayakareana'i eta napisira.