San Juan 8:47 - Táurinakene máechejiriruwa’i ema Viya tikaijare

⁴⁷ Taicha nákani maye'eana'i ema Viya, náurikayare'i nasamararaka eta máechejiriruwana ema Viya. Étisera wa'i machicha'éna'ini ema Viya. Eta taka'e, wa'i iúrika'ini esamararaka'ini eta numetaru'eana'i.

Ignaciano

⁴⁷ Taicha nácani mayeheanahi ema Viya, náurica­yarehi nasama­raraca eta máechaji­ri­ruvana ema Viya. Étisera vahi machicha­hé­nahini ema Viya. Eta tacahe, vahi iúricahini esama­ra­ra­cahini eta máechaji­ri­ruvana numeta­ru­heanahi —máich­ avacapa.

San Juan 8:47 Iomraidhean Croise

San Juan 12:48

Nákanisera nasamairikaipa'inénipuka eta néchejiriruwana, wá'isera nasuapanu'ini, nasapi'a tépurunuana'i, murakayare'i eta náikuñayare. Eta náepuruira'i eta néchejiriruwana, étaipa tiviuchawakainapa te jena sacheyare taitekapiraya eta nakayesesere'iraya.

San Juan 18:37

Taka'e, ema Pilato mayaserekapa: –Taka'e, ¿yátupi'i eta pirrey-wa'i? Ema Jesús majikapapa: –Pitupiruwa'i eta piyaseresiranu'i: nuti rey-nu'i. Eta núkupaisira'i, te juka apake'e, nímitureka'i eta yátupikeneana, nákani tisuapajira'iana, nasamararakayare eta yátupikeneana'i.

San Juan 5:25

Nutupiruwa numetaka'e nuti Machicha ema Viya. Táitekapakenepa puiti juka sacheana, tisamanuanayare ena achaneana, tayanapane tépena'i eta náchanewana. Te nasuapajira'ipuka, nukaitarekawakayare.

San Juan 6:65

Tási'a, máichawakapa: –Nutupiruwa eta nichira'e'i, nájina narata'aima'i titekana nuye'e, te wa'i émaina tichu'a'e ema Tata.

San Juan 8:37

Nécha'iware nuti eta mámariekene'era'i ema iáchukaini Abraham. Epanerechaichuchasera ekapakanu, taicha ekaticha'i eta nímiturapiana'i.

San Juan 8:43

¿Tája'a takayema wa'i árata'a ekaikutiara eta nímiturapiana? Étaserapuka eta emawaraira'i esama eta nechejiriruwa.

San Juan 8:45

Nutisera numetaka'e eta yatupikeneana, eti wa'ikene esuapa eta juka nímiturapiana.

1 Juan 3:10

Nákani wa'i tíchana'i eta táurikeneana, wá'iware náemunaka'ini ena nachamuriana, náimereka'i eta wa'i machichawakaina'ini ema Viya. Nímereka'i eta machichairawaka'i ema wínaraji. Vítisera, víchira'i eta táurikeneana, étapa eta vémunasirakaka'i, vímerekawa'i eta makachichaira'avi'i ema Viya.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

2 Juan 1:9

Viti visuapa'i eta máimiturapiana ema Cristo, viti viáwa'aka'i ema Tata Vikaiyakene émapa ema Machicha, wá'isera náwa'akaima'i ema Viya nákani wa'i náwara'a'ini nasuapa eta máimiturapiana ema Cristo. Tasapi'apa, náimituka'i eta naye'echirawaihu eta napanereruana.

3 Juan 1:11

Nuparapenaveana némunarukeneana, wa'i pikuikutipa ena tíchana'i eta tamaurikeneana. Pikutiyaresera ena tíchana'i eta táurikeneana. Taicha viti víchana eta táurikeneana, viti machichanaveana ema Viya. Énasera ena tíchana'i eta tamaurikeneana, ena, wa'i náimati'ini ema Viya.