San Juan 8:46 - Táurinakene máechejiriruwa’i ema Viya tikaijare

⁴⁶ Eti, ímijachanupuka jarari'i eta néjekapirawa'i. Nutupiruwa'i eta numetasira'e'i eta yátupikeneana. ¿Tája'a takayema wa'i esuapanu?

Ignaciano

⁴⁶ Éti, ímija­cha­nupuca jararihi eta néjeca­pi­ravahi. Nutupi­ru­va­hi­ne­nisera eta numeta­si­rahehi eta yátupi­queneana. ¿Tájaha tacayema vahi esuapanu?

San Juan 8:46 Iomraidhean Croise

San Mateo 21:25

¿Nája'apuka tiwaneka'i ema Juan, eta máikachasirisira'i, ema Viya, énapuka ena achaneana?

Marcos 11:31

Enajikakanapa tiákapaemajirikakanapa: “Te vémuna'akawa vicha mawaneru'i ema Viya, ema maka'énapapuka: ‘Tási'a ¿wá'iyapa esuapa'ini ema?’

San Juan 14:30

Ánipine puiti eta juka néchejirisirawa'i eta eye'e, taicha áwanepaipa títekapa ema wínaraji, ema yátupi'i tákenu'i eta juka apake'e. Wá'ikenesera títa'akanuima'i nuti,

San Juan 15:10

Eta ímiyanirawa esuapira'i eta nuwanairipiana, tijurukapaipa eta ímatira'i eta némunasira'e'i. Takuti eta nítauchira'i nuti eta mawanairipiana ema Tata, nímatipaipa eta máemunasiranu'i ema.

San Juan 16:8

Te máitekapa ema, maimikaecherachainapa ena achaneana te juka apake'e, ena yátupikeneana'i kapekaturara'iana'i, énapa ena matapirawareana, tási'a naja'apuka nákani tijachapanaya eta maikuñarakiyare ema Viya.

San Juan 18:37

Taka'e, ema Pilato mayaserekapa: –Taka'e, ¿yátupi'i eta pirrey-wa'i? Ema Jesús majikapapa: –Pitupiruwa'i eta piyaseresiranu'i: nuti rey-nu'i. Eta núkupaisira'i, te juka apake'e, nímitureka'i eta yátupikeneana, nákani tisuapajira'iana, nasamararakayare eta yátupikeneana'i.

San Juan 8:47

Taicha nákani maye'eana'i ema Viya, náurikayare'i nasamararaka eta máechejiriruwana ema Viya. Étisera wa'i machicha'éna'ini ema Viya. Eta taka'e, wa'i iúrika'ini esamararaka'ini eta numetaru'eana'i.

San Juan 8:7

Énasera tímiyanawanaichucha nayasereka'i, taka'e, máesenimuri'apa. Máichawakapa: –Te etiari'ipuka eti mapekaturareana'i, enerejikawa ínapuka eyuka esu suka esena te marija'i.

2 Corintios 5:21

Ema Cristo, tájina mapekaturaina'ini. Étasera mawaraira'i ema Viya viúchuku'ayare víti, émapa ema Cristo tamuriaka'i eta vipekaturana. Puiti, tájinasarepa víchirawaima'i, tájinawarepa viviurewaina te mamira'u ema Viya vimutu viti viúrujiaruana'i ema Cristo.

Hebreo 4:15

Ema, yátupi'i tiyaseura'ikene'i eta viye'e, taicha tímati'avi eta vimatumewa'i. Tijapanu'avisera, taicha ema éneichuware tikatajiwa'i tamutu'i makaitsamaraji ema winaraji, takuti eta makaitsamarajira'avi'i víti. Emasera wa'i makapekatura'ini ema Jesús.

Hebreo 7:26

Taka'e'i puiti eta makatupara'aira'i ema Jesús téchejiucha'aviyare. Tétavikawa'i eta vikamunuira'i ema, taicha yátupikene'i santu, matapiraware'i ema. Tájinaware máimatiya'ini makapekatura'ini. Wá'ikene mákuti'ini ena pekatumareana eta napanereruana. Puíticha ema mávi'a'i taye'e eta anuke'e anuma.

1 Pedro 2:22

Ema Cristo, tájina'ineni maviurewaina'ini, mapekaturaina'ini. Nájinaware makaetemakenena'ini.