San Juan 8:2 - Táurinakene máechejiriruwa’i ema Viya tikaijare

² te apanawarepa sache, te tijarara'ichichapa, tiyanawarepa ema taye'e eta mapena ema Viya. Namutu ena achaneana tiyanana'i napaucha, tejakapa ema tepanawapa tímiturekapa.

Ignaciano

² Te apana­varepa sache, te tijara­ra­hi­chichapa, tiyana­varepa éma tayehe eta Templo. Téjacapa éma, tímitu­recapa. Namutu ena achaneana tiyananahi napaucha, nasama­ra­ra­ca­yarehi éma.

San Juan 8:2 Iomraidhean Croise

San Mateo 26:55

Te jena ura'i ema Jesús máichawakapa ena achaneana: –¿Tája'a takayema ekasiña eta espada, ekaepuchirikiwaka, eta ekaratasiranu, tímikutijirikawapa námera'i'ini? Étayapasika kape juka tamutu sácheana nukachane'e'i nímituka'e'i te mapena ema Viya, wá'iware epatsikawa'ini ekaratakanu'ini.

San Lucas 21:37

Ema Jesús timitureka te sachemu'u ánaki eta te templo. Te yátiware tiyanaware te táekene'i eta tikaijare Ulivukiji.

San Lucas 21:38

Ena achaneana tamutu yátikara'iana, tiyanana te templo, titsekawanaipa eta nasamararasirayare ema Jesús.

San Lucas 4:20

Te tamutupa eta máechejikuresira'i ema Jesús, máeratakapa eta libro. Máimichawapa maye'e ema tijanearekara'i, téjakawarepa ema Jesús. Náimararakaipa ena achaneana natiari'ikeneana'i.

San Lucas 5:3

Taka'e, ema Jesús tiáwaku'apa te mapakure'i ema Simón, mawanekapa máewataeka apaesa'i eta pakure. Téjakapa te pakureju'e, tépanawapa máimitukawakapa ena achaneana.

San Juan 4:34

Ema Jesús máichawakapa: –Eta tikaitarekanu'i nuti, eta nítauchira'i eta mawanairipiana ema Nukaiyakene, taicha nuwara'a nítauchaya tamutu eta nuwana'i'i maye'e.

San Juan 8:20

Eta juka eta máechejiriruwana'i ema Jesús eta máimituresira'i taye'e eta mapena ema Viya. Eta máejasine'i te tachakaya eta nanasirareana eta námawa'uana. Nájinasera napatsikawa'ini nakarataka'ini taicha wicha'a máisapawakaima'i ema Viya eta nakaratasiraina'ini ema.

San Juan 8:3

Taka'e, sutiari'i'i esu esena tikayepe'ipuka, esu suve'a'i ema apana achane. Ena escriwánuana énapa ena fariseona, eta náimereuchira'i esu, námapa te mamira'u ema Jesús te namuri'i ena achaneana.

Hechos 5:21

Náuchusi'apa ena apústuleana te nakaeratairare, timapikuku'icha'a te tiyananapa taye'e eta te templo. Tina'akawanawarepa tímiturekana. Taka'e, te jena yátikara'i ema nakenumuri máimichu'apa namutu ena apamuriana tuparairukana énapa ena náiyakarana israelítana. Te tiúrujikawanapa namutu taye'e eta naurujisirarewa, nakawanairipipa náepana ena apustuleana eta te nakaeratairare.