San Juan 8:12 - Táurinakene máechejiriruwa’i ema Viya tikaijare

¹² Te táekenepa eta juka, tépanawawarepa tímitureka ema Jesús. Máichawakapa ena achaneana: –Nútira numikaucha'e'i eti achaneana te juka apake'e, eta taka'e, nákani té'ikanuanayare, wa'i téjekapawanaima'i. Taicha eta nímiturapiana, étapa timíkauchawaka'i. Tási'a, nakatichainapa eta timapiku, waipa napauchaima'i.

Ignaciano

¹² Te táequenepa eta juca, tépana­va­varepa tímitureca ema Jesús. Máichavacapa ena achaneana: —Nútira numicau­chahehi eti achaneana te juca apaquehe. Eta tacahe, nácani téhica­nua­nayare, vahi ­ téjeca­pa­va­naimahi. Taicha eta nímitu­rapiana, étapa timícau­cha­vacahi. Tásiha, nacati­chainapa eta timapicu, vaipa napauchaimahi —máichavacapa.

San Juan 8:12 Iomraidhean Croise

San Mateo 5:14

“Eti ekuti'i eta vimika'u, émikauchayare'i tamutu eta apake'e. Ekutiyare eta awasare tiávi'a'i te taina'u eta anuke'ekene mariripa'i wa'i tayumurukawa'ini.

San Lucas 2:32

tíjara'ineware taye'e eta awasareana ema, timikauchawakaya ena apamuriana tikawasana te Israel.”

San Juan 12:35

Ema Jesús máichawakapa: –Ekamapurawa esamararakanu mapurare nutiari'icha'a eta eye'e, numikaucha'echa'a taicha ánipine eta juka ímairanuyare, apaesa wa'i ekukayutete taye'e eta timapiku.

San Juan 12:36

Esuapa eta juka numika'u, ekamapurawa te nutiari'icha'a eye'e, apaesa ima'a eta tijara'i. Te títapirikapa ema Jesús eta máichirawaka'i, tiyanapa majunijimuri'apa, waipa máimerekawa'ini eta naye'e.

San Juan 12:46

Taicha nuti yátupikenenu'i eta numikauchirawaka'i ena té'ikanuana'i te juka apake'e. Wáipasera tave'aima'i eta timapiku.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 3:19

Taicha wa'i náurika'ini eta tamikauchirawaka'i eta majaraiwa ema Cristo táukupairu'i te juka apake'e. Étachucha náurika eta timapiku, taicha wa'i náwara'a'ini tákaechera'ini eta náichira'i eta tamaurikeneana.

San Juan 7:17

Te etiari'inapuka eti ewara'a'i ítaucha eta mawanairipiana ema Viya, ímatiakawaneyare eta juka nímiturapiana'i étaira'i tiási'a'i eta me Viya. Wa'i nútijiriruwaina'ini eta nímitusira'i.

San Juan 9:5

Tikamapurawakareicha'a eta nutiari'ira'i te juka apake'e, nuti'i namika'u'i ena achaneana.

Hechos 13:47

Taicha víti viwanekasiwa'i me Viya, vítauchayare eta juka mawanairipi, ani maka'e'i: ‘Nutuparakaviyare píti pimikauchayare tamutu awasareana te juka apake'e, Piamayare eta néchejiriruwana pikametarairuyare naye'e ena achaneana ánaki te tayere'ikenepanana taye'e eta juka apake'e.’

Hechos 26:23

émayare'i ema Cristo tínapuka eta maepenirayare'i, tási'a téchepukayare'i te máekari, te mapanakene sache. Timikaucha'aviyarepa eta majaraiwa, eta tikuchuku'awakaya ena juriyuana, tási'a énapa ena apawasana.”

2 Pedro 2:17

Ena nánitataji achaneana nakuti'i eta tiájiku eke, nakutiware eta úkaji támarairiru'i eta tékatikawa, ena, jarari'ipa eta náikuchi náikuñayare taye'e eta táetaviure eta tamapikuwa.

2 Pedro 2:4

Nakutiyare ena ángeleana téjekapawana'i, tájina wa'i majapanuwakaima'i ema Viya, makijikawakapa taye'e eta táiñe'ikene yuku távi'a'i eta tamapikukene, tikaiti'ana'i puiti te cadena, te táitekapapa eta ekuñaraki, tiápajukawanainapa eta náikuñayare ena.

1 Juan 1:6

Te vinasi'ichupuka víti te timapiku, tási'a te vika'e'ipuka, viúrujikawa maye'e ema Viya, tási'a víti vépiya'ira'ipa. Wa'i viúrujikawa'ini maye'e, wá'iware visuapa'ini eta mawanairipiana.

San Judas 1:13

Ena, nakutiware eta táepakuru'a eta ichape une tétavikawa'i eta tatsiri'akarewa'i eta náichakene'i eta tamaurikeneana. Nakutiware eta jarairikiana tiyejepaikawana. Jarari'isera eta nakaikuñaiyayare eta ichapekene timapiku, máitawakakayare eta nanasirayare.

San Judas 1:6

Éneichuware naka'e'i ena ángeleana enasera wa'i naunakawa'ini taye'e eta nawakureni'i, enasera nanakikapa eta navineni'i, ema Viya maeratakawakaipa taye'e te nakaikuñairare, pajara'inapa eta nauchukuiraina'ini tiamainukawa te taitekapapa eta sache nakayesere'irayare tamutu eta naichakeneana'i tamaurikeneana.

Apocalipsis 21:24

Éneichuware ena akenukana te awasareana, ichape eta námawa'uanayare me Viya te jena awasare mávi'a'i ema.