San Juan 7:39 - Táurinakene máechejiriruwa’i ema Viya tikaijare

³⁹ Eta juka makayemakeneana'i ema Jesús, máimikaecheracha'i eta masiapa'asirawakayare'i ema Machanewa Viya te nasamureana nákani tisuapanayare'i ema. Wícha'asera táitauchawa'ini, taicha wícha'a machawa'ini mápana'ini te máwasa te anuma.

Ignaciano

³⁹ Eta juca macaye­ma­que­neanahi ema Jesús, máimicae­che­rachahi eta masiapa­ha­si­ra­va­ca­yarehi ema Espíritu Santo te nasamureana nácani tisuapa­na­yarehi éma. Vuíchahasera táitaucha­vahini, taicha vuíchaha machavahini mápanahini te mávasa te anuma ema Jesús.­

San Juan 7:39 Iomraidhean Croise

San Mateo 16:14

Ena najikapapa: –Ena apamuriana náimijachavi'i ema Juan Tíkachasirikara'i. Ena apamuriana tímijachaviana'i ema profeta Elías, tási'a ena apamuriana naka'e'i, ema profetaini Jeremías, émapuka ema apana profetaini antivuini, téchepuka'i.

San Mateo 21:11

Tási'a ena achaneana najikapapa: –Émara ema profeta Jesús, tikawasa te Nazaret te Galilea.

San Lucas 24:49

Tási'a nuti nuwanekayare eye'e eti eta maikure'e'i ema Nukaiyakene. Étisera enasiyare eta ani, ánaki te awasare Jerusalén, tiamainukawa te ejachapapa eta maitupajijiasirawa ema tiasi'aya te anuma.

San Lucas 3:16

émasera ema Juan máichapa namutu: “Yátupi nuti, níkachasika'e'i te une, marajapainapasera ema tíkachasika'eyare maye'e ema Machanewa Viya. Ema tiápajupanawa'i eta máitupaijiasirawa'i nuye'e nuti. Wáipaine'i nákaemuñawaima'i nuvejuchupewacha eta maeparupewa.

San Lucas 7:16

Te naima'apa ena achaneana tipikanaine'i, taka'e tepanawanapa najiraucha ema Viya. Ánipa naka'e: –Jé'eware ema maka achane yátupikene profeta, titekapa'i te vitarakumuri. Éneichuware naka'epa: –Ema Viya titeka'i maimikatakaya eta mawasa.

San Juan 1:21

Nápechawarepa nayasereka: –¿Nája'avisika píti? ¿Pítipuka ema Profeta Elías? Ema Juan majikapawarepa: –Wa'i nútina. Nápechawarepa nayasereka: –Tási'a ¿Pítipapuka ema apana profeta vikuchapakene'i? Émasera májikapawarepa: –Wa'i nútina.

San Juan 1:25

nayaserekapa: –Te wa'ipuka pítina'ini ema Cristo, wa'iware pítina'ini ema profeta Elías, wá'iware pítina'ini ema apana profeta, ¿tája'asika takayema'i eta píkachasirika'i?

San Juan 1:33

Nuti wicha'aware nimati'ini nája'a'ipuka ema, tási'asera ema tiwanekanu'i nikachasirika te une, maichanupa: ‘Te píma'a ema Machanewa Viya máukupaucha te mápusi mákani achane, pímatiya eta émaira'i ema Nuchicha.’

San Juan 12:16

Eta tetaepaninewa, wa'i nakaikutiara'ini ena máimitureana tamutu etajuka, tasi'asera te taekenepa eta maechepusira'i ema Jesús, tapaenumawapa napanerecha eta takayemakene tamutu'i tikaju'i etajuka maichakeneana'i ema.

San Juan 12:23

Tási'a, ema Jesús máichawakapa: –Jé'eware puiti, tiáne'ipa eta népeniraya nuti Manerejirunu'i ema Viya. Nápechawayaresera nítareka, apaesa nukunachakareyare eye'e.

San Juan 14:13

Tamutu jákaini eyasearunuyare te nijare nuti, nijaraka'eyare, apaesa ema Machicha, maimecha eta makunachakarewa ema Tata.

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 16:14

Ema timerekayare eta nukunachakarewa, taicha majachapayare tamutu eta nuye'eana, tási'a maimereuchainapa eta eye'e eti.

San Juan 16:7

Nutupiruwasera numetaka'e: tatuparaka'i eta nuyaniraya nuchawa, taicha te wa'i nukuyana, wa'i títekaima'i ema Tikatiucha'eya, ema tiúricha'eyare, tímikataka'eyare, tikurisamurecha'eyarewa.

San Juan 17:1

Te títapirikapa ema Jesús eta máechejisira'i, máesenikapa te anuma, ánipa maka'e: “Tata Nukaiyakene, títekapauchanupa puiti eta táitauchirawayare eta pipanereruana. Nuwara'asera nukunachakareni eta piye'e, tákutini eta nukunachiravi'i píti.

San Juan 17:5

Puítisera nuchawainawarepa eta piye'e. Píjarakanuyare eta nukunachakarewaya piye'e, takutiyare akane tasinekene, eta návine'i te tépanawainapa eta apake'e.

San Juan 20:22

Tási'a, machajuákawakapa ena, tási'a, máichawakapa: –Ejákapa ema Machanewa Viya.

San Juan 6:14

Eta náimaira'i ena achaneana eta juka máichakeneana'i ema Jesús, ichapeine'i nárami. Tási'a, naka'epa: –Emaipa ema maka profeta ema vikuchapakene'i máiteruyare'i te juka apake'e.

San Juan 7:12

Énerichuware ena achaneana natiari'ikeneana'i te piesta, náechejisi'a'i ema. Ánipa naka'e'i: “Wa'i tiuri ema maena achane. Makaetemawaka ena achaneana.” Ena apamuriana ániware naka'e: “Tiúri'i ema maka. Vémeteaka tétavikawa eta máuriwa'i.”

San Juan 8:54

Ema Jesús majikapawarepa: –Tájina nukunachakaréma'i, te nútijirikawaichuchapuka nukunachawa'i. Marari'isera ema Tata tikunachanu'i, ema ímijachakene'i ema ekasiña eti.

Hechos 19:2

Mayaserekawakapa: –¿Ejachapaipa eti ema Machanewa Viya, te esuapapa ema Viya? Ena najikapapa: –Wicha'a visamairika'ini eta matiari'ira'i ema Machanewa ema Viya.

Hechos 2:17

‘Jarari'iya eta sacheanaya, maka'e'i ema Viya, níjarakayare eta Nachanewa naye'e namutu ena achaneana, ena echichanaveana, ajairana énapa ena esenana, nakametarairuinapa eta néchejiriruwa, ena amaperuana, káimairurujianayare, ena ichávikachichana tikametakasianayare te nawapure.

Hechos 2:33

Taka'e, ema Maiya makayapapa te anuma ema Machicha, makaejakapa te mawaure. Taka'e, máijarakapa eta Machanewa ema Viya, ema máitsiwayare'i, taicha ema matupara'aichu'i. Étara eta juka puiti, esamakene'i eta máukupaisira'i eta Machanewa ema Viya te vitaraku.

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Hechos 2:4

Tási'a ena, máwa'akawakapaipa ema Machanewa Viya, tiáramikareanapa apaechejiriruwawakapa, taicha eta máwa'asirawakaipa'i ema.

Hechos 3:13

Taicha ema Viya tíjaraka'i eta tamutuirayare marata'a ema Machicha Jesús. Émara ema maka Jesús ema épurukene'i eti, íjarareru'i maye'e ema akenuka apawasajueku Pilato.

Hechos 4:31

Te títapirikanapa eta nayujarasira'i, tíja'úchawapa tiyayakare eta apake'e te návi'a'i ena. Taka'e'i eta máwa'asirawaka'iware namutu ema Machanewa ema Viya, wáipasare napikakarakawa'ini eta náechejisira'i eta máechejiriruwa ema Viya.

Romanos 8:9

Puítisera eti, eta máwa'asira'eipa'i ema Machanewa Viya, waipa étaima'i epanerecha eta tawara'akeneana'i eta iáke'e. Étapa epanerechaya eta mawara'akeneana'i ema. Nákani wa'i máwa'aruanaina'ini ema Machanewa ema Viya, wá'iware machaneranaina'ini ema Cristo.

2 Corintios 3:8

¡Eta makaejasira'i eta Arairu maechejiriruwa ema Machanewa Viya, eta nukametarairukene'i puiti, tétavikawa'i eta tápajusirawa'i eta tasuapakarewa'i!

Efesios 4:30

Wa'i ekuisapawa ícha jákani tamaurikeneana, machu ímipanerereka ema Machanewa Viya. Eta máwa'asira'e'i tímikutijirikawaipa'i eta manasira'ini eta maikutiara eta eye'e, taicha ímatikareipa'i, te taítekapapa jena sácheyare viúchukuirayare.