San Juan 7:33 - Táurinakene máechejiriruwa’i ema Viya tikaijare

³³ Taka'e, ema Jesús máichawakapa: –Wícha'a tituparaka'e eta ekaratakanu'ini. Yátupisera ánipine eta nuka'eyare eta eye'e, tási'a nuchawainapa maye'e ema tiwanekanu'i.

Ignaciano

³³ Tacahe, ema Jesús máichavacapa ena suntaruana: —Vuíchaha titupa­racahe eta ecara­ta­ca­nuhini. Yátupisera ánipirine eta nucaheyare eta eyehe. Tásiha, nuchavainapa mayehe ema tivane­canuhi.

San Juan 7:33 Iomraidhean Croise

Marcos 16:19

Taka'e, te títawapa tamutu eta mametarapiana'i ema Viákenu Jesús, tiyanapa tiyapa te anuma. Ema Viya makaejakapa te mawaure.

San Juan 13:1

Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

San Juan 13:3

Émasera ema Jesús, máechaipa eta machavirayarepa maye'e ema Maiya, taicha eta másine'i. Émaichu'i ema Maiya tíjaraka'i eta tamutuirayare'i máituruekene'a.

San Juan 13:33

Nuchichanavechichana, ánipine eta juka ekachaneranuyare, nuyanainapa. Eti, etanukanuinapa. Étaichu'i eta numetarapi'i naye'e ena tikatianakanuana, eta níchirawaka'i, wa'i ítujikawaima'i e'ikanu te nukaiju'eyare nuti.

San Juan 14:12

Nutupiruwa numetaka'e: Nuyanainapa eta me Tata. Eta taka'e eti yátupi eta esuapiranu'i. Níjaraka'eya eta erata'airaya ekuchuka eta tiáramikareana, ekutinuyare. Jé'esare, eta juka tiápajupanawayare eta takunachakarewa taye'e eta tiáramikareana íchakeneanayare.

San Juan 14:19

Puiti juka sacheanayare, ena achaneana waipa tíma'anuanaima'i. Étisera íma'anuparakaya, taicha nuchawayare'i nítareka. Eti apanaware ítarekayarewa nícha nuti.

San Juan 14:28

Tiuri esamanuipa eta nukayemakene eta nuyanirayare, tási'a, étapa eta nuchavirayare eta eye'e. Eta taka'e, te yátupina émunakanu, ewapinawayare'i eta echira'i eta nuyanirayare maye'e ema Tata, taicha ema kachuriakanu'i eta máitupajijiasirawa.

San Juan 16:10

naja'apuka ema matapiraware'i: nuti, taicha nuyaninapa maye'e ema Tata, tási'a eti waipa ima'anuima'i,

San Juan 16:28

Nuti, eta nási'a'i maye'e ema Tata eta nítesira'i te juka apake'e, puítisera nujunijikainawarepa eta apake'e, nuchawainawarepa maye'e ema Tata.”

San Juan 16:5

Puiti tiáne'inapa eta nuyaniraya nuchawa maye'e ema tiwanekanu'i, tási'a nájinasera émanaina'ini'i eye'e eti nayaserekanu'ini távi'apuka eta nukaiju'eyare,

San Juan 17:11

“Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 17:13

“Puiti nútijapainapa, Tata, taye'e eta jara piávi'a'i, eta nukachanerawakaicha'a ena, numetakawaka'i eta pipanereruana, taicha nuwara'a wákutikaka'ini eta viúrisamurewaina.

San Juan 20:17

Ema Jesús máichapa: –Wa'i pikuemama'akanu, taicha wicha'a nápana'ini te mávi'a'i ema Tata. Piyana pimetakawaka ena apamuriana nímitureana eta nápanirayare maye'e ema Tata nukaiyakene, Ekaiyakene'iware eti apanawa.

San Juan 9:4

Nukamapurayare eta sache níchirayare eta máematanerepiana ema Tata eta mawanesiranu'i, taicha jarajapaware eta yati najina tikaematanena.