San Juan 7:30 - Táurinakene máechejiriruwa’i ema Viya tikaijare

³⁰ Eta nasamira'i ena tuparairukana, nawara'apa nakaratakayare'ini, náeratakayarepaini, wícha'asera máisapa'ini ema Viya eta nakaratasira ema.

Ignaciano

³⁰ Eta nasamirahi éna tuparai­rucana, tiápaju­pa­navahi eta nasema­nevahi. Navarahapa nacara­ta­ca­ya­rehini, náerata­ca­ya­repaini, vuíchahasera máisapahini ema Viya eta nacara­tasira éma.

San Juan 7:30 Iomraidhean Croise

San Mateo 12:14

Énasera te tiuchukanapa ena fariséuana, tepanawanapa eta napanerechira'i eta nakapasirayare'i ema Jesús.

San Mateo 21:46

Nawara'ainipa nakaratakayare'íni. Tási'a tipikakarakawana'isera, taicha ena achaneana nasuapa'i ema Jesús eta émaira'i profeta.

Marcos 11:18

Eta nasamira'i ena tachutiri'ana naye'e ena tiyujarakara'iana, tási'a énapa ena escriwánuana eta máechejiriruwana'i, tisemanapa, natanukapa eta náicharasirayare eta náimikapasirayare'i ema, taicha napikaine'i ema, taicha náima'a'i tétavikawa'i eta masuapakarewa'i eta naye'e ena achaneana.

San Lucas 20:19

Ena tachutiri'ana naye'e ena tiyujarakara'iana, tási'a énapa ena escriwánuana nawara'ainipa náija'uchayare'ini nakarataka ema Jesús, taicha tímatiakawanapa ena eta énaira'i tayunakawaka eta máimikutichirawaka'i. Énasera tipikakarakawana'isera naye'e ena achaneana.

San Lucas 22:53

Étayapasika kape, tamutu'i sácheana nukachane'e'i taye'e eta mapena ema Viya. Wa'iware epatsikawa'ini ekaratakanu'ini. Étisera iúrikapuka eta tamapikuwa'i eta yátimu'u'i eta íchira'i eta tamaurikeneana'i, taicha mawa'aru'e'i ema Wínaraji.

San Juan 10:31

Taka'e, ena tikatianakana'i natanukawarepa eta márija'iana. Nawara'apa natupisikayare'ini ema Jesús,

San Juan 10:39

Taka'e, tiápechawanawarepa nawara'a nakaratakayare'ini ema Jesús, náeratakayare'ini, emasera tiúchukawanepa.

San Juan 11:57

Enaipa ena tuparairukana tiwanerekanapa ena tikuneanayare ema Jesús. Te matiari'inapuka, nametapanayarepa ena tuparairukana. Tási'a, ena náimikaratakayarepa.

San Juan 7:19

“¿Échawaichu eti eta máijarasira'e'i ema víyara'aini Moisés eta mawanairipiana e'iruyare'i? Wa'isera ítaucha'ini eti émanaina'ini. ¿Tája'asika eta nuviurewa eta ewaraira'i ekapakanuya?”

San Juan 7:32

Ena fariséuana nasamaemachapa ena achaneana eta nakunachira'i ema Jesús; tási'a, napanereuchawanepa tikurujikakanapa ena tuparairukana. Náewatakapa ena suntaruana nakaratapanayare'i ema Jesús te mavi'a'i te templo.

San Juan 7:6

Taka'e, ema Jesús máichawakapa: –Wicha'a táitekapauchanu'ini eta nuyanirayare te Jerusalén. Étisera tamutuchucha ura tiuri.

San Juan 7:8

Te ewara'apuka, eyana eti te piesta. Nútisera wicha'a nuyanaima'i taicha wicha'a táitekapauchanu'ini eta nuyanirayare -máichawakapa.

San Juan 8:20

Eta juka eta máechejiriruwana'i ema Jesús eta máimituresira'i taye'e eta mapena ema Viya. Eta máejasine'i te tachakaya eta nanasirareana eta námawa'uana. Nájinasera napatsikawa'ini nakarataka'ini taicha wicha'a máisapawakaima'i ema Viya eta nakaratasiraina'ini ema.

San Juan 8:37

Nécha'iware nuti eta mámariekene'era'i ema iáchukaini Abraham. Epanerechaichuchasera ekapakanu, taicha ekaticha'i eta nímiturapiana'i.

San Juan 8:59

Taka'e, tiápajukawapa eta nasemanewa'i. Nave'apa eta márija'iana, nayukayarepaini ema. Tiúchukapasera ema eta te mapena ema Viya, tiyanapa tiyumurukawapa.

San Juan 9:4

Nukamapurayare eta sache níchirayare eta máematanerepiana ema Tata eta mawanesiranu'i, taicha jarajapaware eta yati najina tikaematanena.