San Juan 6:53 - Táurinakene máechejiriruwa’i ema Viya tikaijare

⁵³ Ema Jesús máichawarepa: –Nutupiruwa numetaka'e, te épuru'ipuka enika eta neche ema Machicha ema Ajaira, tási'a te épuru'iwarepuka era eta nítine, wa'i maichekuarakirema'i eta ítaresira.

Ignaciano

⁵³ Émasera ema Jesús máichavarepa: —Nutupiruva numetacahe: Te épuru­hipuca enica eta neche, nuti Manere­ji­ru­nuhi ema Viya, te épuru­hi­va­repuca éra eta nítine, vahi ítare­caimahi.

San Juan 6:53 Iomraidhean Croise

San Mateo 18:3

tási'a máichapa: –Nutupiruwa numetaka'e, étisera te wa'ikenena ekuinajika eta tamáurikeneana wáipaine'i esiapaima'i te mawasa ema Viya akenuka te anuma, takamunu'i ákuti ena amuyana eta epanereru.

San Mateo 5:18

Nutupiruwa numetaka'e, te wicha'a takuitawa eta anuma, etapa eta apake'e, wicha'a nukaichepaikaima'i eta wanairipiana, tatiwayare titauchawaya tamutu eta taechejiriruwana'i.

San Mateo 8:20

Ema Jesús, majikapawarepa: –Eta chuye tikapenajuereka, eta káyureana éneichuwa tikamakajiana, émasera ema Machicha ema Ajaira tájina maviya'ini manarasi'a'ini.

San Lucas 13:3

Wá'ira étaparakaina, takamunusera éñauchawawane eti, machu táija'uchawa eta épenira.

San Lucas 13:5

Nútisera numetaka'e, wa'i etaparakaina. Eti'ipa, te wa'i ekueñauchawa, éneichuware tíja'uchawaya eta épenira.”

San Juan 13:8

Ema Pedro máichawarepa: –Nútisera, wa'i nisapawaima'i pisipapewachanu. Ema Jesús máichawarepa: –Te wa'i nukusipapewachavi, waipa pítiparakaima'i eta nuye'e.

San Juan 15:4

Eta taka'e, ímiyanawayare eta iúrujiasiranuyare nuti, takuti eta náwa'asira'e'i eti, apaesa ákuti eta tatawa tika'iriki. Taicha te viyuvetuka eta tatawa eta uwa, waipa tika'ima'i, ene eka'e'i eti, te wa'i ekuimiyanawa iúrujiakanu.

San Juan 3:3

Ema Jesús máichapa: –Puiti nutupiruwa numetakavi mákani achane wa'i tepanawa eta maitaresira wa'i títujikawaima'i tisiapa te mawasa ema Viya akenuka te anuma.

San Juan 3:36

Eta taka'e, nákani tikasiñanayare ema Machicha, maichekuarakireya eta náitaresira. Namutusera ena makasiñara'ana'i ema Machicha ema Viya, wa'i títarekanaima'i, taicha tanasi'i eta naviurewana táichavene'i eta napekaturana'i, tikaikuñanayare'i máitawakakayare.”

San Juan 3:5

Majikapaware ema Jesús: –Puiti nutupiruwa numetakavi mákani achane wa'i tepanawa eta maitaresira, wa'iware tikaikachasi te une, maye'e emapa Machanewa Viya, wa'i títujikawama'i tisiapa te mawasa ema Viya akenuka te anuma.

San Juan 6:47

Nutupiruwa'i numetaka'e, nákani tisuapajira'iana, najachapayare eta máichekuarakirayare eta naitaresira.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

San Juan 6:55

Taicha eta neche yátupikene'i tinikakare'i tikaitarekara'i, éneichu'i eta nítine, yátupikene'iware térakare'i tikaitarekara'i'i.

San Juan 6:62

Taja'apuka ícharakawa'ini, eta ímairaina'ini ema Machicha ema Ajaira, eta mayanapaini ánaki te mawasa tainapure.

1 Juan 5:12

Ena eta maitinetikasiñanayare ema Viya, títarekanayare; énasera nákani wa'i tikasiñana'i me Machicha ema Viya, wa'i títarekanaima'i.

Apocalipsis 2:17

¡Ema tikakiña masayare eta makayemakene ema Machanewa Viya naye'e ema pichamuriana! Enasera ena tita'arekanayare nijarakayare eta nanikayare eta maná, nijarakayareware eta marichi tijapu, eta taye'e marichicha tikajuyare eta taijare arairu, najinasera timatina makarichu ema tijachapayare maimatiyare eta taijare.

Apocalipsis 2:7

¡Ema Machanewa Viya tímituka'eyare eta juka mametarapiana eti nuchanerana'i! Emutu eti ekamichana'i, ímiyanawa'i eta é'isiranu'i, nukasiapa'eyare te paraíso íkumuna'i me Tata. Nénika'eyare eta ta'i, eta yukuki tiama'i eta táurikakarewayare eta ítaresira.