San Juan 6:44 - Táurinakene máechejiriruwa’i ema Viya tikaijare

⁴⁴ Nájina tipauchanuima'i nuti, nakarichu nákani máichu'akeneana'i ema Tata, eta taka'e, ena máichu'akeneanayare'i ema, nukaechepukawakayare nuti te táitekapapa eta sache népanirawakayare nuti.

Ignaciano

⁴⁴ Nacarichu témuna­hi­ri­ca­vanaya tipauchanuana nácani máichuha­que­neanahi ema Tata. Eta tacahe, ena máichuha­que­nea­na­yarehi éma, nucaeche­pu­ca­va­cayare núti te táitecapapa eta sache népaní­ra­va­cayare núti.

San Juan 6:44 Iomraidhean Croise

San Mateo 12:34

¡Étisera machichanaveana ema Wínaraji! ¿Waipaine'i ítukaima'i échejisi'a eta táurinakeneana, taicha eti tamaverasiawa'i eta ewínarajiwana? Eta échejiriruwana'i tikaechera'i eta ewínarajiwa te esamureana.

San Mateo 16:17

Taka'e ema Jesús máichapa: –Piti Simón machicha ema Jonás, tétavikawa'i eta pétupisirawa'i, taicha manakasamureruvi'i ema Tata Nukaiyakene tiávi'a'i te anuma. Wa'i etaina'ini eta náimiturapiana naye'e nákani achaneana.

San Juan 12:32

Eta taka'e nuti te nechepukapa te juka apake'e, namutuinapa achaneana nukaechepukawaka.

San Juan 5:44

Eti, wa'i esuapanu'ini taicha eta ewaraira'i ekunachakarewa ena achaneana. Esapi'achucha eti wa'i áwara'a'ini ekunachakare me Viya.

San Juan 6:43

Taka'e ema Jesús máichawakapa: –Ámatinapa eta échejijiasirawa.

San Juan 6:45

Taicha taka'e'i eta nájure'i ena profetanaini, ani taka'e'i: ‘Náimitukasiwayareichu'i me Viya namutu ena achaneana’ Taka'e, namutu ena tisamana ema Tata tási'a tikarawauana'i maye'e, énara tipauchanuanayare nuti.

San Juan 6:65

Tási'a, máichawakapa: –Nutupiruwa eta nichira'e'i, nájina narata'aima'i titekana nuye'e, te wa'i émaina tichu'a'e ema Tata.

San Juan 8:43

¿Tája'a takayema wa'i árata'a ekaikutiara eta nímiturapiana? Étaserapuka eta emawaraira'i esama eta nechejiriruwa.

Filipenses 1:29

Eti, iúrikakare'i maicha ema Viya eta ejákapakarewa'i maye'e, táichavene'i eta ekasiñawaira'i me Cristo, takamunu'isera eta ekatajiwairayare táichavene'i eta é'isira'i ema.

Colosenses 2:12

Te ekaikachasipa eti maye'e ema Cristo, taka'e eti eneichuware échawapa itareka maye'e ema Cristo taichavene eta esuapira'i eta maitupajijiasirawa'i ema Viya, ema timichawa'i tikaitareka'e'i.