San Juan 6:2 - Táurinakene máechejiriruwa’i ema Viya tikaijare

² Kamuriana ena achaneana té'ikanapa'i ema, taicha eta náimaira'i eta tiáramikareana máichakeneana'i eta makanarasirawaka'i ena nakajumakeneana.

San Juan 6:2 Iomraidhean Croise

San Mateo 12:15

Ema Jesús te máechapa tiyanapa. Náe'ikapa ena ichapemurikeneana achaneana, ema Jesús makanarakapaipa ena nakajumakeneana,

San Mateo 13:2

Kamurianapa'iware ena achaneana títekapauchana'i ema Jesús, ema tiáwaku'apa taye'e eta pakure, taka'e ema téjekapa, ena achaneana nanasipa te tachausi eta te tiájipa'i.

San Mateo 14:14

Te tiúkupaikapa ema Jesús te pakure, máima'apa ena kamurikeneana achaneana; majapanuwakaine'i eta máimairawaka'i ena, makanarakawakapa ena nakajumakeneana'i námakeneanapa'i.

San Mateo 8:1

Te tiúkupaikapa ema Jesús taye'e eta anuke'ekene mari, kamuriana'i ena achaneana té'ikanapa'i.

Marcos 1:45

Taka'e tiyanapa ema achane, timétajirikapaipa'i namutu ena achaneana eta máichawakenewa'i. Eta taka'e'i, ema Jesús waipa máimerekawa'ini te awasareana, manasipa te tachachaku, énasera ena achaneana tiyananaichucha napaucha'i.

Marcos 6:33

Kamuriana'isera ena tinekapaikene'ana'i eta nakaiju'era'i, tiyananapa tijunapanapaipa'i, nametakawakapaipa ena apamuriana achaneana, tási'a nakachuriakapa títekapawaneana'i.

San Juan 11:47

Taka'e, ena tuparairukana náimichu'apa namutu ena juéseana, tikurujikakanapa. Naka'epa: –¿Tája'a vícharakawayare, tátanaveana? Ema maena achane, tétavikawa'i eta máitupaijiasirawa'i máicha'i eta tiáramikareana.

San Juan 12:18

Eta taka'e, ena kamurikeneana'i achaneana, tiyanana'i nákapa'i ema, taicha nawara'a'i náimati ema tícha'i eta tiáramikare.

San Juan 12:37

Ichapemuri'i eta náimaira'i ena tikawasana'i eta tiáramikareana máichakeneana'i ema Jesús, wá'ikenesera nasuapa'ini ena;

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

San Juan 2:23

Eta manasiraicha'a'i ema Jesús te Jerusalén, te Páskuamu'u, kamuri'i eta tiáramikareana máichakeneana'i. Kamuriana'iware ena achaneana tíma'ana'i.

San Juan 20:30

Jukaicha'aware eta apamuriana tiáramikareana máichakeneana'i ema Jesús, eta naima'akeneana'i ena máimitureana, wáipasera tamutu'ini takaju'ini te juka libro.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 6:14

Eta náimaira'i ena achaneana eta juka máichakeneana'i ema Jesús, ichapeine'i nárami. Tási'a, naka'epa: –Emaipa ema maka profeta ema vikuchapakene'i máiteruyare'i te juka apake'e.

San Juan 6:22

Te apanapa sache, ena achaneana tiavi'ana'i te apachara eta kákiure, náimatiakapa ena máimitureana eta nakarichuira'i tiánuekana, táicha tájina apanaina'ini pakure, natanuka ema Jesús májina naima'a'ini.

San Juan 6:26

Ema Jesús maichawakapa: –Nutupiruwa numetaka'e: Eti etánukanupa'i táichavene'i eta nénisira'e'i, nésatu'echira'e'i. Wá'isera ákaikutiara'ini eta nímechira'e'i eta tiáramikareana.

San Juan 6:30

Taka'e, ena nayaserekawarepa: –¿Tája'asika eta tiáramikare pímecha'aviyare apaesa visuapavipa? ¿Taja'apuka eta pemataneana?