San Juan 5:44 - Táurinakene máechejiriruwa’i ema Viya tikaijare

⁴⁴ Eti, wa'i esuapanu'ini taicha eta ewaraira'i ekunachakarewa ena achaneana. Esapi'achucha eti wa'i áwara'a'ini ekunachakare me Viya.

Ignaciano

⁴⁴ Éti, vahi esuapa­nuhini taicha eta evarairahi ecuna­cha­careva ena achaneana. Esapi­hachucha éti vahi ávara­hahini ecuna­chacare me Viya.

San Juan 5:44 Iomraidhean Croise

San Mateo 23:5

Tímijachawana'i tamutu naitaucha, nawaraira'i tikunachakareana naye'e ena achaneana. Nanaka'i te nana'uana eta Ajureka navejure'i eta te Takapika'ukene Ajureka. Takutikene eta nakamuiri'aira tísapepeakawana'i pínkanillana'i.

San Lucas 19:17

Ema rey majikapapa: ‘Tiuri tájina táichawa, tétavikawa eta piúriwa piti numusura. Puiti wa'i támapurujima'i eta juka ánichichakene'i níjararuvi'i, puiti níjarakaviyare tákenuviyare eta diéskene awasareana.’

San Juan 12:43

Étachucha náurika'i eta nakunachakarewa'i naye'e ena nachamuriana fariseona. Tasapi'apa náepuru'i eta makunachakarewa'i ema Viya.

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 3:20

Taicha nákani tíchana'i eta tamaurikeneana, nakaticha eta majaraiwa ema Viya. Wáipaine'i napauchaima'i, namawaraira'i takaechera'ini eta náichira'i eta tamaurikeneana.

San Juan 5:41

“Nuti wa'i nákamesa nakunachanu'ini ena achaneana.

San Juan 8:43

¿Tája'a takayema wa'i árata'a ekaikutiara eta nímiturapiana? Étaserapuka eta emawaraira'i esama eta nechejiriruwa.

Romanos 2:10

Étisera eti íchana'i eta táurikeneana, tíjaraka'enapa ema Viya eta majaraiwa'i etapa eta iúriwaya. Namutu ena tichana'i eta taurinakene tétavikawaya eta ekunachakarewaya maye'e, ekutikakaya emutu eta iúrikakarewaya, eti israelítana. Wa'i ekachurikaima'i ena apawasana.

Romanos 2:29

Nákanisera yátupikene'i eta nasuapajiraiwa, jé'eware ena juriyuana wa'i tákamesaima'i nanaka eta naikutiarana te náke'eana, taicha ena yátupikene'i nama te nasamureana: Wa'i étaparakina eta naitauchiraya eta naye'erepiana, taicha eta juka tiasi'a me Viya, wa'i napanereruina ena achaneana.

Romanos 2:7

Ema maíjarakawakainapa, máichekuarakireyare eta naítaresiraya, ena tikuchapawanaya eta nasiapiraya eta te majaraiwa'i ema Viya, ena tepiyakana'i eta taurikene;

1 Corintios 4:5

Eta taka'e, wa'i táurika'ini tatiwaina'ini ekaune'ini eta júkana, te wicha'a ímatiekene'a'i, ekuchapaya eta mápechirawayare títeka ema Viákenu, ema tímikaecherachayare eta tayumururewa'i te timapiku, ema tímereucha'aviya eta vipanereruana te visamureanapachu. Taka'e, ema Viya tikunacha'avinapa eta viúriwana'i.

2 Corintios 10:18

Taicha mákani achane, te yátupi'i eta makunachakarewa'i, wa'i émajiwaima'i tikunachawa. Émayare'i ema Viya tikunachayare'i.

Filipenses 2:3

Eti eta ítaresiraina, takuija eta ekasiñawawaisiraina, wá'iware ekuimijuki'a eta ewara'akeneana, nuwara'asera ímereka'ini eta emansuwaina naye'e ena echamuriana; éna'i émunarukeneana'i, ima'a ena apamuriana tiuripanana eta eye'e eti.

1 Tesalonicenses 2:6

Wa'i vipanerecha'ini náetserajika'avi'ini ena achaneana, éti'ipa, virata'a'ineni vímereka eta vitupara'akene'i maye'e ema Viákenu Jesucristo, wá'isera wáwara'a'ini vímerekawa wakuti'ini mákani achane tikamusura.

1 Timoteo 1:17

¡Eta taka'e, makarichu vikunachayare vijirauchayare tamutu sácheana ema Viya, taicha makarichu'i ema tamutu máituruekene'a, ema, máima'asikene'i, máepenakaka'iware, jé'ewarekene ema, viye'e'i Rey akanekene te tépanawainapa, étapa puiti juka vikaiju'eyare! Amén.

Hebreo 3:12

Eta taka'e, nuparapenaveana, nuwara'a ejaneakawayare yátupina, machu é'ika eta napanereru ena masuapajiraira'ana, machu emutsera'awa íminajikawa eta é'isira'i ema yátupikene'i Viya Vikaiyakene.

Santiago 2:1

Nuparapenaveana, eti é'ikana'i ema máitupajiji'akene'i Viákenu Jesucristo, wa'i táurika'ini épurukaka'ini naye'e ena echamuriana ejákapakeneanaya.

1 Pedro 1:7

Ema Viya máisapa'i eta juka ekatajiwairana, mawaraira'i ímereuchawayare eta yátupikene'i eta ekasiñawaira'i eta maye'e. Ekutiyare eta uru te nakaitsamaraji te yuku te yátupi'ipuka étakene'i. Étisera étaviviriaka'i eta tatumewa eta uru, taicha eta uru títawayare'i, témitiakayare'i. Te wa'i ekainajiruwa eta ekasiñawaira'i maye'e ema Viákenu, tétavikawayare eta ekunachakarewayare'i maye'e ema eta machimapira'eyare te machawa.

San Judas 1:25

ejiraucha ema Viya, ímati ema katiura'i. Éneichuware viti, tétavikawayare eta vikunachiraya vimutu viti, taicha eta máramikarewa'i ichapekene eta máitupaijiasirawa. Vépuyumiraucha eta visuapiraina. Máitawakakayare eta vitsiusirayare ema. Amén.