San Juan 5:30 - Táurinakene máechejiriruwa’i ema Viya tikaijare

³⁰ “Nuti wa'i nútijirikawaima'i níkuñareka. Nukuchapayare'i eta mawanairipi ema Tata, ema tiwanekanu'i. Taka'e, te níkuñareka, wa'i numapachichijikaima'i, tatupiruwayare'i nícha. Taicha taka'e'i eta mawara'akene'i ema Tata.

Ignaciano

³⁰ Núti vahi nútiji­ri­ca­váimahi nícuñareca. Nucucha­pa­yarehi eta mavanairipi ema Tata, ema tivane­canuhi. Tacahe, te nícuñareca, vahi numapa­chi­chi­ji­caimahi, tatupi­ru­va­yarehi nícha. Taicha tacahehi eta mavara­ha­quenehi ema Tata.

San Juan 5:30 Iomraidhean Croise

San Mateo 26:39

Tipaipanapa ánakipanachicha'i. Máetipaisinapa eta mamira te apake'e eta mayujarasira'i, ánipa maka'e: “Tata Nukaiyakene, tájina takuemaituka, pikatajikanusera pikatiuchanu eta juka nichararakawaya, wá'isera takuitauchawa eta nuwara'akene nuti, étasera eta piwara'akene piti, eta taitauchawa.”

San Juan 14:10

¿Wá'ipuka pisuapanu'i eta máwa'asiranu'i ema Tata, tási'a, étapa eta náwa'asira'iware nuti apanawa? Eta juka nukayemakeneana'i, wa'i nutijirikawaina'ini. Étara eta máwa'asiranu'i ema Tata, títauchawa'i eta mawara'akeneana'i.

San Juan 17:4

Nuti nímereka'i ena achaneana eta pikunachakarewa'i. Nítauchaipa'i tamutu eta piwanairipiana'i piwara'akene'i níchayare'i.

San Juan 18:11

Émasera ema Jesús maichapa ema Pedro: –Pinaka te tatumaramu'i eta piye'e espada. Taicha ema Tata tijarakanu'i eta juka nukatajiwairayare'i, ¿taka'e waipapuka nukuitaucha'i eta juka nukatajiwairayare?

San Juan 4:34

Ema Jesús máichawakapa: –Eta tikaitarekanu'i nuti, eta nítauchira'i eta mawanairipiana ema Nukaiyakene, taicha nuwara'a nítauchaya tamutu eta nuwana'i'i maye'e.

San Juan 5:19

Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

San Juan 6:38

Taicha nuti eta núkupaisira'i te anuma, wa'i nutijiriruwaina'ini nícha'ini eta nuwara'akeneana nuti, eta tímitekanu'i nítauchayare'i eta mawanairipiana ema Tata, eta mawánesiranu'i.

San Juan 8:28

Tási'a, máichawarepa: –Jé'ewaresera te ekatupi'anupa te anuke'e, tapaenumawainapa ímatinuyare eta nútikenera'i ema Cristo ekuchapakene'i, ekaikutiarayarewa yátupi'i nímituka'e eta máimiturapiana ema Tata. Taicha wa'i étaina nuviya'ini te nuchuti nútijiriruwaina'ini.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

San Juan 8:50

Nuti wa'i nukunachawaima'i. Matiari'isera ema tikunachanu'i. Ema técha'avi'i, te nútipuka nétupikawa'i.

Romanos 15:3

Taicha ema Cristo, wa'i mákarichu'ini makurisamurechawa'ini. Ema, tikurisamurecha'i ema Maiya te tamutu. Eta taka'e, nakatianaka'i ena achaneana wínarajikeneana. Tási'a, títauchawa'i eta tametarapi eta Takapika'ukene Ajureka, ani taka'e'i: “Nuti nímiyanawa'i eta nítauchira'i eta piwanairipiana eta nuye'e, tayanapane eta náume'airanuana'i ena piánarana'i” taka'epa eta Takapika'ukene Ajureka.

Romanos 2:2

Viti vécha'i matupiruwa'i ema Viya eta máikuñasirawakaya ena tíchana'i eta juka tamaurikeneana.

Romanos 2:5

Taicha táiñe'ikeneyare eta íkuñayare eti, te wa'i ekueñauchawa, ínajikaware eta tamurakawa'i eta esamureana, taicha ewayuchapaichucha eta ekurumutusira'i eta etapirawana