San Juan 5:25 - Táurinakene máechejiriruwa’i ema Viya tikaijare

²⁵ Nutupiruwa numetaka'e nuti Machicha ema Viya. Táitekapakenepa puiti juka sacheana, tisamanuanayare ena achaneana, tayanapane tépena'i eta náchanewana. Te nasuapajira'ipuka, nukaitarekawakayare.

Ignaciano

²⁵ Tacutiquene nutupiruva numetacahe nuti Machicha ema Viya. Táiteca­pa­quenepa puiti juca sácheana, tisama­nua­nayare ena achaneana, tayanapane tépenahi eta náchanevana. Te nasuapa­ji­ra­hipuca, nucaita­re­ca­va­cayare eta náchanevana.

San Juan 5:25 Iomraidhean Croise

San Lucas 15:24

Taicha ema nuchicha tichawa'i Tímikutijirikawa'i eta máepenakenena'ini ema, puítisera tiúchujikapa tichawapa ani nuye'e. Máemitiaru'i, puítisera víchimawaipa'i ema.’ Taka'e, tepanawapa eta piesta.

San Lucas 15:32

Táurikaichucha vicha eta piesta eta viúrisamurewaina'i, taicha tímikutijirikawa'i eta máepenakenena'ini ema maka piparape Puítisera tiúchujikaipa, tichawapa ema. Ema máemitiaru'i te vimira'u, puítisera viápechawawarepa víma'a ema.’ ”

San Lucas 9:60

Ema Jesús majikapapa: –Naima'akakaine náekarakakaicha'a ena máecharaireana, piti piyanaya pikametarairuyare eta máechejiriruwa ema Viya.

San Juan 13:1

Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

San Juan 17:1

Te títapirikapa ema Jesús eta máechejisira'i, máesenikapa te anuma, ánipa maka'e: “Tata Nukaiyakene, títekapauchanupa puiti eta táitauchirawayare eta pipanereruana. Nuwara'asera nukunachakareni eta piye'e, tákutini eta nukunachiravi'i píti.

San Juan 4:21

Ema Jesús májikapawarepa: –Nutupiruwa numetakavi, ánipa táenasi'ayare puiti, wáipa tákamesaima'i íteka eyujaraka me Tata, te juka táina'u eta mari, etaipa eyana'ipukaini te Jerusalén.

San Juan 4:23

Ema Tata, jé'eware ema, yátupikene'i Viya. Eta taka'e, nákani tiyujarakana maye'e, tatupiruwayare eta nasamure, tisuapajira'iana'yare taye'e eta máechejiriruana.

San Juan 5:21

Ema Tata marata'a makaechepuka ena náepenakeneana, máimichawayare'i makaitarekawakaya. Éneichuwa nuti Machicha, nurata'aware nukaitareka nákani nuwara'akeneanaya, níjaraka eta náitaresiraya.

San Juan 5:28

Wa'i ekuarami eta juka numetasira'e'i. Járajapayare eta sácheyare eta nasamirayare namutu ena náepenakeneana eta na'u,

San Juan 6:60

Eta nasamira'i eta máimiturapiana'i, kamuriana ena waipa náwara'a'ini náe'ika'ini ema Jesús, ánipa naka'e'i: –Tikajerapicha eta vikaikutiarairaina'ini eta juka. ¿Nája'apuka ena nasuapa'ini eta pechejiriruwa?

San Juan 8:43

¿Tája'a takayema wa'i árata'a ekaikutiara eta nímiturapiana? Étaserapuka eta emawaraira'i esama eta nechejiriruwa.

San Juan 8:47

Taicha nákani maye'eana'i ema Viya, náurikayare'i nasamararaka eta máechejiriruwana ema Viya. Étisera wa'i machicha'éna'ini ema Viya. Eta taka'e, wa'i iúrika'ini esamararaka'ini eta numetaru'eana'i.

San Juan 9:27

Majikapawarepa ema: –Kápachi numetaka'eipa, vuicha'akaru esuapanu. ¿Taja'a takayema ewara'a nápepejirika'e eta numetaka'e? ¿Ewara'a'ipukasera é'ikayare ema eti apanaware?

Romanos 6:4

Eta vikaikachasiraipa te une, tímikutijirikawa'i vikaekarasi'i, vikachanepa ema Cristo eta máepenira'i. Éneichuware eta viúchusira'i te une, vikutipa ema eta máechepusira'i te máekari. Tási'a puiti, arairupa eta vítaresira'i, ichape eta máitupajijiasirawa'i te makaechepukapa ema Machicha.

Efesios 2:1

Tichawapa títareka eta iáchanewana, takuti eta machavira'i títareka ema Cristo te máekari. Taicha eti, kape juka ítaresira'i, tímikutijirikawaicha'a épenakenena'ini, táichavene'i eta ewínarajiwanaini étapa eta epekaturanaini

Efesios 2:5

Tíjaraka'avipa arairupa eta vítaresira táichavene'i eta viúrujiasira'i ema Cristo. Táichavene'i eta majapanuira'e'i, tikuchuku'a'eyare'i.

Efesios 5:14

Eta emíkauchirawaka ena, takuti eta táechejiriruwa eta jirasare, ani taka'e: “Péjamiuchawaichu eta pímakakarasirawa'i; péchepuka pímikutijirikawa'ini pépenakenena'ini, taicha eta pekatu, emasera Cristo timikauchaviya.”

Colosenses 2:13

Kape te tinapukapa, eti takuti'i eta épenakenena'ini, taichavene eta ekapekaturaira'i, wicha'aware ejachapa'ini eta ikutiarana, puitisera ema Viya tijaraka'epa eta arairu itaresira ekachanepa ema Cristo, etavene eta makaepa'airapa eta epekaturanaini.

Apocalipsis 3:1

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te Sardis: ‘Nuti néchawaka'i ena sipikeneana machanewana ema Viya, étapa eta sipikeneana jarairikiana: Nuti nímati eta píchakeneana'i. Nímararaka'i eta pisamure. Nímati'i, tiáne'i eta pínajisiranu eta pé'isiranu'i.