San Juan 5:22 - Táurinakene máechejiriruwa’i ema Viya tikaijare

²² Nukatupara'a'iware maye'e ema Tata eta nímairaya eta nakaikuñairayare namutu ena náejekapawakeneana'i. Waipa émaina'i tíkuñareka ema,

Ignaciano

²² Nucatu­pa­ra­ha­hivare mayehe ema Tata eta nímairaya eta nacaicu­ñai­rayare namutu ena náejeca­pa­va­que­neanahi. Vaipa émainahi tícuñareca éma.

San Juan 5:22 Iomraidhean Croise

San Mateo 11:27

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.

San Mateo 16:27

Taicha ema Machicha ema Ajaira, tichawayare'i, mámainapaipa eta majaraiwa ema Tata, makachanéwakayare ena ángeleana. Te jena sácheyare, tíjarakawakainapa eta náikuchiana'i ena machanerana, jákani náemataneanapachu'i.

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

San Juan 17:2

Yátupi'i eta píjarasiranu'i eta akenukairanuyare, te namira'u namutu ena achaneana. Nukaitaresirayare'iware namutu ena píchu'akeneana'i píjararunuana'i.

San Juan 3:35

Ema vikaiyakene máemunaka'i ema Machicha. Eta taka'e, matuparaka'i eta émairayare'i téchayare tamutu.

San Juan 5:27

Éneichuware tituparakanu'i eta níkuñasirawakayare, taicha yátupikenenu'i manerejirunu'i.

San Juan 9:39

Ema Jesús máichawarepa: –Nuti tímitekanu'i te juka apake'e, nímimatichayare ena máimatira'ana'i eta yátupikeneana máechejiriruwana'i ema Viya, apaesa náimatiekene'a, eta juka tímikutijirikawa'i nukaimairikayare'i nákani púchukiana'i taye'e eta máechejiriruwana'i ema Viya. Nákanisera tímijachawana'i téchemara'iana, timairirikana, tiápajupanawainapa eta napuchukiwayare.

Hechos 10:42

Taicha tiwaneka'avipa vikametarairuya, vimetakayare eta émaira'i ema Jesús viye'eyare'i Juez viti achaneana énapa ena náepenakeneana.

Hechos 17:31

Taicha tatiari'iyare'i eta jena sacheyare máikuñakayare namutu ena tíchana'i eta juka. Marari'i ema achane manerejiru'i, ema Viya máimereka'i eta manerejisira'i ema Jesús juéseyare'i, taicha makaechepuka'i te máekari.”

Romanos 2:16

járajapa eta sácheyare, tikayasesere'ianainapa namutu ena achaneana te mamira'u ema Viákenu Jesucristo. Ema, máimatiya tamutu eta náichakeneana tayumururewana'i. Étaichu'i eta numetarapi'i te nukametarairupa.

2 Corintios 5:10

Taicha vimutu vímerekawayare te mamira'u ema Cristo te máwakureyare, ánaki tímatikareyare tamutu eta víchakeneanapachu'i puiti juka vítaresiraicha'a, te vícha'ipuka eta táurikeneana, te éta'ipuka eta tamaurikeneana, te vícha'ipuka eta táurikeneana, vijakapainapa eta víkuchianapa'i.

2 Timoteo 4:1

Puiti nutuparakaviyare muraka te máijare ema Viya, émapa ema Viákenu Jesucristo. Taicha ema, títekawaneyare eta makawakureiraya te juka apake'e. Viti vítareruanaicha'a énapa ena náepenakeneanaipa vikayasesere'inapa te mamira'u tája'a'ipuka eta vikaemataneasirana'i ema

1 Pedro 4:5

Járajapainapasera eta sacheyare nakayasesere'irayare te mamira'u ema Viya, taicha ema yátupikene'i eta makatupara'aira'i eta vikayasesere'iraya víti, vítareruanaicha'a énapa ena náepenakeneana.