San Juan 5:19 - Táurinakene máechejiriruwa’i ema Viya tikaijare

¹⁹ Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

Ignaciano

¹⁹ Éneri­chuvare ema Jesús máichavacapa: —Nutupiruva numetacahe: Nuti Machicha ema Viya, eta nutupa­ra­hanahi mayehe, váiparinehi nútiji­ri­ca­vaimahi nícha jácani nuvara­ha­que­neanahi. Núti nímatie­que­nehahi tamutu eta máemata­ne­repihi ema Ticachichanu. Étaya­reichuhi níchayarehi núti.

San Juan 5:19 Iomraidhean Croise

San Mateo 26:39

Tipaipanapa ánakipanachicha'i. Máetipaisinapa eta mamira te apake'e eta mayujarasira'i, ánipa maka'e: “Tata Nukaiyakene, tájina takuemaituka, pikatajikanusera pikatiuchanu eta juka nichararakawaya, wá'isera takuitauchawa eta nuwara'akene nuti, étasera eta piwara'akene piti, eta taitauchawa.”

San Lucas 21:15

Taicha nuti, níjaraka'eyare eta ítusirayare ekatiuchirawaya, nájina ákutima'i eta ítupaijiasirawaya, ichape ekachuriakayare ena iánaranaya.

San Juan 10:18

Nájinaneni napamikanu'ini eta nísapirawaya tikapakanuana. Níjararuwa'i nuti eta nakapasiranuya. Taicha nutupara'aichu'i me Tata nuti néchinawayare'i.”

San Juan 12:49

Taicha taicha nuti wa'i nútijiriruwaina'ini eta nímituresira'i; ema'i ema Tata tiwanekanu'i, tíjarakanu'i eta nímiturapianayare'i.

San Juan 12:50

Taicha necha'i eta mawanairipi ema Tata maichekuarakirenapa eta naitaresira. Wa'i nu'apapikaima'i eta maechejiriruwa, nutupiruwa'i numetaka'e eta mametarunu'i ema Tata.”

San Juan 14:10

¿Wá'ipuka pisuapanu'i eta máwa'asiranu'i ema Tata, tási'a, étapa eta náwa'asira'iware nuti apanawa? Eta juka nukayemakeneana'i, wa'i nutijirikawaina'ini. Étara eta máwa'asiranu'i ema Tata, títauchawa'i eta mawara'akeneana'i.

San Juan 2:19

Ema Jesús majikapawakapa: –Te iákipaikayarepuka eti eta juka templo, nútisera nukaechepuka te mapanakenéna sache.

San Juan 3:3

Ema Jesús máichapa: –Puiti nutupiruwa numetakavi mákani achane wa'i tepanawa eta maitaresira wa'i títujikawaima'i tisiapa te mawasa ema Viya akenuka te anuma.

San Juan 5:21

Ema Tata marata'a makaechepuka ena náepenakeneana, máimichawayare'i makaitarekawakaya. Éneichuwa nuti Machicha, nurata'aware nukaitareka nákani nuwara'akeneanaya, níjaraka eta náitaresiraya.

San Juan 6:38

Taicha nuti eta núkupaisira'i te anuma, wa'i nutijiriruwaina'ini nícha'ini eta nuwara'akeneana nuti, eta tímitekanu'i nítauchayare'i eta mawanairipiana ema Tata, eta mawánesiranu'i.

San Juan 8:28

Tási'a, máichawarepa: –Jé'ewaresera te ekatupi'anupa te anuke'e, tapaenumawainapa ímatinuyare eta nútikenera'i ema Cristo ekuchapakene'i, ekaikutiarayarewa yátupi'i nímituka'e eta máimiturapiana ema Tata. Taicha wa'i étaina nuviya'ini te nuchuti nútijiriruwaina'ini.

San Juan 9:4

Nukamapurayare eta sache níchirayare eta máematanerepiana ema Tata eta mawanesiranu'i, taicha jarajapaware eta yati najina tikaematanena.

Hechos 2:24

Émasera ema Viya makaechepuka'i ema Machicha, makaitareka'i taye'e eta máepenira'i, taicha wa'i máwara'a'ini mánasi'ini máepena'ini.

Romanos 6:4

Eta vikaikachasiraipa te une, tímikutijirikawa'i vikaekarasi'i, vikachanepa ema Cristo eta máepenira'i. Éneichuware eta viúchusira'i te une, vikutipa ema eta máechepusira'i te máekari. Tási'a puiti, arairupa eta vítaresira'i, ichape eta máitupajijiasirawa'i te makaechepukapa ema Machicha.

Romanos 8:11

Táichavene eta máwa'asira'eipa puiti eti ema Machanewa Viya, ema kaechepuka'i ema Jesús, ema tiawa'aka'e'i eti. Émaparakaichu'i ema tikaechepuka'i te maekari ema Jesucristo. Émaichu tikaechepukayare eta iáke'eana tíjaraka'eyare eta arairu itaresiraya. Ema Machanewa Viya ema tiawa'aka'e'i eti.

1 Corintios 15:12

Víti vímituka'eipa eta máechepusira'i ema Cristo te máekari, ¿Natiari'icha'a ena tinerejikawana eye'e ena tika'eana, wa'i téchepukanaima'i ena náepenakeneana?

2 Corintios 4:14

Taicha vécha'i eta makaechepusira'aviyare'i ema Viya, vikutiyare'i eta makaechepusira'i ema Machicha Jesús te máekari. Tási'a, étamuri'avinapa, eti apanaware, eta vímeresirawayare te mamira'u ema.

2 Corintios 5:10

Taicha vimutu vímerekawayare te mamira'u ema Cristo te máwakureyare, ánaki tímatikareyare tamutu eta víchakeneanapachu'i puiti juka vítaresiraicha'a, te vícha'ipuka eta táurikeneana, te éta'ipuka eta tamaurikeneana, te vícha'ipuka eta táurikeneana, vijakapainapa eta víkuchianapa'i.

Efesios 2:5

Tíjaraka'avipa arairupa eta vítaresira táichavene'i eta viúrujiasira'i ema Cristo. Táichavene'i eta majapanuira'e'i, tikuchuku'a'eyare'i.

Efesios 3:16

Nuyaseaka ema máijaraka'eni eti, ichapena'ini eta ítupajijiasirawa étapa eta étumewaina'ini te iáchanewana, maicha ema Machanewa Viya. Taicha ema Viya, tétavikawa eta máitupajijiasirawa, wá'iware mayawanaima'i,

Filipenses 3:21

Máitsiwachainapa ema eta juka viáke'esami, apanainapa eta táima'iyare, takutinapa eta makáke'era ema, tapachinakene'i. Tétavikawainapa eta tatumewayare taicha ichapekene eta máitupajijiasirawa'i ema, marata'a'i makapakecha tamutu.

Filipenses 4:13

Nurata'a'i nukamicha tamutu, taicha ema Cristo ema tétumechanu'i.

Colosenses 1:11

Énerichuware viyaseaka'i ema Viya máijaraka'eni eta ichapekene máitupajijiasirawa apaesa ekamicha'ini tamutu eta ekatajiwairana, apaesa ekamicha'ini muraka, iúrisamurereakawachuchaini

Colosenses 1:16

Ema, mawana'i'i me Maiya eta máepiyasira'i tamutu eta víma'akeneana'i puiti, te anuma, étapa te juka apake'e, tamutu eta vima'akeneana étapa eta vimarata'akeneanapa víma'a, enapa ena ángeleana tikawakureana, enapa ena ichapekeneana eta naitupajijiasirawa eta nakawakurera'i. Namutu'isera ena maepiyaruana'i ema, taicha mawana'i'i ema Machicha maye'eyare'i ema Cristo.

1 Tesalonicenses 4:14

Víti visuapa'i eta máechepusira'i te maekari ema Jesús te táekenepa eta máepenira'i. Tási'a, visuapa'iware eta makaechepusira'aviya ema Viya te vépenapa, vikáchanenapa ema Jesús viti vé'ikana'i ema.

1 Pedro 3:18

Taicha ema Cristo, éta'eichu'i vímikapaka'i, táichavene'i eta vipekaturana. Ema, tétavikawa eta máuriwa, matapiraware'iware. Tíjarakawa'isera tikatajiwaya víchavene'i víti wínarajikeneana, mawaraira'i tiáma'avi me Viya. Tépena'i eta máke'e, étasera eta máchanewa tímiyanawaichucha títareka.

Apocalipsis 2:23

Énerichuware ena suchichanaveana níjarakayare eta najumayare, nímikapasirawakayare, tási'a, échainapa eti nuchanerana'i eta nímatira'i tamutu eta epanereruana, eta te esamureana eti, níma'ainepasera nuti eta nícharakawakayare ena téjekapawana'i, étapa tiámayare eta náichakeneana.