San Juan 5:15 - Táurinakene máechejiriruwa’i ema Viya tikaijare

¹⁵ Taka'e, ema achane tiyanapa mametapanawaka'i ena tuparairukana eta émaira'i ema Jesús ema tikanaraka'i.

Ignaciano

¹⁵ Tacahe, eta máimatirapa, ema achane tiyanapa mameta­pa­navaca ena tuparai­rucana eta émairahi ema Jesús ema ticana­racahi.

San Juan 5:15 Iomraidhean Croise

Marcos 1:45

Taka'e tiyanapa ema achane, timétajirikapaipa'i namutu ena achaneana eta máichawakenewa'i. Eta taka'e'i, ema Jesús waipa máimerekawa'ini te awasareana, manasipa te tachachaku, énasera ena achaneana tiyananaichucha napaucha'i.

San Juan 1:19

Etara eta juka mametarapi'i ema Juan, naye'e ena tuparairukana tikawasana'i te Jerusalén, te nawanekapa ena náewanachana, nayanaucha ema Juan. Eta nayaserepana, najá'a'ipuka ema.

San Juan 4:29

–Yare, íma'aya eñi achane ñímati'i tamutu eta níchakeneana'i néjekapirawana'i. Tamutu'i ñikuchuchujisinánu'i. ¿Wa'ipuka éñina ñiwaneru'i eñi Viya, vikuchapakene'i tikaijare Cristo?

San Juan 5:10

tikapika'u'i eta jena sache naye'e ena israelítana. Taka'epa, te náima'apa ena tuparairukana, nakajachapa ema. Náichapa: –¿Tája'a takayema wa'i pipikaucha puiti juka sache takapika'ukene'i? Wa'i vísapa piáma'ini eta pímakaraji puiti juka.

San Juan 5:12

Ena nayaserekapa: –¿Nája'asika ema tiwanekavi'i: ‘Eta pive'a eta pímakaraji piyana pipaika’?

San Juan 5:16

Eta taka'e, ena tuparairukana nakatianasira'i ichape ema Jesús táichavene'i eta makanarasira'i te jena sache sáwarumu'u.

San Juan 5:18

Eta nasamira'i ena tuparairukana eta máichirawaka'i, navetijipaicha eta nasemira'i. Nawara'apa nakapakawaneyare'i ema. Eta tiviucha'i eta makanararesira'i te sáwarumu'uana, náimijachira'i máepuru'i eta naye'erepi. Tavetijipaicha eta máimikaecherachirawa'i Machichaira'i ema Viya.

San Juan 9:15

tási'a ema púchukini'i nayaserekapa, tája'a'ipuka táicharakawa'i eta máimairirisiraipa'i. Tási'a ema, máichawakapa: –Ema tiyaji'aukichanu'i eta tiuraji. Tási'a, nukasipaukipa, nímairikapa.

San Juan 9:25

Ema majikapawarepa: –Je'epuka, wa'i necha nuti te tisipekaturara'i'ipuka ema. Takarichu nécha'i eta nupuchukiwaini'i nuti, puítisera nímairikaipa máichawakapa.

San Juan 9:30

Ema achane majikapawarepa: –¡Tája'asamiware eti, tiaramikarepa eta ichakene! Eti wa'i echa távi'apuka eta másine'i, nutisera necha'i taicha kaimairikanu'i.

San Juan 9:34

Taka'e, tisemanapa ena eta máichirawaka'i. Naka'epa: –Píti pétaviurekene'i eta pikapekaturaiwa'i, eta tiviuchavi'i Puiti pisapi'apa piwara'aya pímituka'avi víti. Tási'a, nakuchukapa ema taye'e eta peti naurujisirarewa ena juriyuana.