San Juan 4:24 - Táurinakene máechejiriruwa’i ema Viya tikaijare

²⁴ Ema Viya Espíritu'i ema, nákani tiyujarauchana, tawara'a'i maicha eta je'esarekenena. Eta juka taka'eyare'i eta mawara'akeneana'i ema Tata eta eyujarasirayare'i.

San Juan 4:24 Iomraidhean Croise

San Juan 4:23

Ema Tata, jé'eware ema, yátupikene'i Viya. Eta taka'e, nákani tiyujarakana maye'e, tatupiruwayare eta nasamure, tisuapajira'iana'yare taye'e eta máechejiriruana.

2 Corintios 1:12

Visamawa'isera viti eta vikunachirawa'i eta tájinaira'i víchirawaina'ini, wá'iware apipiema'avina'ini. Santuru'a'avi'ipa te nataraku namutu ena achaneana, evetijipa eti. Éma'isera ema Viya tímikataka'avi'i táuri'i eta vítaresira'i táichavene'i eta máemunasira'avi'i, wa'i vítijiriruwaina'ini eta vítupajijiasirawana'i.

2 Corintios 3:17

Jé'esare, ema Viákenu tíjaraka'avisarepa ema Machanewa Viya. Tási'a, waipa vipikakarakawa'ini eta vipauchiraya ema. Yátupina eta viwapinairawa'i maicha ema Machanewa Viya.

Filipenses 3:3

Jé'esaresera vítikene'i machanerana'i ema Viya. Taicha manaka'i eta maikutiara te visamureana maicha ema Machanewa Viya. Viwapinawa'iware táichavene'i eta vikasiñaira'i eta machanera'avira'i ema Jesucristo. Vécha'i wa'i étaparakaina'ini vítaucha'ini eta wanairipiana.

1 Timoteo 1:17

¡Eta taka'e, makarichu vikunachayare vijirauchayare tamutu sácheana ema Viya, taicha makarichu'i ema tamutu máituruekene'a, ema, máima'asikene'i, máepenakaka'iware, jé'ewarekene ema, viye'e'i Rey akanekene te tépanawainapa, étapa puiti juka vikaiju'eyare! Amén.