San Juan 4:21 - Táurinakene máechejiriruwa’i ema Viya tikaijare

²¹ Ema Jesús májikapawarepa: –Nutupiruwa numetakavi, ánipa táenasi'ayare puiti, wáipa tákamesaima'i íteka eyujaraka me Tata, te juka táina'u eta mari, etaipa eyana'ipukaini te Jerusalén.

Ignaciano

²¹ Ema Jesús mametacapa: —Nutupiruva numetacavi, nuchicha, ánipa táenasi­hayare puiti váipa tácame­saimahi íteca eyujaraca me Tata te juca táinahu eta cerro étaripa eyana­hi­pucaini te Jerusalén. Tamutuinapa eta táurivayare eta eyuja­ra­si­hayare.

San Juan 4:21 Iomraidhean Croise

San Mateo 18:20

Taicha nákani te tikurujikakana, apinana, mapananapuka te níjare, nuti nutiari'iya te nataraku ena.”

San Mateo 28:19

Eyanayare puiti, epaikayare tamutu eta awasareana. Tási'a ímitukayare ena achaneana, nuchaneranaina ena apanaware, íkachasikawakaya te máijare ema Tata, ema Machicha, tási'a émapa ema Machanewa Viya,

San Lucas 21:24

Natiari'iyarewa ena takaparuanaya eta espada, ena apamuriana nakaratatajikainapa. Námawakainapa te apanakeneana awasareana. Eta awasare Jerusalén énapa téchanayare ena apawasana. Tiámainukawa te máikutichapa ema Viya, enapawainapa kaikuñanayare.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 16:2

Ena tiákijika'eanayare taye'e eta peti naúrujisirarewa ena juriyuana. Éneichuware nawara'ayare tikapaka'eana, ena náimijachayare'i tiúriyare'i eta náichirayare te mamira'u ema Viya.

San Juan 16:32

Puíti títekapainapa eta ura, eta éjanerepaisirayare eti, ejunijikanuinapa, nukarichuinapa. Wá'isera nakarichuima'i matiari'iyaresera ema Tata, ema tikachanenu'i.

San Juan 4:23

Ema Tata, jé'eware ema, yátupikene'i Viya. Eta taka'e, nákani tiyujarakana maye'e, tatupiruwayare eta nasamure, tisuapajira'iana'yare taye'e eta máechejiriruana.

San Juan 5:25

Nutupiruwa numetaka'e nuti Machicha ema Viya. Táitekapakenepa puiti juka sacheana, tisamanuanayare ena achaneana, tayanapane tépena'i eta náchanewana. Te nasuapajira'ipuka, nukaitarekawakayare.

San Juan 5:28

Wa'i ekuarami eta juka numetasira'e'i. Járajapayare eta sácheyare eta nasamirayare namutu ena náepenakeneana eta na'u,

Hechos 6:14

Éneichuware maka'e'i, ema Jesús Nazareno mákipaikayareji eta templo, máitsiwachayare'iji eta viye'erepiana, manakipairu'i ema Moisés.

Efesios 2:18

Puiti, eta viúrujiasira'i ema Jesucristo, tiáwa'aka'avi'i ema Machanewa Viya. Tási'a, máichavene'i ema Machanewa Viya, vimutu vikutikakaipa'i eta vipauchiraipa ema Tata Vikaiyakene.

Efesios 3:14

Eta taka'e nuti népuyumiraucha'i ema Makaiyakene ema Viákenu Jesucristo, nukunachira'i ema Tata,

1 Timoteo 2:8

Eta taka'e, nuwara'a ena achaneana nayujaraka'ini tamutu eta takiñakukujiana, nakanukecha'ini eta nawa'uana te anuke'e te mamira'u ema Viya tapachina'ini eta napanereruana, wa'iware nakúsemamaju'e wa'iware nakukapaemajirikaka.

1 Pedro 1:17

Te eyujarasirana eti, “Tata Vikaiyakene” eka'e'i maye'e ema Viya. Ímatiyare yátupi ema eta nájinaira'i manerejiruina, takutikene eta máemecharesira'i ena téjekapawana, máitsiwachawaka'iware nákani tíchana'i eta táurikeneana. Taka'e, yátupina eta epikauchiraina ema tamutu sácheana puiti juka ítaresiraicha'a te juka apake'e.

Apocalipsis 21:22

Te jena awasare, tájina níma'a'ini eta templo nayujarasiraréna'ini. Tájina tákamunu'ini eta nayujarasirareyare, taicha matiari'i'i ema Viya máitupajiji'akene máituruekene'aware tamutu, émapa ema Cordero.