San Juan 4:15 - Táurinakene máechejiriruwa’i ema Viya tikaijare

¹⁵ Esu esena suíchapa: –Tata, píjarakanupaini eta une tikaitarekara'i, apaesa waipa nukuapechawaini numaune. Wáipawareni nukuiteka'ini eta te juka pusu népana eta une.

Ignaciano

¹⁵ Tacahe, esu esena, eta susamirahi eta máechaji­ri­ru­vanahi, suíchapa: —Tata, píjara­ca­nupaini eta une ticaita­re­carahi, apaesa vaipa nucuape­chavaini numaune. Váipavare nucuite­cahini eta te juca nória népanahini une —suíchapa.

San Juan 4:15 Iomraidhean Croise

San Juan 4:16

Ema Jesús máichapa: –Piyana, píchu'apana ema pima. Piáma eta ani.

San Juan 6:26

Ema Jesús maichawakapa: –Nutupiruwa numetaka'e: Eti etánukanupa'i táichavene'i eta nénisira'e'i, nésatu'echira'e'i. Wá'isera ákaikutiara'ini eta nímechira'e'i eta tiáramikareana.

San Juan 6:34

Ena, nayaseakapa: –Viákenu, pijaraka'aviparaka máeje'aina'ini eta pan.

San Juan 6:35

Ema Jesús máichawarepa: –Nútira eta pan nukaitareka'eyare'i. Eta taka'e, nákani tisuapanuanayare, waipa tiápechawanaima'i téku'ana, wáipaware timauneanaima'i.

Romanos 6:23

Eta tawacha eta vichira'i eta pekatu etachucha vijachapa eta ekuñaraki, emasera ema Viya mawara'a tijarakasicha'aviyare eta vitaresirayare maichekuarakirenapa taichavene eta visuapira ema Viákenu Jesucristo.

Romanos 8:5

Nákanisera nasuapa'i eta tawara'akeneana eta náke'e, étachucha napanerecha'i eta náichiraya eta tamaurikeneana. Vítisera viti visuapana'i eta mawara'akeneana ema Machanewa ema Viya, étainapa vipanerechaya eta vikurisamurechiraya ema Viya.

1 Corintios 2:14

Énasera nákani achaneana wa'i máwa'aruanaina ema Machanewa Viya, wa'i najakapaima'i eta máimiturapiana, taicha náimijacha'i súnsurupiana. Wá'iware nárata'a nakaikutiara'ini, taicha tikamunukare'i eta máimitusirawakaina'ini ema Machanewa Viya.

Santiago 4:3

eti eyaseaka'ineni ema, wá'isera máijaraka'e'ini, taicha wa'i táetupikawa'ini eta eyasesearapiana, étachucha eta tajamurachakeneana'i eta iáke'e.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.