San Juan 4:14 - Táurinakene máechejiriruwa’i ema Viya tikaijare

¹⁴ Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

Ignaciano

¹⁴ Nácanisera téranayare eta une níjara­ru­yarehi núti, vaipa tiápecha­va­naimahi timauneana. Taicha tacaju­ru­ca­yarehi eta náurica­careva. Tiúrinai­na­varepa eta náitaresira. Ticaita­re­ca­va­cayare máepena­ca­cayare —máichapa.

San Juan 4:14 Iomraidhean Croise

San Mateo 25:46

Ena naniana tiyananayare taye'e eta ekuñaraki máitawakaka. Tási'a ena matapirawareana'i, máitawakakayare eta náitaresira.”

San Mateo 5:6

“Tétavikawa eta náurikakarewaya ena tikaimairuwana'i eta naichira eta taurikeneana, taicha máijarakayare eta nawara'akene'i,

San Juan 10:10

“Ema tiámera'i, tímiteka'i ema tiámerekayare, tikaparekayare. Makaejanerepaikayarewa. Nútisera tímitekanu'i níjarakayare eta náitaresiraya, máitawakakayare eta náurikakarewayare nícha.

San Juan 11:26

Namutu nákani titarekanaicha'a'i tisuapanuana'i nuti, wa'i tepenanaima'i maichekuarakirenapa eta naitaresira. ¿Pisuapanu eta juka numetaruvi'i?

San Juan 4:10

Ema Jesús májikapapa: –Te pímati'ini eta mawara'akeneana'i tíjarakavi ema Viya, té'eware pímatinu'iwareni nuti nuyaseakavi'i eta une, németeaka piyaseakanuipa'íni eta une tikaitarekara'i. Tási'a, nuti níjarakavi'ini.

San Juan 4:11

Esu esena suíchapa: –Tata, tájina piviyaima'i eta une, eta pusu tiupena'i. ¿Távi'asika tási'ayare eta une tikaitarekara'iya?

San Juan 4:13

Ema Jesús májikapawarepa: –Namutu nákani térana eta juka une, tiápechawanayare'i timauneanaya.

San Juan 4:36

Ema Tata tíjaraka'eya eta íkuchiyare te ímikatakanu eta vikurujisira ena nani achaneana apaesa náuchuku'a, máichekuarakire eta náitaresira. Tási'a, tétavikawaya eta viúrisamurewa vimutu viti, nútipa.

San Juan 6:27

Wa'isera ekukaeñamarakawa eta etánusira eta enikakenerepi taicha títawayare'i, tatuparaka'isera etanukayare eta tinikakare tikaitareka'eyare'i, máichekuarakiraya eta naitaresira. Etara eta juka níjararu'eyare'i nuti Manerejirunu'i ema Viya, ema Tata manaka'i eta tímereuchanu'i eta yátupira'i nuwanekasiwa'i eta maye'e ema.

San Juan 6:35

Ema Jesús máichawarepa: –Nútira eta pan nukaitareka'eyare'i. Eta taka'e, nákani tisuapanuanayare, waipa tiápechawanaima'i téku'ana, wáipaware timauneanaima'i.

San Juan 6:58

Necheji'a'i eta pan eta taukupairu'i te anuma. Eta juka pan wa'i takuti'ini eta maná eta nanikakene'i ena iáchukanaveanaini eti, eta nanisira'i tepenanaichucha, nákaini tinikana eta juka pan máichekuarakireyare eta náitaresiraya.

San Juan 7:37

Te jena sache, taekene eta piéstaira'i, jarari'iware eta tíma'akarepana. Tiyanawarepa ema Jesús te namuri ena achaneana. Titupi'apa, téchejikapa muraka. Ánipa maka'e: –Te natiari'inapuka nákani timauneana'i, náitekapauchanu. Nuti níjarakayare eta náerayare.

Romanos 5:21

Taka'e, eta pekatu, ichape eta támaparauchira'avi'i taye'e eta vépenira. Étasera eta majapanuira'avi ema Viya tiámaparaucha'avipa'iware eta vijakapakarewa'i maye'e. Tási'a, píjaraka'avinawarepa eta vítaresiraya máichekuarakireyare máichavene'i ema Viákenu Jesucristo.

Romanos 6:23

Eta tawacha eta vichira'i eta pekatu etachucha vijachapa eta ekuñaraki, emasera ema Viya mawara'a tijarakasicha'aviyare eta vitaresirayare maichekuarakirenapa taichavene eta visuapira ema Viákenu Jesucristo.

2 Corintios 1:22

Manakaipawa eta maikutiara eta viye'e viti, tási'a tíjaraka'aviwarepa eta máwa'asira'avi'i ema Machanewa Viya te visamureana.

Efesios 4:30

Wa'i ekuisapawa ícha jákani tamaurikeneana, machu ímipanerereka ema Machanewa Viya. Eta máwa'asira'e'i tímikutijirikawaipa'i eta manasira'ini eta maikutiara eta eye'e, taicha ímatikareipa'i, te taítekapapa jena sácheyare viúchukuirayare.

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

Apocalipsis 7:16

Ena nani waipa tikatajiwanaima'i eta namaunewa, wáipaware taijuchaima'i eta táijurewa eta sache, etainapukaini eta tijuru'i takaeñamaka'ini,

Apocalipsis 7:17

Taicha ema Cordero, ema tiávi'a'i te enumu'u eta trono, émainapa ema eye'eyare pastor tási'a emainapa tiama'eyare, eta te une tiuriama tikaitarera'i, tási'a ema Viya makamitiasinayare eta náiyaira.”