San Juan 4:10 - Táurinakene máechejiriruwa’i ema Viya tikaijare

¹⁰ Ema Jesús májikapapa: –Te pímati'ini eta mawara'akeneana'i tíjarakavi ema Viya, té'eware pímatinu'iwareni nuti nuyaseakavi'i eta une, németeaka piyaseakanuipa'íni eta une tikaitarekara'i. Tási'a, nuti níjarakavi'ini.

Ignaciano

¹⁰ Tásiha, ema Jesús majicapapa: —Te pímatihini eta mavara­ha­que­neanahi tíjaracavi ema Viya, téhevare pímati­nu­hi­varéni núti nuyasea­cavihi eta une, németeaca piyasea­ca­nui­pahíni eta une ticaita­re­carahi. Tásiha, núti níjara­ca­vihíni —máichapa.

San Juan 4:10 Iomraidhean Croise

San Lucas 11:13

Etiripa murakasamure'e'ineni, ituka'i ijaraka ena echichanaveana eta jakani tiurinana nayasearapiana'i, ¡mavetijicha ema Tata tiávi'a'i te anuma tíjaraka'eyare'i ema Machanewa Viya, tamutu eta táurikeneana eyasearuanayare'i!”

San Juan 16:3

Ena, náichayare eta juka táichavene eta namáimatira'i ema Tata, wá'iware náimatinu'ini nuti.

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

San Juan 6:35

Ema Jesús máichawarepa: –Nútira eta pan nukaitareka'eyare'i. Eta taka'e, nákani tisuapanuanayare, waipa tiápechawanaima'i téku'ana, wáipaware timauneanaima'i.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

Hechos 9:11

Taka'e, ema Viákenu Jesús máichapa: “Piyana pitupiruya te jena calle tikaijare Titupina, te jena mapena ema Judas, pikayasesereruyare ema achane tikaijare Saulo, ema tikawasa te awasare Tarso, puiti máena'i tiyujaraka'i,

Romanos 8:32

Eta majapanuira'avi'i ema Viya, wa'i mawayuaka'ini máijararekapa ema Machicha eta nakapasira'i víchavene'i vimutu víti. Tási'a, mavetijinapa eta makatiuchira'aviyare puiti te tamutu eta jákani víchawakenewana.

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

1 Corintios 10:4

Namutu'iware térana eta une tási'akene'i me Viya. Eta juka une náeresaparaka'i ena, táuchure'i taye'e eta mari, maicha ema Cristo. Émaira'i ema tínapumirauchapa'i ena, máitatiwakapa'i eta napaisirapa'i.

2 Corintios 9:15

¡Tétavikawa'i eta viúrikakare'i maicha ema, tájinapa viviya apanaina wákayema eta vi'asulupayachira ema Viya táichavene'i eta juka vijarakasi!

Efesios 2:8

Taicha eta viúchukuirayare eta viápechirawaya vítareka, étavene'i eta majapanuira'avi'i ema Viya. Vijakapakareipa eta maye'e, táichavene'i eta vikasiñaira'i ema Jesús. Wa'i étaparakaina takuchuku'a'avi'ini eta víchakeneana'i, ema'i ema Viya tijarakasicha'avi'i eta viuchukuira.

Hebreo 6:4

Taicha ena etaipa eta najachapa'i eta majaraiwa, nimatipa'i eta maitupajijiasirawa ema Viya, taicha ema mawa'akaipa ema Machanewa Viya,

1 Juan 5:20

Vítisera vécha'i eta máitesira'i eta te juka apake'e ema Machicha ema Viya, ema tímitupana'avi'i, émavene'i témesenika'avi'i maye'e ema Maiya ema yátupikene'i Viya. Máichavene ema Machicha Jesucristo, viáwa'akaipa víti ema yátupikene'i Viya, émara ema makarichukene'i yátupikene'i Viya, ema, tíjaraka'aviya eta vítaresiraya máichekuarakirenapa.

Apocalipsis 21:6

Ániwarepa maichanu: “Títauchawapa puiti tamutu eta nupanereruana, nútira nécha'i tamutu eta táepanirawa'i eta apake'e, núti'ichuware nécha'i eta táimiyanirawa'i tiuri, puiti nuti nítauchapa tamutu. Eti emáune'i, nuti níjaraka'eyare eta máitawakaka une tikaitarekara'i, tájina wa'i ewacharekaima'i.

Apocalipsis 22:17

Ema Machanewa Viya énapa ena té'ikana'i ema Cordero, tíchuarekana, naka'e'i: “¡Yare!” Tási'a nákani tisamanaya naka'e: “¡Yare!” Énapa nákani timauneanayare, náiteka apaesa náera eta une tikaitarera'i, tájina wa'i nawacharekaima'i.

Apocalipsis 7:17

Taicha ema Cordero, ema tiávi'a'i te enumu'u eta trono, émainapa ema eye'eyare pastor tási'a emainapa tiama'eyare, eta te une tiuriama tikaitarera'i, tási'a ema Viya makamitiasinayare eta náiyaira.”