San Juan 3:8 - Táurinakene máechejiriruwa’i ema Viya tikaijare

⁸ Eta juka tímikutijirikawa'i eta tékatikawa, takarichu visama eta takaemaira. Wá'isera vikaikutiara'ini távi'apuka eta tási'a'i. Ene naka'e'i ena máwa'áruanaipa ema Machanewa Viya. Nanasi'ichu eta náima'i, tikaitsiwaipasera eta náitaresira.

Ignaciano

⁸ Eta juca tímicu­ti­ji­ri­cavahi eta técaticava, tacarichu visama eta tacaemaira. Váhisera tácaeche­rahini. Ene nacahehi ena mávahá­ruanaipa ema Espíritu Santo. Nanasirichu eta náimahi. Ticaitsi­vai­pasera eta náitaresira —máichapa ema Jesús.

San Juan 3:8 Iomraidhean Croise

San Juan 1:13

Tási'a ena machichanaveana'i ema Viya, éma'i tinerejika'avi'i. Wa'i étaparakaina'i eta nakachichaira'avi'i ena tikachicha'aviana.

San Juan 3:7

Wa'i pikuarami eta juka níchiravi'i: ‘Táitaurewakene'i namutu tepanawayare'i eta naitaresira’

San Juan 3:9

Tási'a, ema Nicodemo mápechawarepa mayasereka: –¿Tája'asika takayema eta juka?

Hechos 2:2

Taka'e, tiáramikarepa eta tikaema'i te anuke'e, tiási'a'i te anuma takutipa'i eta muraka tékatikawa, tikaemapa muraka te táina'u eta peti návi'a'i ena.

Hechos 4:31

Te títapirikanapa eta nayujarasira'i, tíja'úchawapa tiyayakare eta apake'e te návi'a'i ena. Taka'e'i eta máwa'asirawaka'iware namutu ema Machanewa ema Viya, wáipasare napikakarakawa'ini eta náechejisira'i eta máechejiriruwa ema Viya.

1 Corintios 12:11

Tamutu eta juka máichakeneana'i ema Machanewa Viya. Makarichu'i ema máitapara'a'i máijarakawaka eta náitukakenepachuyare namutu ena mawara'akeneana'i máijaraka.

1 Corintios 2:11

¿Naja'apuka naecha'ini eta napanereruana ena achaneana? Nájina apanaina nárata'a'ini naecha. Ene maka'e'i ema Machanewa Viya. Makarichu ema técha'i tamutu eta mapanereruana'i ema Viya.

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.