San Juan 3:5 - Táurinakene máechejiriruwa’i ema Viya tikaijare

⁵ Majikapaware ema Jesús: –Puiti nutupiruwa numetakavi mákani achane wa'i tepanawa eta maitaresira, wa'iware tikaikachasi te une, maye'e emapa Machanewa Viya, wa'i títujikawama'i tisiapa te mawasa ema Viya akenuka te anuma.

Ignaciano

^5-6 Majica­pavare ema Jesús: —Pisama­nuchaha. Te tiúchuca eta amuya te sujuhe esu taena, tímati­carehi eta machichairahi ema suima. Tacuti­quenehi, nácani mávaháruana ema Espíritu Santo, tiápecha­va­nayare tépanava eta náitare­si­ra­nayare, taicha machicha­ripahi. Nutupiruva numetacavi: Nacarichu ena machicha­naveana ema Espíritu Santo tisiapana eta mávasa ema Viya. Te tacuija eta machichai­rahéna éti, tájina vahi ítuji­ca­vaimahi esiapa.

San Juan 3:5 Iomraidhean Croise

San Mateo 18:3

tási'a máichapa: –Nutupiruwa numetaka'e, étisera te wa'ikenena ekuinajika eta tamáurikeneana wáipaine'i esiapaima'i te mawasa ema Viya akenuka te anuma, takamunu'i ákuti ena amuyana eta epanereru.

San Mateo 19:24

Napecha'eware numetaka'e, maejerarepana eta tasiapira eta vipera camello taye'e eta ánikuchicha tapaja, eta masiapiraina'ni ema achane riku taye'e eta mawasa ema Viya akenuka te anuma.

San Mateo 21:31

¿Nája'a ena apinakeneana, nasuapa'i ema naiya eta mawara'akene'i? –Ema mainapure –najikapapa ena. –Ema Jesús maichawakapa: –Nutupiruwa numetaka'e puiti. Nasapi'ayare tinapuikanaya tisiapana te mawasa ema Viya akenuka te anuma, ena tú'usiana énapa ena tive'ara'iana eta viyase'ana taye'e eta Roma.

San Mateo 28:19

Eyanayare puiti, epaikayare tamutu eta awasareana. Tási'a ímitukayare ena achaneana, nuchaneranaina ena apanaware, íkachasikawakaya te máijare ema Tata, ema Machicha, tási'a émapa ema Machanewa Viya,

San Mateo 3:11

Yátupi nuti, níkachasika'e'i te une, apaesa éñauchawa maye'e ema Viya, marajapainapasera ema tíkachasika'eyare, ema Machanewa Viya. Ema tiápajupanawa'i nuye'e nuti, wáipaine'i nákutinasima'i eta máitupaijiasirawa'i. Wáipaine'iware nákaemuñawaima'i nuvejuchupewacha eta maeparupewa.

San Mateo 5:20

“Táicha te wa'i ekuetumechawa eti, eta esuapajiraiwaina, ekutiyare ena escriwánuana, tási'a énapa ena fariséuana, wa'i itujikawaima'i esiapa te mawasa akenuka ema Viya te anuma.

Marcos 10:14

Te máima'apa ema Jesús eta juka, tisemapa, tási'a maka'epa: –Ésamirikachucha ena amuyana, náitekaicha'a eta nuye'e. Taicha eta mawasa ema Viya akenuka te anuma, naye'eyare'i ena nani nakutiana'i ena.

Marcos 16:16

Nukuchuku'awakayare namutu ena tisuapajira'ianaya ena tikaikachasianaya. Énasera ena wa'i tisuapana, tikaikuñanayare.

Marcos 9:47

Te tiviuchavi'ipuka eta piúki'a te pekatu, piveku'aukichawa, apaesa tiúrisarepa eta pisiapira te mawasa akenuka ema Viya, wá'isera takuimikuñakavi eta apina piuki'ana te infierno.

San Lucas 13:24

–Ámeta esiapa, taye'e eta tapaja ánikuchichapana, taicha numetaka'e kamurianayare ena tiwara'anaya tisiapana, tási'a wá'isera títujikawanaima'i.

San Lucas 13:3

Wá'ira étaparakaina, takamunusera éñauchawawane eti, machu táija'uchawa eta épenira.

San Lucas 13:5

Nútisera numetaka'e, wa'i etaparakaina. Eti'ipa, te wa'i ekueñauchawa, éneichuware tíja'uchawaya eta épenira.”

San Juan 1:13

Tási'a ena machichanaveana'i ema Viya, éma'i tinerejika'avi'i. Wa'i étaparakaina'i eta nakachichaira'avi'i ena tikachicha'aviana.

San Juan 3:3

Ema Jesús máichapa: –Puiti nutupiruwa numetakavi mákani achane wa'i tepanawa eta maitaresira wa'i títujikawaima'i tisiapa te mawasa ema Viya akenuka te anuma.

San Juan 3:4

Taka'e, ema Nicodemo wa'i mákaikutiara'ini eta máichira'i ema Jesús. –¿Wáipaine'i víchawaima'i eta amúya'avina'ini viti ichasiana? ¿Vichawa'iwarepukaini visiapa'ini te suju'e esu tikachicha'avi?

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Hechos 3:19

Tási'a puiti, éñauchawainapa ekáiju'enapa ema Viya, apaesa makaepa'a ema tamutu eta epekaturana

Romanos 14:17

Taicha eta Mawasa akenuka ema Viya, wa'i étaparakaina jákani vinikakenerepiana, vérakeneana. Étaipa eta tikunachakare'i maye'e, eta víchirapaipa eta táurikeneana. Mawara'a'iware vítukawa'ini eta vikurujisirakaka'i, apaesa táimiyanawa'ini eta viúrisamurewa vimutu maicha ema Machanewa Viya.

Romanos 8:2

Taicha eta máwa'asira'avi'i ema Machanewa ema Viya. Émapa, tikaepa'a'i eta tapamisira'avi'i eta pekatu, étapa eta támaparauchira'avi'i eta visiapiraya te ekuñaraki.

1 Corintios 15:50

Nuwara'a níminekapaekene'a'eyare, nuparapenaveana, eta veche máteji wa'i étaima'i tisiapayare te máwasa ema Viya. Tínapukayare'i tikaitsiwa eta veche máteji, máepenakakayare'i eta.

1 Corintios 2:12

Víti, tájina wa'i vítijiwaina'ini vímipanerechawa'ini maye'e ema Viya. Émasera ema Machanewa Viya tímituka'avi'i tamutu eta títukakareana tási'akeneana'i me Viya.

1 Corintios 6:11

Eneni'i eka'e eti te wicha'a imati'ini ema Viya. Puitisera ejachapaipa eta iuriwayare epáchi'aipa eta epeketurana, puitisera santu'eripa'i maicha ema Viákenunu Jesucristo émapa ema Machanewa Viya.

Gálatas 6:15

Tajinapa taichakenerepina eta vinakapuka wa'ipuka eta vikutiarana eta te viake'eana. Étasera eta tiuripana veperajikaya, étara eta táepanirawa'i arairu eta vítaresira.

Efesios 5:26

Taicha mawara'a'i tisantucha'aviyare'i, tási'a, masipasina'avipa eta viáchanewana eta visuapira'i eta máimiturapiana, eta masipasira'avi'i taye'e eta maechejiriruwa etapa eta vikaikachasirai.

1 Pedro 1:2

emutu eti, yátupikene'i eta manerejisira'e'i ema Tata Vikaiyakene taicha taka'e'i eta mapanereru'i akane eta táepanirawa'i. Émaipa ema Machanewa Viya, tiáwa'aka'eipa máepachiasira'e'i eta epekaturana eta te máitine ema Jesucristo. Apaesa ejachapa ichapemurikene eta majapanuraiwa etapa eta viuriwayare.

1 Pedro 3:21

Puiti, eta une, nímikuticha'e'i eta víkachasi. Eta vikaikachasira'i, wa'i étaparakaina táepachiaka'avi'ini eta viáke'e. Étasera eta vikaikachasira'i, étapa tímereucha'avi eta majapanuira'avi'ipa ema Viya, tamutu eta vipekaturana. Yátupina eta viúchukuirayare táichavene'i eta máechepusira'i te máekari ema Jesucristo.

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.