San Juan 3:3 - Táurinakene máechejiriruwa’i ema Viya tikaijare

³ Ema Jesús máichapa: –Puiti nutupiruwa numetakavi mákani achane wa'i tepanawa eta maitaresira wa'i títujikawaima'i tisiapa te mawasa ema Viya akenuka te anuma.

Ignaciano

³ Ema Jesús majicapapa: —Puiti numetacavi eta juca yátupi­queneana: Nácani navarahaya títuji­cavana tisiapana tayehe eta mávasa ema Viya, tacamunuhi náitsiva­chayare eta náitaresira. Te vahi yátupina eta náijara­si­ravaina eta máitsiva­chi­ravaca ema Espíritu Santo, vahi títuji­ca­va­naimahi tisiapana eta te mávasa ema Viya. Tímicu­ti­ji­ri­ca­va­yarehi tiápecha­va­na­yarehi tiúchucana —máichapa.

San Juan 3:3 Iomraidhean Croise

San Mateo 16:17

Taka'e ema Jesús máichapa: –Piti Simón machicha ema Jonás, tétavikawa'i eta pétupisirawa'i, taicha manakasamureruvi'i ema Tata Nukaiyakene tiávi'a'i te anuma. Wa'i etaina'ini eta náimiturapiana naye'e nákani achaneana.

San Mateo 19:24

Napecha'eware numetaka'e, maejerarepana eta tasiapira eta vipera camello taye'e eta ánikuchicha tapaja, eta masiapiraina'ni ema achane riku taye'e eta mawasa ema Viya akenuka te anuma.

San Mateo 21:31

¿Nája'a ena apinakeneana, nasuapa'i ema naiya eta mawara'akene'i? –Ema mainapure –najikapapa ena. –Ema Jesús maichawakapa: –Nutupiruwa numetaka'e puiti. Nasapi'ayare tinapuikanaya tisiapana te mawasa ema Viya akenuka te anuma, ena tú'usiana énapa ena tive'ara'iana eta viyase'ana taye'e eta Roma.

San Mateo 5:18

Nutupiruwa numetaka'e, te wicha'a takuitawa eta anuma, etapa eta apake'e, wicha'a nukaichepaikaima'i eta wanairipiana, tatiwayare titauchawaya tamutu eta taechejiriruwana'i.

Marcos 10:14

Te máima'apa ema Jesús eta juka, tisemapa, tási'a maka'epa: –Ésamirikachucha ena amuyana, náitekaicha'a eta nuye'e. Taicha eta mawasa ema Viya akenuka te anuma, naye'eyare'i ena nani nakutiana'i ena.

Marcos 9:47

Te tiviuchavi'ipuka eta piúki'a te pekatu, piveku'aukichawa, apaesa tiúrisarepa eta pisiapira te mawasa akenuka ema Viya, wá'isera takuimikuñakavi eta apina piuki'ana te infierno.

San Juan 1:13

Tási'a ena machichanaveana'i ema Viya, éma'i tinerejika'avi'i. Wa'i étaparakaina'i eta nakachichaira'avi'i ena tikachicha'aviana.

San Juan 1:5

Eta juka tijara'i tijanunuka te timapikuana, tási'a eta timapikuana wa'i tarata'a'ini takaema'a'ini.

San Juan 1:51

Tási'a, ema Jesús máichawakapa: –Eti íma'ayare eta anuma téjiakayare, énapa ena ángeleana tiúkupauchanuanayare nuti Manerejirunu'i ema Viya.

San Juan 12:40

“Ema Viya, eta máimaira'i eta namurakasamurewana'i, taicha máipichasikawaka'i eta napanereruana, apaesa waipa nakuima'a wáipaware nakukaikutiara, apaesa waipa nakukasiñanu apaesa nuti waipa nukanaraka'ema'i.”

San Juan 3:4

Taka'e, ema Nicodemo wa'i mákaikutiara'ini eta máichira'i ema Jesús. –¿Wáipaine'i víchawaima'i eta amúya'avina'ini viti ichasiana? ¿Vichawa'iwarepukaini visiapa'ini te suju'e esu tikachicha'avi?

2 Corintios 4:4

Taicha ena wa'i nasuapa'ini eta maechejiriruwa ema Viya, émapasera ema tasiñaraji te juka apake'e, emapa tepaka'aukicha'i, waipasare nákaikutiara, waipaware nakuima'a eta tajaraiwa eta maechejiriruwa ema Viakenu Jesucristo.

2 Corintios 5:17

Puíti'ipa viti viúrujiakana'i ema Cristo, apana'avipa. Vínajikaipa eta viye'erepini'i tamaurikeneana. Tamutupa arairu'i puiti eta viye'erepiana.

Gálatas 6:15

Tajinapa taichakenerepina eta vinakapuka wa'ipuka eta vikutiarana eta te viake'eana. Étasera eta tiuripana veperajikaya, étara eta táepanirawa'i arairu eta vítaresira.

Efesios 2:1

Tichawapa títareka eta iáchanewana, takuti eta machavira'i títareka ema Cristo te máekari. Taicha eti, kape juka ítaresira'i, tímikutijirikawaicha'a épenakenena'ini, táichavene'i eta ewínarajiwanaini étapa eta epekaturanaini

Tito 3:5

Viti tajina'ineni vicha'ini eta taurikeneana, emasera eta majapanuira'avi'i tikatuicha'avipa tijaraka'avipa eta arairu vitaresirarayare'i, maye'e ema Machanewa Viya.

Santiago 3:17

narari'isera ena yátupikene'i eta náechemaraiwa, tási'akene'i me Viya. Tikatiura'iana'iware naye'e ena apamuriana, tijapanura'ianaware. Eta náichira'i eta táurikeneana, tikajira'iana'i, nájina nanerejiruina. Tatupiruwa'i eta náechejirisirawana.

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.

1 Juan 3:9

Víti machicha'avipa ema Viya, wáipa vímisiapawaima'i te pekatuana, taicha vikutinapa ema eta tamajinaira'i matapirawaina, ema tájina mapekaturaina. Eta makachichaira'avi'i ema Viya, wa'i vikapekaturaima'i.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

1 Juan 5:18

Vecha eta wa'i vímisiapawaima'i taye'e eta vikapekaturairana viti machichanaveana'i ema Viya, taicha ema Machicha ema Viya tijaneaka'avi'i vimutu víti, wa'i márata'aima'i tikaetema'avi ema wínaraji.

1 Juan 5:4

tási'a, viti machichanaveana ema Viya virata'aya vínajika eta tamaurikeneana eta vítaresiraya. Taicha tímikataka'avi'ipa ema Jesús, táichavene'i eta vikasiñaira'i eta maye'e.

Apocalipsis 3:14

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Laodicea: ‘Ani taka'e eta Amén, taicha maye'e ema tamutu titauchawa eta maechejiriruwa ema Viya naye'e ena nachanerana, ema titametakara'i matupiruwa eta maitauraiwa, ema taepaninewa eta maepiyaruana vima'akeneana'i puiti.