San Juan 3:2 - Táurinakene máechejiriruwa’i ema Viya tikaijare

² Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

Ignaciano

² Tacahe, eta jena yátiquenehi, ema Nicodemo tiyanapa mapaipiu­cha­pa­napahi ema Jesús. Tacahe, eta náechaji­ri­si­ravahi, macahepa ema Nicodemo: —Tata maestro, véchahi eta vanairu­cavihi me Viya eta juca pítesirahi pímitu­si­ra­ha­vi­panahi. Taicha nájina apanaina achane títurue­que­ne­haimahi eta juca tiárami­careana píchaque­neanahi píti —macahepa.

San Juan 3:2 Iomraidhean Croise

San Mateo 22:16

Taka'e, nawanekapa ena pulítikuana'i, énapa ena machamuriana'i ema Aluresi. Te náitekapauchapa, ánipa naka'e: –Tata maestro, vímati'i eta tatupiruwaira'i eta pímiturapiana'i, tási'a piti pimitukawaka'i eta táurinakene achene tikaiju'e me Viya. Wa'i pipikakarakawa'ini eta péchejisi'aira'i eta náichawakenewa'i nákani achaneana, wa'iware pesacha'ini pisama'ini eta nakayemakeneana.

San Mateo 23:7

tási'a nawara'aware tikapika'uanayare'i eta náechejisiraya ena achaneana te calle, tási'a nawara'aware naichayare'i maestro.

San Mateo 23:8

“Émanaichu'i ema yátupikene'i eye'e Maestro. Taicha ena apamuriana timikutijirikawa'ini eparapejirikaka'ini.

Marcos 12:14

Te náitekapauchapa, náichapa: –Tata maestro, vímati'i eta tatupiruwaira'i eta pímiturapiana'i, wa'i pipikakarakawa'ini eta péchejisi'aira'i eta náichawakenewa'i nákani achaneana, wá'iware pesacha'ini pisama'ini eta nakayemakeneana'i. Taicha piti pimitukawaka'i eta táurinakene achene tikaiju'e me Viya. ¿Táurika'ipuka viwachacha eta viyase'ana maye'e ema akenuka emperador romano? ¿Tiuripuka viwachacha wa'ipuka?

San Juan 1:38

Ema Jesús téseniekene'awapa. Máima'apa eta naé'isirapa'i, mayaserekawakapa: –¿Tája'a, eta etanuka'i? Ena najikapapa: –Tata maestro, ¿távi'a eta píkapenaiya'i?

San Juan 10:38

Etasera te nitaucha'i eta mawanairipiana, tayanapane wa'i ekusuapanu nuti, étapaseraini esuapa'ini eta tiáramikareana níchakeneana'i, apaesa enewanepa echa tamutu, taicha ema Tata tiawa'akanu'i éneichuware nuti nawa'asira'i ema Tata.

San Juan 12:37

Ichapemuri'i eta náimaira'i ena tikawasana'i eta tiáramikareana máichakeneana'i ema Jesús, wá'ikenesera nasuapa'ini ena;

San Juan 14:10

¿Wá'ipuka pisuapanu'i eta máwa'asiranu'i ema Tata, tási'a, étapa eta náwa'asira'iware nuti apanawa? Eta juka nukayemakeneana'i, wa'i nutijirikawaina'ini. Étara eta máwa'asiranu'i ema Tata, títauchawa'i eta mawara'akeneana'i.

San Juan 15:24

Éneichu'iware, takuija'ini taviuchawaka'ini te wa'i nukuimereka'ini eta níchakeneana'i, marata'akene'i máicha'ini mákani apana achane. Étasera náima'aipa'i, wá'ikenesera nasuapa'ini, nanasikene tikatianakanuana'i, nakatianaka'iware ema Tata.

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

San Juan 20:16

Taka'e ema Jesús maichapa: –¡María! Esusera suésenikaine'i, suichapa te hebreo: –¡Rabuni! (Ani taka'e'i eta takayemakene'i: “Tata Maestro”).

San Juan 3:26

tási'a tiyananapa ena máimitureana nametapana'i ema Juan. –Tata maestro, píma'aini ema maena péchejisi'akene'i kape te tachausi eta juka kajakure Jordán. Ema Jesús pímijarecha Cristo, tíkachasirika'i puiti ema, tási'a je'ewarepa namutupa nae'ika.

San Juan 4:31

Eta nayerewapaicha'a ena achaneana suíchu'akeneana'i esu esena, ena máimitureana naichu'apa ema Jesús tiníkanumayare'i: –Tata maestro, yare pinikanuma, apaesaina piáwamina.

San Juan 5:36

Wá'isera mákarichu eta máimikaecherachiranu'i ema Juan. Jarari'i eta apana táimikaecherachiranu'i, tiápajupanawa'i eta táramikarewa. Taicha nuti nicha eta nématanerepiana máijararunu'i ema Tata.

San Juan 6:2

Kamuriana ena achaneana té'ikanapa'i ema, taicha eta náimaira'i eta tiáramikareana máichakeneana'i eta makanarasirawaka'i ena nakajumakeneana.

San Juan 7:31

Kamuriana'isera ena tisuapana'i ema. Tási'a, naka'epa: –¡Taicha najina makuti eta máichira'i eta tiáramikareana ema maka achane!

San Juan 9:16

Narari'isera ena fariséuona naka'epa: –Ema mákara wa'i machaneraina ema Viya, taicha wa'i mapikaucha'ini eta sáwarumu'uana. Ena apamuriana, ániwarepa naka'e'i: –¿Wáipaine'isera máituruekene'aima'i máicha eta tiáramikareana te yátupina'ini makapekaturara'i'íni? Taka'e, apánapanenejipa eta napanereruana, tiakapaemajirikakanapa ena,

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

Hechos 2:22

“Esamacha'a puiti, eti israelitana, eta juka nukayemaya: Emutu eti écha'i eta taichararakawa'i, ema Viya maimereucha'i te emira'u eti, eta émaira'i técha'e ema Jesús Nazareno, máitauchiraya eta maye'e ema eta taurinakene étapa eta tiaramikareana ekutiarareana.

Filipenses 1:14

Takutikene, eta náimairanu'i eta nukaerataira'i, ena kamurikeneana nuchamuriana táetumechawakaine'i eta nakametarairuira eta máechajiriruwa ema Viya, waipa napika'ini taicha ichape eta nakasiñawaira'i maye'e ema Viákenu Jesucristo.