San Juan 3:13 - Táurinakene máechejiriruwa’i ema Viya tikaijare

¹³ “Najina nayana'ini nápana'ini te anuma, emachucha ema tiukupaika'i te anuma; ema Machicha ema Ajaira.

Ignaciano

¹³ Nuti Manere­ji­ru­nuhi ema Viya, nucavasahi núti te anuma. Tásiha, núcupaicahi eta numeta­si­raheya. Nájina apanai­nahini mácani mameta­ca­hehini eta táichara­ra­ca­vanahi te anuquehe, taicha nájina nayanahini nápanahini te anuma, eta jácani náimatihini.

San Juan 3:13 Iomraidhean Croise

San Mateo 28:20

tási'a ímitukayarewa eta nasuapiraina, tamutu eta nímiturapiana'i eta eye'e, nuti nukune'eyare tamutu sacheana, tási'a te'epa eta taichekuinepa eta apake'e.

San Mateo 8:20

Ema Jesús, majikapawarepa: –Eta chuye tikapenajuereka, eta káyureana éneichuwa tikamakajiana, émasera ema Machicha ema Ajaira tájina maviya'ini manarasi'a'ini.

San Juan 1:18

Yátupikene, nájina náimati'ini eta máima'i ema Viya, makarichukene ema Machicha, émaichu'ineni ema Viya kachanekakana'i ema Maiya, éma'i tímimaticha'avi'i ema Maiya.

San Juan 13:3

Émasera ema Jesús, máechaipa eta machavirayarepa maye'e ema Maiya, taicha eta másine'i. Émaichu'i ema Maiya tíjaraka'i eta tamutuirayare'i máituruekene'a.

San Juan 17:5

Puítisera nuchawainawarepa eta piye'e. Píjarakanuyare eta nukunachakarewaya piye'e, takutiyare akane tasinekene, eta návine'i te tépanawainapa eta apake'e.

San Juan 3:12

Te wa'ipuka esuapanu'i eta nechejisi'akene'i, eta taiparakana te juka apake'e. ¿Tavetijipa eta emasuapiranuya te nutupiruwa'i numetaka'e eta táichararakawana'i te anuma?

San Juan 3:31

“Ema Jesús, máimatirine'i tamutu eta táichararakawana'i te anuma taicha mási'akene'i ema te anuma. Víti achaneana viávi'a'i vikawasana'i te juka apake'e, vímati'i étachucha eta táichararakawana'i te juka apake'e, émasera ema Jesús, eta mási'aira'i te anuma, tímati'i tamutu, tiápajupanawa'i eta máitupajijiasirawa'i. Tikachurika'avi'i,

San Juan 6:33

Puiti ema Tata mawara'a tijaraka'eya eta yátupikene'i tinikakare'i eta tinikakare tiási'a'i te anuma, tikaitarekawakayare'i namutu ena tiavi'ana'i te juka apake'e.

San Juan 6:38

Taicha nuti eta núkupaisira'i te anuma, wa'i nutijiriruwaina'ini nícha'ini eta nuwara'akeneana nuti, eta tímitekanu'i nítauchayare'i eta mawanairipiana ema Tata, eta mawánesiranu'i.

San Juan 6:42

Tási'a naka'epa: –¿Wa'i émaina ema maka ema Jesús, machicha ema José? Éneichuware vímati'iware esu máena emapa ema maiya. ¿Taja'a takayema eta maka'echejiriruwa'i eta mási'aira'i te anuma?

San Juan 6:46

“Wa'ineni etaina'ini eta naimairaina'ipukaini ema Tata, ema tima'a'i makarichu ema tiasi'a me Viya.

San Juan 6:51

Nutira eta pan tikaitarekara'i, taukupairu'i te anuma, nákani tinikanayare eta neche, máichekuarakireyare eta náitaresiraya, eta juka pan nijararu'eyare eta'i eta neche, taicha nuwara'a takaitarekawaka'ini namutu ena achaneana.”

San Juan 6:62

Taja'apuka ícharakawa'ini, eta ímairaina'ini ema Machicha ema Ajaira, eta mayanapaini ánaki te mawasa tainapure.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

Hechos 2:34

Táicha wa'i émaina'ini ema David mápana'ini te anuma; éma'isera téchejisi'a'i: ‘Ema Viya máichapa ema Tata Nákenu: Yare, péjaka te nuwaure,

Hechos 20:28

Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.

Romanos 10:6

Máejerarepanasera eta vijakapakarewa'i me Viya táichavene'i eta vikasiñawaira eta maye'e: “Wa'i tákamesa'ini: ‘Vitanupana'ini ema te anuma’ –taicha tiúkupaucha'avipa–;

1 Corintios 15:47

Ema ajaira máinapuiru'i, te tikaepiyainapa, máteji eta máke'e'i, ema táwapa'iyare'i eta apake'e. Émasera ema apana ajaira, máwasaichu'i te anuma.

Efesios 1:23

Víti, eta viúrujiasira'i ema, tímikutijirikawaipa'i máke'e'avi'i te juka apake'e, vikaemataneaka'i eta táurikeneana tímikutijirikawa'i émaina'ini makaematane'ini, taicha tamutu eta víchakeneana'i, ema técha'avi'i, tétumecha'avi'iware.