San Juan 21:23 - Táurinakene máechejiriruwa’i ema Viya tikaijare

²³ Taka'e, ena machamuriana, ichapeine'i eta napanerekene'aira'i eta mamaepenirayare'i. Wá'isera mametaka'ini eta mamaepenirayare'i, takarichu maka'e'i: “Te nuwara'apuka nuti máitareka máima'ayare eta nápechirawayare nuchavirayare, pitisera wa'i pikuimisiapawa”

Ignaciano

²³ Tacahe, ena nuchamuriana, ichape­rinehi eta napane­re­que­ne­hairahi eta numaepe­ni­ra­yarehi. Váhisera mameta­cahini eta numaepe­ni­ra­yarehi. Tacarichu macahehi: “Te nuvara­hapuca núti máitareca máimahayare eta nápechi­ra­vayare nuchavi­rayare, vahi tacuimi­pa­ne­re­recavi” macahepa.

San Juan 21:23 Iomraidhean Croise

San Mateo 16:27

Taicha ema Machicha ema Ajaira, tichawayare'i, mámainapaipa eta majaraiwa ema Tata, makachanéwakayare ena ángeleana. Te jena sácheyare, tíjarakawakainapa eta náikuchiana'i ena machanerana, jákani náemataneanapachu'i.

Hechos 1:15

Te jena sácheana, ena náurujiruwana'i náetavika'i ciento veinte eta nasimutuwa'i ena máimitureana ema Jesús. Taka'e, téchepukapa ema Pedro te namuri, titupi'apa. Máichawakapa:

Hechos 28:14

te jena awasare, vikainunapa ena vichamuriana, tíminasicha'avianapa étana'i semana vika'e eta naye'e. Tási'a, vitekapapa te Roma.

Hechos 6:3

Tiuri puiti nuparapenaveana, takamunu'i vinakayare siéteanaina ena ajairana te emuri eti, nákani ímatikeneana tiúriana, téchemara'iana náimatiekene'a tamutu, máwa'aruana'iware ema Machanewa Viya. Énaina vituparaka naicha eta juka emátaneka.

1 Corintios 11:26

Taka'e te vénikaka eta pan étapa eta vésichakaka eta wasu, vémecha'i eta maepenira ema Viákenu. Tiámainukawa te mápechawaware máiteka.

1 Corintios 4:5

Eta taka'e, wa'i táurika'ini tatiwaina'ini ekaune'ini eta júkana, te wicha'a ímatiekene'a'i, ekuchapaya eta mápechirawayare títeka ema Viákenu, ema tímikaecherachayare eta tayumururewa'i te timapiku, ema tímereucha'aviya eta vipanereruana te visamureanapachu. Taka'e, ema Viya tikunacha'avinapa eta viúriwana'i.

Santiago 5:7

Étisera, nuparapeanaveana, ekamichayare tamutu, táichavene'i eta ekuchapira'i eta machavirayare ema Viákenu. Ekutiyare mákani achane tikaematanera'i makamicha'i tamutu eta makatajiwairana. Tiámainukawa te tiúchuku'apa eta máewaru, mapaenumawapa majakapa eta makuchapakene'i máewaraki.

Apocalipsis 2:25

Ísmiyanawachuchasera eta esuapira eta ímatikenepa'i, tiamainukawa te nuchawa.