San Juan 21:22 - Táurinakene máechejiriruwa’i ema Viya tikaijare

²² Ema Jesús majikapapa: –Nuti nécha te nuwara'apuka máitareka máima'ayare eta nápechirawayare nuchavirayare, pitisera wa'i pikuimisiapawa, píti pítaucha tamutu eta nutuparasiraviana takuija ta'apapirika'ini eta pé'isiranu'i.

Ignaciano

²² Ema Jesús majicapapa: —Núti nécha. Te nuvara­hapuca máitareca máimahayare eta nápechi­ra­vayare nuchavi­rayare, vahi tacuimi­pa­ne­recavi. Pítisa­misera, pítaucha tamutu eta nutupa­ra­si­raviana. Tacuija tahapa­pi­ri­cahini eta péhisi­ranuhi.

San Juan 21:22 Iomraidhean Croise

San Mateo 16:24

Taka'e ema Jesús máichawakapa ena máimitureana: –Nákani nawara'a náe'ikanu, takamunu náinajikawa tamutu eta ti'apapirikawaka'i, náijarakawa eta táimikapasiraina eta náe'isiranu'i.

San Mateo 24:27

Taicha takutiyare eta térameka, eta maítesirayare ema Machicha ema Ajaira.

San Mateo 24:3

Tási'a tiyananapa te simena tikaijare Ulivukiji. Ema Jesús téjakapa, tási'a nakachakayapa ena maimitureana nayaserekapa mákarichu: –Viwara'a pimetaka'avi, tájamu'upuka eta náimiakipaisirayare eta mapena ema Viya. ¿Jarari'iyarepuka eta ekutiarareyare te táne'ipa eta táitauchirawayare eta apana péchejisi'akeneana'i?

San Mateo 24:44

Eta taka'e, eti ekuneuchawayare, taicha wa'i écha'ini tájamu'uyarepuka eta machavirayare ema machicha ema achane.

San Mateo 25:31

“Te machawapa ema Machicha ema Ajaira, tachayakayapa'i eta majaraiwa, tási'a énapa namutu ena maye'eana ángeleana, tejakainapa te maejasi'ayare takapika'ukene.

San Mateo 8:22

Ema Jesús majikapapa: –Pé'ikanu, tási'a pésamirika náekarakakaicha'a ena máecharaireana.

Marcos 9:1

Ema Jesús eneichuware máichawakapa: –Nutupiruwa numetaka'e, eti etiari'ikeneana'i puiti, enerejikawayare, wa'i épenawanema'i, íma'anumaya eta mawasa ema Viya akenuka te anuma, mamainapaipa eta máitupajijiasirawa.

San Juan 21:19

Eta juka máichira'i ema Jesús, mawaraira'i máiminekapaekene'ayare'i eta máichararakawayare'i eta máepenirayare ema Pedro tási'a etapa eta máimairayare eta majaraiwa ema Viya. Tási'a, máichaware ema Jesús: –Yárepasera pe'ikanu Pedro.

San Juan 21:21

Eta máimaira'i ema Pedro, mayaserekapa ema Jesús: –Tata, tási'a ema maka, ¿tája'apuka máicharakawayare?

1 Corintios 11:26

Taka'e te vénikaka eta pan étapa eta vésichakaka eta wasu, vémecha'i eta maepenira ema Viákenu. Tiámainukawa te mápechawaware máiteka.

1 Corintios 4:5

Eta taka'e, wa'i táurika'ini tatiwaina'ini ekaune'ini eta júkana, te wicha'a ímatiekene'a'i, ekuchapaya eta mápechirawayare títeka ema Viákenu, ema tímikaecherachayare eta tayumururewa'i te timapiku, ema tímereucha'aviya eta vipanereruana te visamureanapachu. Taka'e, ema Viya tikunacha'avinapa eta viúriwana'i.

1 Tesalonicenses 2:19

Véñamawa'i víti eta eye'e taicha viwara'a'i tánasi'ini eta iúriwa eta machimapira'eya eta machaviraya ema Viákenu Jesucristo.

Santiago 5:7

Étisera, nuparapeanaveana, ekamichayare tamutu, táichavene'i eta ekuchapira'i eta machavirayare ema Viákenu. Ekutiyare mákani achane tikaematanera'i makamicha'i tamutu eta makatajiwairana. Tiámainukawa te tiúchuku'apa eta máewaru, mapaenumawapa majakapa eta makuchapakene'i máewaraki.

Santiago 5:8

Ene eka'eyare eti, yátupina ekamicha tamutu, wá'iware ekuinajikawa eta juka é'iru'i. Ekuchapawachucha, taicha tiáne'ipa eta máitesirayare ema Viákenu.

Apocalipsis 1:7

¡Íma'a, márajapainapa ema Cristo támayarepa'i eta úkaji! Namutuyare nanekapa ena achaneana te juka apake'e, tási'a, tipikanainapa ena tijarachana'i; tási'a namutu ena tiavi'ana'i te apake'e tíya'a'akawanainapa eta naimairayare. Eta taka'eyare eta juka, amén.

Apocalipsis 2:25

Ísmiyanawachuchasera eta esuapira eta ímatikenepa'i, tiamainukawa te nuchawa.

Apocalipsis 22:20

Mákani títametaka'i eta júkana, maka'e'i: “Tiuri nútijapawaneyare.” Amén ¡Yarepa, Tata Jesús!

Apocalipsis 22:7

“¡Níja'uchawanenapa nútijapa! ¡Tétavikawa eta náurikakarewaya ena tisuapana'i, napanerekene'aira'i eta nametarapi, te juka Ajureka maechejiriruwa ema Viya!”

Apocalipsis 3:11

Tiáne'ipa eta nuchaviraya. Petumechawaya eta pé'isira'i, machu pémepurureka pijakapirayare eta píkuchi'i.