San Juan 21:15 - Táurinakene máechejiriruwa’i ema Viya tikaijare

¹⁵ Te títanesianapa eta nanisira'i, ema Jesús mayaserekapa ema Simón Pedro: –Simón, machicha ema Juan, ¿Pikachurikapuka píti ena nani, eta pémunasiranu'i? Ema Pedro majikapapa: –Némunakavi, Tata. Péchaichu'i píti, eta némunasiravi'i. Ema Jesús máichawarepa: –Tiuri, nuwara'a pijaneasinanuwaka ena té'ikanuanayare.

Ignaciano

¹⁵ Te vítanesipa eta vinisirahi, ema Jesús mayase­recapa ema Pedro. Ánipa máicha: —Piti Pedro, nuvaraha nuyase­recavi: ¿Picachu­ri­capuca píti ena nani apamuriana eta pémuna­si­ranuhi? —máichapa. Éma majicapapa: —Némunacavi, Tata. Pécharichuhi píti jácani némuna­si­ravihi —macahepa. Ema ­ Jesús máichavarepa: —Tiuri, te yátupi­hipuca pémunacanu, nuvaraha pijanea­si­na­nuvaca ena téhica­nua­nayare, taicha vahi náitucahini nacatiu­cha­vahini. Téñama­ca­reanahi —macahepa.

San Juan 21:15 Iomraidhean Croise

San Mateo 10:37

“Ena temunakapanana ena naiyana, esupuka esu naena, wáipa tatuparaka'ini nuchaneranaina'ini, enaipa nákani tínajikawana eta náe'isiranu'i, éneichuware waipa tatuparaka'ini nuchaneranaina'ini,

San Mateo 16:17

Taka'e ema Jesús máichapa: –Piti Simón machicha ema Jonás, tétavikawa'i eta pétupisirawa'i, taicha manakasamureruvi'i ema Tata Nukaiyakene tiávi'a'i te anuma. Wa'i etaina'ini eta náimiturapiana naye'e nákani achaneana.

San Mateo 18:10

“Wa'i ekuepuru ena amaperuana. Numetaka'ewane: Narari'i ena ángeleana tijaneakawaka'i, ena tikapika'uana'i te mamira'u ema Viya.

San Mateo 26:33

Ema Pedro májikapapa: –Tayanapane najunijikavi ena apamuriana, nútisera wa'i nujunijikavima'i.

San Mateo 26:35

Ema Pedro maká'ekenecha: –Tayanapane pímikapakanu, wá'ikenesera néñauchavima'i. Tási'a namutupa ena máimitureana étaichuware naka'e'i eta naéchejiriruwa'i.

Marcos 14:29

Ema Pedro máichapa: –Tayanapane najunijikavi ena apamuriana nútisera wa'i nujunijikavima'i.

San Lucas 12:32

“Wa'i ekupika, eti nuchichanaveana; tayanapane wa'i kamuri'ena, eti máichu'akeneana'i ema Ekaiyakene'i. Eta taka'e, tétavikawa'i eta mawapinairawa'i eta majakapira'e'i.

San Lucas 22:32

nútisera nuyaseuchavi'i me Tata, apaesa wa'i takuemitiaka eta pé'isiranu'i. Piákipaikawayasera, tichawayaresera eta pikasiñairanuya, tási'a pétumechawakainawarepa ena apamuriana pichamuriana.

San Juan 1:42

Taka'e, ema Andrés mámapa ema Simón te mávi'a'i ema Jesús, te máima'apa ema Jesús máichapa: –Piti Simón, machicha ema Juan, nútisera nítsiwachaya eta píjare, níjarechaviya Cefas eta (taechejiriruwa: Pedro).

San Juan 13:37

Ema Pedro máichapa: –Tata, ¿kúverarekapa wa'i nukurata'a'ini né'ikavi? ¡Nuti níjarakawa népena píchavenena'i píti!

San Juan 16:27

taicha émaipa ema Tata témunaka'e'i eti. Táichavene'i eta émunasiranu'iware nuti, eti esuapaipa eta yátupira'i eta mawanesiranu'i ema Tata.

San Juan 21:12

Ema Jesús maichawakapa: –Yarepa, enika. Tási'a, wá'isera napatsikawa'ini ena máimitureana nayasereka'ini te nája'a'ipuka ema, taicha tétavikawa'i eta náramesira'i. Naímatiaka'isera eta émaira'i ema Tata.

San Juan 21:7

Tási'a, ema máimiture maemunarupana ema Jesús maichapa ema Pedro: –¡Émara ema Tata! Masamineichu'i ema Pedro eta maíchira'i, tikamuiri'awanepa taicha mamuriare'i ema. Tási'a tépu'ekawapa te une, mawaraira'i makapayakawaneyare'i ema.

San Juan 8:42

Ema Jesús majikapawarepa: –Te yátupina'ini machicha'ena'ini ema Viya, etupiruwaipa'ini émunakanu. Taicha nuti étakene'i nási'a me Viya. Wa'i nútijiriruwaina'ini eta nítesira'i puiti. Nuwanekasiwa'i maye'e.

Hechos 20:28

Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.

Hechos 20:29

Taicha nuti necha'i te nuyanapa te juka narajapainapa, nawara'aya tikajanereka'eanaya takutiyare eta ichini kaiturewa, nawarairaina'i nakamitiekene'a ena te'ikana ema Jesús.

Romanos 14:1

Te napaucha'epuka nákani nawara'a'i tisiapamuri'a'eana, echamurianayare, wa'i ekuepuruwaka. Ejapanuwakasera eta ejakapiraya. Te jákani apaesaichu'i eta nakasiñawaira'i maye'e ema Viákenu, napikauchaicha'a eta naye'erepiana ichasiana, wa'i ekuakapaemacha'ini ena.

Romanos 15:1

Taka'e, viti vímatiana'i eta táuriwa'i eta vinisira'i eta jákani tinikakareana, tituparaka'avi'ipa véchapajirikawakaya ena vichamuriana tímijachana'i wa'i táuri'ini eta nanisirapuka. Wákaye'e pakamichawa naye'e. Waipa vipanerecha'ini étachucha vikurisamurechirawa vítijirikawa.

1 Corintios 8:11

Taka'e, échapawaya eti ímatiekene'airaipa, machu émejekapawacha ema echamuri. Émaichu'i iúmuriwa'i eta mawacharesira'e'i ema Cristo eta máepenira'i te crusu.

Gálatas 5:6

Eta máwa'asira'avi ema Jesucristo, wa'i étaparakaima'i eta vinaka'ini eta vikutiarana te viake'e. Takarichu tikamunukare'i eta vikasiñairayare yátupina ema, eta vikasiñawaira'i me Viya vémunakainapa namutu.

Efesios 4:14

Mawara'a'iware vimutuyare vímatiekene'a, waipa wákutima'i ena amuyana, témunanasirikawanaicha'a ena, tísapajirikawanaicha'a nawayuaka taye'e eta apana náimiturapiana ena títuruekene'ana tiwayuarekana, napamisirawaka'i namutu náe'ika eta tamaurikeneana.

Efesios 6:24

nuyaseucha'eware táetaviucha'ini eta iúrikakarewaya emutu eti yátupi'i eta émunasira'i ema Viákenu Jesucristo.

Hebreo 13:20

Ema Viya, tétavikawa'i eta mauriwa''i, tétavikawa'iware eta máitupajijiasirawa taicha makaechepuka'i ema Viákenu Jesucristo te máekari, émayare'i yátupikene'i Pastuleruyare'i, tijaneara'i viye'e viti machichanaveana. Tisipa'aka'avipa eta te máitine, apaesa máitawakakayare'i eta vikachanerayare ema,

Hebreo 4:13

Ema Viya máimararaka'i tamutu, tájina wa'i virata'aima'i viyumuruka eta víchakeneana'i. Tamutuyare'i tiúchujika te mamira'u ema te máichu'a'avipa eta vimetauresirawayare maye'e.

1 Pedro 1:8

Eti, wicha'a ímati'ini eta mamira ema Viákenu. Émunaka'isera ema. Ichape'iware eta ekasiñawaira'i eta maye'e. Tási'a, ichapeyare'iwa eta iúrisamurewaya, tájina eviyaima'i ákayema'ini,

1 Pedro 2:2

Ákuti ena amuyana nauchusirawana ichape eta nawaraira eta terana eta leche tipachiama tiurinama, apaesa eta tikajurukayare'i tauri eta najurusira nauchuku'a.

1 Pedro 2:25

Eta ítaresiraini'i akane eti, ekuti'i eta uvesa táemitiaru. Puítisera iáwa'akaipa ema Cristo, émapa tijaneaka'e'i, tikatiucha'e'iware eta iáchanewana.

1 Juan 4:19

Víti vémunaka'i ema Viya taicha ema matiwa'i témunaka'avi.

1 Juan 5:1

Yátupi'i eta makachichaira'avipa ema Viya vimutu viti visuapana'i ema Jesús eta émaira'i ema Cristo. Tási'a, vémunaka'i ema tikachicha'avi'i.

Apocalipsis 2:23

Énerichuware ena suchichanaveana níjarakayare eta najumayare, nímikapasirawakayare, tási'a, échainapa eti nuchanerana'i eta nímatira'i tamutu eta epanereruana, eta te esamureana eti, níma'ainepasera nuti eta nícharakawakayare ena téjekapawana'i, étapa tiámayare eta náichakeneana.