San Juan 20:21 - Táurinakene máechejiriruwa’i ema Viya tikaijare

²¹ Tási'a, máicha'avipa: –¡Icharakawa eti! Takuti'i eta mawanesiranu'i ema Tata núkupaikayare te juka apake'e, nímituka'eyare'i eti. Puiti nuwaneka'eyare nuti ímitukawakayare'i ena achaneana, apaesa náe'ikanu'ini ena apanawa.

Ignaciano

²¹ Tásiha, máichahavipa: —Vahi ecueñamava. Núti, mavane­runuhi ema Tata núcupai­cayare te juca apaquehe, nímitu­ca­he­yarehi éti. Puiti nuvane­ca­heyare núti ímitu­ca­va­ca­yarehi ena achaneana, apaesa náehica­nuhini éna apanava —macahepa.

San Juan 20:21 Iomraidhean Croise

San Mateo 10:16

“¡Íma'a! Nuwaneka'e'i, ekuti'i eta uvesana te tamuri eta sárare táiñe'ikene ichini. Échemara'iyaresera ekatiuchirawayare ákuti eta kichare, tasi'asera ekutiyare eta paluma eta tamansuwa'i.

San Mateo 10:40

“Mákani tijachapa'eanayare eti, nuti'i tijakapanuana'i, tási'a mákani tijakapanu'i nuti, najakapa'iware ema Tata.

San Lucas 24:36

Téchejirikawanaicha'a ena, tíja'uchawapa tímerekawa'i ema Jesús te namuri, máechejikawakapa, ánipa maka'e'i: –Ícharakawa, nuchichanaveana.

San Juan 13:20

Nutupiruwa numetaka'e, nákani tijachapa'eanayare eti nuwaneruana, nuti'i tijakapanuana'i, tási'a nákani tijakapanu'i nuti, najakapa'iware ema tiwanekanu'i.”

San Juan 14:27

“Nunakika eta iúriwaya. Nijaraka'e nuti eta iúriwaya, wá'isera nákutinu'ini ena apamuriana achaneana eta nujunijisira'eya. Wa'i ekuwayuchawa eta éñamawairaina. Wá'iware ekupika.

San Juan 20:19

Étaichu te jena sachekene'i luminkukene, te yátipa, tiúrujikawana'i ena máimitureana ema Jesús te taju'e eta peti, térataekene'awana'i taicha eta napisira'i ena tuparairukana juriyuana. Tiáramikarepa titupi'a'i ema Jesús te namuri, maéchejikapa ánipa maka'e'i: –¡Ícharakawa, eti nuchichanaveana!

San Juan 20:22

Tási'a, machajuákawakapa ena, tási'a, máichawakapa: –Ejákapa ema Machanewa Viya.

San Juan 20:26

Te uchupa sache eta táetavisirawa'i, tiúrujikawanaipaware te viúrujisirarewa. Matiari'ipa'i ema Tomás te namuri. Tási'a, tiáramikarewarepa tímerekawa'i ema Jesús. Titupi'a'i te namuri. Maechejikawarepa. –¡Ícharakawa, nuchichanaveana!

San Juan 3:17

Taicha ema Viya, wa'i táka'e'ini eta mapanereru'i eta mawánesira'i ema Machicha máikuñaka'avi'ini viti achaneana. Étasera eta tímiteka'i ema, tikuchuku'a'aviyare vimutu.

Hechos 1:2

tási'a narari'i'i ena manerejiruana apústuleana. Émaipa ema Machanewa Viya, máimikataka'i eta matúparasirawaka'i ena, nájuchawarepa eta mayapira'i te anuma.

Hechos 1:8

té'esera te maitekapapa ema Machanewa Viya, tiáwa'aka'eyare tímikataka'eyare. Taka'e, échejisianuinapa nuti, tamutuyare te awasareana eta epaisi'ayare te Jerusalén, te Judea, te Samaria, étapa te jákani tayere'ikeneana awasareana taye'e te juka apake'e.

2 Timoteo 2:2

Píti pímatirichu'i tamutu eta nímiturapiana, taicha pisama'i eta nímitusirawaka'i ena vichamuriana te awasareana, puiti pitanukaya ena apamuriana vichamuriana nákani pímitureana títaura'iana'i, pituparakaya ena tauri eta náimitusiraina ena apamuriana vichamurianayarewa, tákutirichu eta nímitusiravi'i nuti.

Hebreo 3:1

Nuwara'a numetaka'eya eta apana, eti nuparapenaveana máepachiaruana'i ema Viya, máichu'akeneana'iware eta esiapiraya eta máwasa. Nuwara'a epanerecha apaesa ákaikutiara eta táetaviuchira'i eta máitupajijiasirawa'i ema Jesús. Ema yátupi'i mawaneru'i ema Viya eta máimitusira'aviyare'i eta juka vé'iru'i. Makarichu'i ema tiyaseucha'aviparaka'i eta vikasiñawaira'i me Viya.

3 Juan 1:14

Nútijapainapasera eta ara piye'e apaesa níma'avi. Tási'a, véchejirikawainapa eta vímanasirakakayare.