San Juan 2:19 - Táurinakene máechejiriruwa’i ema Viya tikaijare

¹⁹ Ema Jesús majikapawakapa: –Te iákipaikayarepuka eti eta juka templo, nútisera nukaechepuka te mapanakenéna sache.

Ignaciano

¹⁹ Ema Jesús majica­pa­vacapa: —Te iáquipai­ca­ya­repuca éti eta juca templo, nútisera nucaechepuca te mapana­quenéna sache —máichapa.

San Juan 2:19 Iomraidhean Croise

San Mateo 12:40

Taicha ema Jonás masiapajuecha'i eta ichapekene jima, mapana sache, mapanaware yati eta mayerewa'i. Ene nuka'eyare núti, Machichanu ema achane, mapanayare sache, mapanaware yati eta nepeniraya.

San Mateo 16:21

Tepanawapa, ema Jesús, máimitukawaka'i ena máimitureana, eta mayanirayarre'i te Jerusalén, eta makatajiwairayare, náepuruyar'i ena viyakarana, énapa ena tachutiri'ana naye'e ena tiyujarakara'iana, énapa escriwánuana. Mametakapa eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Mateo 27:40

tási'a ánipa naka'e: –¡Pítitataji Pika'echejiriruwa'i eta piákipaisirayare'íji eta mapena ema Viya, piráta'a'iwareji pímichawa pikatupi'a eta, mapanayareichu sache! ¡Puiti viwara'a víma'a eta pítupajijiasirawa'i, te yátupipuka Machichavi ema Viya piúkupaika te jara crusu!

San Mateo 27:63

Ánipa naka'e: –Tata, vechapa eta máechejiriruwa'i ema maena tepiya'ira'i Jesús, te achaneicha'a maka'e'i eta máechepusirayare'i te máekari te mapanakenénapa sache.

Marcos 14:58

Viti visama'i maka'e'i: ‘Nuti nákipaika eta templo náepiyaru'i ena achaneana. Tási'a, te mapanakenenapa sache, nímichawayare nukatupi'a eta apana. Wá'isera tákutima'i eta náepiyaru'i ena achaneana.’

Marcos 15:29

Ena tiánukumirauchanapa'i, tépiupiusikawanapaipa eta nakaeka'irapaipa'i tási'a ánipa naka'e: –¡Píti Pika'echejiriruwa'i eta piákipaisirayare'íji eta mapena ema Viya, piráta'a'iwareji pímichawa pikatupi'a eta mapanayareichu sache,

Marcos 8:31

Ema Jesús, tépanawapa máimitukawaka'i eta táichararakawayare eta máepenirayare. Ema Machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Mametakapa ena eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Juan 11:25

Taka'e ema Jesús máichawarepa: –Jé'eware nuti, nukaitarera'i nákani nukaechepureanaya. Táitusiawa numetakavi, nákani tisuapanuanayare, tayanapanepuka náepena, nukaitarekayaresera núti;

San Juan 5:19

Ema Jesús máichawakapa: “Nutupiruwa numetaka'e. Nuti Machicha ema Viya, eta nutupara'ana'i maye'e, wáipaine'i nútijirikawaima'i nícha jákani nuwara'akeneana'i. Nuti nímatiekene'a'i tamutu eta máematanerepi'i ema Tikachichanu.

Hechos 2:24

Émasera ema Viya makaechepuka'i ema Machicha, makaitareka'i taye'e eta máepenira'i, taicha wa'i máwara'a'ini mánasi'ini máepena'ini.

Hechos 2:32

Puíticha, ema Viya makaechepuka'i ema Jesús, tási'a, viti véchejisi'a'i eta juka víma'akene'i.

Hechos 3:15

Tási'a, émapa ímikapaka'i ema tikaitareka'avi'i. Émasera ema Viya makaechepuka'i te máekari. Véchejisi'a'i víti ema taicha víma'akene'i eta mápechirawa'i títareka.

Hechos 3:26

Tási'a, eta makaechepusira'i ema Viya ema Machicha Jesús, mawanekapa mametaka'e eti. Te ekasiñawapuka eta maye'e, mákijisina'eyare eta ewínarajiwana. Tíjaraka'enapa eta iúrikakarewayare.”

Hechos 6:14

Éneichuware maka'e'i, ema Jesús Nazareno mákipaikayareji eta templo, máitsiwachayare'iji eta viye'erepiana, manakipairu'i ema Moisés.

Romanos 4:24

puiti, víti apanawa vijakapakare'i me Viya eta vikasiñawaira'i maye'e. Taka'e ema Viákenu maimararaka'i eta vikasiñawaira'i maye'e, te yatupina visuapa maye'e makaini tikaechepuka'i ema Jesús Viakenu Tata Jesucristo,

Romanos 6:4

Eta vikaikachasiraipa te une, tímikutijirikawa'i vikaekarasi'i, vikachanepa ema Cristo eta máepenira'i. Éneichuware eta viúchusira'i te une, vikutipa ema eta máechepusira'i te máekari. Tási'a puiti, arairupa eta vítaresira'i, ichape eta máitupajijiasirawa'i te makaechepukapa ema Machicha.

Romanos 8:11

Táichavene eta máwa'asira'eipa puiti eti ema Machanewa Viya, ema kaechepuka'i ema Jesús, ema tiawa'aka'e'i eti. Émaparakaichu'i ema tikaechepuka'i te maekari ema Jesucristo. Émaichu tikaechepukayare eta iáke'eana tíjaraka'eyare eta arairu itaresiraya. Ema Machanewa Viya ema tiawa'aka'e'i eti.

1 Corintios 15:12

Víti vímituka'eipa eta máechepusira'i ema Cristo te máekari, ¿Natiari'icha'a ena tinerejikawana eye'e ena tika'eana, wa'i téchepukanaima'i ena náepenakeneana?

Colosenses 2:12

Te ekaikachasipa eti maye'e ema Cristo, taka'e eti eneichuware échawapa itareka maye'e ema Cristo taichavene eta esuapira'i eta maitupajijiasirawa'i ema Viya, ema timichawa'i tikaitareka'e'i.

1 Pedro 3:18

Taicha ema Cristo, éta'eichu'i vímikapaka'i, táichavene'i eta vipekaturana. Ema, tétavikawa eta máuriwa, matapiraware'iware. Tíjarakawa'isera tikatajiwaya víchavene'i víti wínarajikeneana, mawaraira'i tiáma'avi me Viya. Tépena'i eta máke'e, étasera eta máchanewa tímiyanawaichucha títareka.