San Juan 2:12 - Táurinakene máechejiriruwa’i ema Viya tikaijare

¹² Te táekenepa eta juka, viyanawarepa te apana awasare tikaijare Cafarnaúm. Namutupaipa, esu maena, ena maparapenaveana, enapa ena máimitureana. Nanasipa jákani sácheana eta ánaki. Napaenumawapa tiyanana te Jerusalén.

Ignaciano

¹² Te táequenepa eta juca, viyana­varepa te apana avasare ticaijare Capernaum. Vimutupaipa, esu maena, ena mapara­pe­naveana, vítipa viti máimitureana. Vinasipa jácani sácheana eta ánaqui. Vipaenumava viyanaya te Jerusalén.

San Juan 2:12 Iomraidhean Croise

San Mateo 11:23

Tási'a piti pikawasa'i te Cafarnaúm, ¿pimijachaipapuka pisiapayare te anuma? ¡Tiakijikavianayare te taupenakene pusu! Taicha te Sodoma naimereka'ini eta tiaramikareana eta naichakeneana'i ánaki eye'e eti, nemeteaka eta awasare tatiari'inaichu'ini puiti juka sacheana.

San Mateo 12:46

Tímiturekaicha'a ema Jesús naye'e ena achaneana, te títekapanecha esu maena énapa ena maparapenaveana, títekapanapa nanasi'isera te aneka, nawara'a'i náechejikayare'i ema,

San Mateo 4:13

Wáipasera mánasi'ini te Nazaret, tiyanapa taye'e eta awasare Cafarnaúm, eta juka awasare te tachausi eta kákiure tinapaika tejena apake'e tikaijare Zabulón étapa Neftalí.

Marcos 6:3

¿Wa'i émaina ema maka, ema carpintero suchicha esu María, maparape ema Santiago, ema José, ema Judas émapa ema Simón? ¿Tási'a wa'i ánina navi'a ena esenana maparapenaveana, tikawasana'i eta ani viye'e? Tási'a wa'i nasuapa'i ema.

San Juan 2:2

Tási'a, ema Jesús tikaichu'asi'iware ema, enapa ena máimitureana.

San Juan 4:46

Ema Jesús tichawapa te Caná te Galila, eta te máepiyasine'i vino eta une. Tási'a ema majupa'a ema rey, matiari'i'i ema machicha tikajuma'i te Cafarnaúm.

San Juan 6:17

te titekapanapa tiáwaku'apa te pakure. Tiánuekayare'i te apachara eta kákiure. Nakaiju'eyare'i eta awasare Cafarnaúm. Tave'awakapa eta yati eta nánuesira'i. Ema Jesús májina'i makachanepa'ini.

1 Corintios 9:5

tási'a éneichuware tituparaka'e'i ítati'iwareni te sutiari'ina'ini esu esena nuyenaina'ini, súkani nukutikene'i tisuapajira'i, tákuti'ini eta ítatirawaka'i ena esenana nayenana'i ena apamuriana apústuleana, émaipa ema Pedro, énapa ena maparapenaveana'i ema Viákenu.

Gálatas 1:19

Émapa ema Santiago, maparape ema Viákenu, ema níma'akene'iware, énasera ena apamuriana apústuleana, nájina níma'awaka'ini.