San Juan 2:11 - Táurinakene máechejiriruwa’i ema Viya tikaijare

¹¹ Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

Ignaciano

¹¹ Eta juca táinapuiruhi tiáramicare máimerecahi ema Jesús, tayehe eta avasare Caná. Ichape­rinehi eta viáramirahi viti vineca­panahi eta juca máimere­sirahi eta máitupa­ji­jia­si­ravahi. Tacahe, ichape­rinehi eta visuapirahi viti máimitu­reanahi.

San Juan 2:11 Iomraidhean Croise

San Juan 1:14

Émaichu'ineni ema Echéjirirukawa, tépiyakawapa ajaira'i, tási'ia tikachane'avipa viye'e viti, tási'a vima'a'i eta majaraiwa, majachapakene'i me Maiya, táicha makarichu'i machicha, tetavikawa'i eta yátupikenera'i maemunaraiwa'i.

San Juan 1:17

taicha eta wanairipi émara tinaka'i ema Moisés. Yátupikenera'i maemunaraiwa'i ema Jesucristo.

San Juan 1:43

Te apanapa sache, ema Jesús tiyanawarepa te tinapaika te Galilea. Ánaki makainunapa ema Felipe. Tási'a, máichapa: –Yare, pé'ikanu.

San Juan 1:50

Ema Jesús majikapapa: –¿Pisuapanu'i étachuchasera eta juka níchiravi'i eta nímairavi'i te tápeku eta yukuki? Píma'ayarewa eta apana tiáramikareanapana taye'e eta juka.

San Juan 10:41

Kamuriana ena achaneana tiyanarakana'i eta maye'e, tási'a, naka'epa ena: –Ema víyara'aini Juan, tayanapane'i tájina máimereka'ini eta tiáramikareana, yátupi'isera eta profetaira'i ema, taicha tamutupa eta mametarapiana maye'e ema maka Jesús, víma'aipa puiti eta yátupikeneana'i.

San Juan 11:15

Núrisamuresera eta májinanuira'i eta ánaki, tiúripanaya eta eye'e taicha íma'aya eta níchakeneyare apaesa esuapanu. Puiti viyanaya víma'apanayare.

San Juan 11:47

Taka'e, ena tuparairukana náimichu'apa namutu ena juéseana, tikurujikakanapa. Naka'epa: –¿Tája'a vícharakawayare, tátanaveana? Ema maena achane, tétavikawa'i eta máitupaijiasirawa'i máicha'i eta tiáramikareana.

San Juan 12:18

Eta taka'e, ena kamurikeneana'i achaneana, tiyanana'i nákapa'i ema, taicha nawara'a'i náimati ema tícha'i eta tiáramikare.

San Juan 12:37

Ichapemuri'i eta náimaira'i ena tikawasana'i eta tiáramikareana máichakeneana'i ema Jesús, wá'ikenesera nasuapa'ini ena;

San Juan 12:41

Ema Isaías maka'e'i eta juka, taicha maima'aipa'i eta majaraiwa ema Jesús, tási'a maechejisi'aware.

San Juan 14:13

Tamutu jákaini eyasearunuyare te nijare nuti, nijaraka'eyare, apaesa ema Machicha, maimecha eta makunachakarewa ema Tata.

San Juan 16:27

taicha émaipa ema Tata témunaka'e'i eti. Táichavene'i eta émunasiranu'iware nuti, eti esuapaipa eta yátupira'i eta mawanesiranu'i ema Tata.

San Juan 16:30

Vímatiwarepa eta yátupira'i pímatiekene'a tamutu eta vipanereruana, étaipa eta juka viwaraira'i viyaserekaviyare. Je'ewarepa visuapapa puiti eta yátupikeneravi'i Machichavi ema Viya.

San Juan 2:1

Te mapanakenepa sache eta táetavisirawa'i, natiari'i ena araimana'i te awasare Caná, tinapaika te Galilea.

San Juan 2:23

Eta manasiraicha'a'i ema Jesús te Jerusalén, te Páskuamu'u, kamuri'i eta tiáramikareana máichakeneana'i. Kamuriana'iware ena achaneana tíma'ana'i.

San Juan 3:2

Taka'e, eta jena yátikene'i, ema Nicodemo tiyanapa mapaipiuchapanapa'i ema Jesús. Taka'e, eta náechejirisirawa'i, maka'epa ema Nicodemo: –Tata maestro, vécha'i eta wanairukavi'i me Viya eta juka pítesira'i pímitusira'avipana'i. Taicha nájina apanaina achane títuruekene'aima'i eta juka tiáramikareana píchakeneana'i píti.

San Juan 4:3

Te tisamauchawapa ema Jesús, majunijikapa eta Judea, tiyanapa tichawa'i te Galilea.

San Juan 4:46

Ema Jesús tichawapa te Caná te Galila, eta te máepiyasine'i vino eta une. Tási'a ema majupa'a ema rey, matiari'i'i ema machicha tikajuma'i te Cafarnaúm.

San Juan 4:54

Eta juka eta tápinane'i eta tiáramikare'i máichakene'i te Galilea, te táekenepa eta machavira'i eta te Judea.

San Juan 5:23

taicha mawara'a'i epikauchanu nuti Machicha, tákuti'ichu eta epikauchira'i ema Tata. Nákanisera wa'i tipikauchanuana'i nuti, wá'iware napikauchaima'i ema Tata.

San Juan 6:14

Eta náimaira'i ena achaneana eta juka máichakeneana'i ema Jesús, ichapeine'i nárami. Tási'a, naka'epa: –Emaipa ema maka profeta ema vikuchapakene'i máiteruyare'i te juka apake'e.

San Juan 6:2

Kamuriana ena achaneana té'ikanapa'i ema, taicha eta náimaira'i eta tiáramikareana máichakeneana'i eta makanarasirawaka'i ena nakajumakeneana.

San Juan 6:26

Ema Jesús maichawakapa: –Nutupiruwa numetaka'e: Eti etánukanupa'i táichavene'i eta nénisira'e'i, nésatu'echira'e'i. Wá'isera ákaikutiara'ini eta nímechira'e'i eta tiáramikareana.

San Juan 6:30

Taka'e, ena nayaserekawarepa: –¿Tája'asika eta tiáramikare pímecha'aviyare apaesa visuapavipa? ¿Taja'apuka eta pemataneana?

San Juan 7:31

Kamuriana'isera ena tisuapana'i ema. Tási'a, naka'epa: –¡Taicha najina makuti eta máichira'i eta tiáramikareana ema maka achane!

San Juan 9:16

Narari'isera ena fariséuona naka'epa: –Ema mákara wa'i machaneraina ema Viya, taicha wa'i mapikaucha'ini eta sáwarumu'uana. Ena apamuriana, ániwarepa naka'e'i: –¿Wáipaine'isera máituruekene'aima'i máicha eta tiáramikareana te yátupina'ini makapekaturara'i'íni? Taka'e, apánapanenejipa eta napanereruana, tiakapaemajirikakanapa ena,

2 Corintios 3:18

Taka'e, vimutu viti vé'ikana'i ema Viákenu vikuti'ipa eta espejo eta tarapepesira'i eta tajaraiwa'i eta sache, víti, yátupi'i vímereka'i eta máuriwa'i ema Viákenu, waipa vikaepakamira'ini, eta taka'e, víti puiti tiápajukawainapaipa eta vikutirayare ema Viákenu taicha tiápajukawa'i eta majaraiwa'i te visamureana. Étavene'iware eta máwa'asira'avi'i ema Machanewa Viya máijararu'i ema Viákenu.

2 Corintios 4:17

Taicha eta viátajiwana'i puiti juka vítaresiraicha'a, wa'i táunakakare, tékatikawanachucha. Éneichuware, jarari'i eta táitsiwa'i, taicha vijakapa'i eta táetaviuchirawaya eta viúrikakarewayare, máichekuarakirenapa.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

1 Juan 5:13

Nukajure'e eta juka eti esuapana maye'e ema machicha ema Viya, apaesa echa eta maichekuarakirenapa eta itaresira tiuri.